Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Lɛ Yɛ Biɛ | ŊMALƐ KRƆŊKRƆŊ LƐ—JEŊ HEE SHISHITSƆƆMƆ

1 Mose 10:1-32

EMLI SAJI

  • Jeŋmaji lɛ agbɛ́ii (1-32)

    • Yafet seshibii (2-5)

    • Ham seshibii (6-20)

      • Nimrod te shi ewo Yehowa (8-12)

    • Shem seshibii (21-31)

10  Noa bihii lɛ, ni ji Shem+ kɛ Ham kɛ Yafet ahe sane nɛ. Afɔ bihii ahã amɛ yɛ Nu Afua lɛ sɛɛ.+  Yafet bihii ji Gomer+ kɛ Magog+ kɛ Madai kɛ Yavan kɛ Tubal+ kɛ Meshek+ kɛ Tiras.+  Gomer bihii ji Ashkenaz+ kɛ Rifat kɛ Togarma.+  Yavan bihii ji Elishah+ kɛ Tarshish+ kɛ Kitim+ kɛ Dodanim.  Mɛnɛɛmɛi amli mɛi ni yɔɔ ŋshɔkpɔi anɔ lɛ jɛ gbɛ shwã amɛshikpɔji lɛ anɔ, yɛ amɛwiemɔi kɛ amɛwekui kɛ amɛjeŋmaji lɛ anaa.  Ham bihii ji Kush kɛ Mizraim+ kɛ Put+ kɛ Kanaan.+  Kush bihii ji Seba+ kɛ Havila kɛ Sabta kɛ Raama+ kɛ Sabteka. Raama bihii ji Sheba kɛ Dedan.  Kush fɔ Nimrod hu. Nimrod ji mɔ klɛŋklɛŋ ni batsɔ kãkãlɔ yɛ shikpɔŋ lɛ nɔ.  Ebatsɔ gbɔbilɔ kpanaa ni teɔ shi woɔ Yehowa. No hewɔ ayɔɔ wiemɔ ko akɛ: “Gbɔbilɔ kpanaa ni teɔ shi woɔ Yehowa, tamɔ Nimrod” lɛ. 10  Emaŋtsɛyeli lɛ mli klɛŋklɛŋ maji* ji Babel+ kɛ Erek+ kɛ Akad kɛ Kalne, yɛ Shinear shikpɔŋ lɛ nɔ.+ 11  Ejɛ nakai shikpɔŋ lɛ nɔ etee Asiria+ ni eyato Ninive+ kɛ Rehobot-Ir kɛ Kala 12  kɛ Resen, yɛ Ninive kɛ Kala teŋ: Enɛ ji maŋ wulu lɛ.* 13  Mizraim fɔ Ludim+ kɛ Anamim kɛ Lehabim kɛ Naftuhim+ 14  kɛ Patrusim+ kɛ Kasluhim (lɛ emli Filistibii+ lɛ jɛ) kɛ Kaftorim.+ 15  Kanaan fɔ Sidon,+ ni ji ekromɔbi lɛ, kɛ Het+ 16  kɛ agbɛnɛ hu, Yebusbii+ lɛ kɛ Amorbii+ lɛ kɛ Girgashbii lɛ 17  kɛ Hivbii+ lɛ kɛ Arkbii lɛ kɛ Sinbii lɛ 18  kɛ Arvadbii+ lɛ kɛ Zemarbii lɛ kɛ Hamatbii+ lɛ. No sɛɛ lɛ, Kanaanbii lɛ awekui lɛ gbɛ shwã. 19  No hewɔ lɛ, Kanaanbii lɛ ahusui lɛ jɛ Sidon kɛtee Gerar,+ ní bɛŋkɛ Gaza+ lɛ tɔ̃ɔ, aahu kɛyatsɔ Sodom kɛ Gomora+ kɛ Adma kɛ Zeboim,+ ní bɛŋkɛ Lasha lɛ. 20  Mɛnɛɛmɛi ji Ham bihii lɛ yɛ amɛwekui kɛ amɛwiemɔi, amɛshikpɔji kɛ amɛjeŋmaji lɛ anaa. 21  Afɔ bii ahã Shem hu, mɔ ni nyɛminukpa ji Yafet* lɛ; Shem ji Eberbii+ lɛ fɛɛ atsɛ. 22  Shem bihii ji Elam+ kɛ Ashur+ kɛ Arpakshad+ kɛ Lud kɛ Aram.+ 23  Aram bihii ji Uz kɛ Hul kɛ Geter kɛ Mash. 24  Arpakshad fɔ Shela,+ ni Shela fɔ Eber. 25  Afɔ bihii enyɔ ahã Eber. Mɔ kome gbɛ́i ji Peleg,*+ ejaakɛ ewala beiaŋ agbála shikpɔŋ lɛ mli.* Enyɛmi nuu lɛ gbɛ́i ji Yoktan.+ 26  Yoktan fɔ Almodad kɛ Shelef kɛ Hazarmawet kɛ Yera+ 27  kɛ Hadoram kɛ Uzal kɛ Dikla 28  kɛ Obal kɛ Abimael kɛ Sheba 29  kɛ Ofir+ kɛ Havila kɛ Yobab; Yoktan bihii ji mɛnɛɛmɛi fɛɛ. 30  Shikpɔŋ ni amɛhi nɔ lɛ jɛ Mesha aahu kɛtee Sefar, ni ji Bokã gɔji lɛ. 31  Mɛnɛɛmɛi ji Shem bihii lɛ yɛ amɛwekui kɛ amɛwiemɔi, amɛshikpɔji kɛ amɛjeŋmaji lɛ anaa.+ 32  Mɛnɛɛmɛi ji Noa bihii lɛ awekui lɛ yɛ amɛwekutɔkpai kɛ amɛjeŋmaji lɛ anaa. Mɛnɛɛmɛi amli jeŋmaji lɛ jɛ gbɛ shwã shikpɔŋ lɛ nɔ fɛɛ yɛ Nu Afua lɛ sɛɛ.+

Shishigbɛ Niŋmaa

Loo “Emaŋtsɛyeli lɛ shishijee.”
Shishitsɔɔmɔi komɛi kɛɔ akɛ, “Maji nɛɛ feɔ maŋ wulu lɛ.”
Shishitsɔɔmɔi komɛi kɛɔ akɛ, “mɔ ni ji Yafet nyɛminukpa.”
Eshishi ji, “Mligbalamɔ.”
Loo “agbála shikpɔŋ lɛ nɔ bii lɛ amli.”