1 Kronika 16:1-43

  • Akɛ Adeka lɛ yama mama tsũ mli (1-6)

  • David shidaa lala (7-36)

    • “Yehowa etsɔ Maŋtsɛ!” (31)

  • Adeka lɛ hiɛ sɔɔmɔ (37-43)

16  No hewɔ lɛ, amɛkɛ anɔkwa Nyɔŋmɔ lɛ Adeka lɛ ba, ni amɛkɛbama mama tsũ ni David efee ehã lɛ lɛ mli;+ ni amɛshã shãa afɔlei kɛ naanyobɔɔ afɔlei yɛ anɔkwa Nyɔŋmɔ lɛ hiɛ.+  Be ni David shã shãa afɔlei+ kɛ naanyobɔɔ afɔlei+ lɛ egbe naa lɛ, ejɔɔ maŋ lɛ yɛ Yehowa gbɛ́i mli.  Agbɛnɛ hu, eja blodo kokloo kɛ deeti keeki* kɛ wain yibii keeki* ehã Israelbii lɛ fɛɛ, nuu fɛɛ nuu kɛ yoo fɛɛ yoo.  Kɛkɛ ni ehã Levibii lɛ ekomɛi sɔmɔ yɛ Yehowa Adeka lɛ hiɛ,+ koni amɛkai Yehowa, Israel Nyɔŋmɔ lɛ,* ni amɛda lɛ shi ni amɛjie eyi.  Asaf+ ji amɛnɔkwɛlɔ, ni mɔ ni ye esɛɛ ji Zakaria; ni Yeiel, kɛ Shemiramot, kɛ Yehiel, kɛ Matitia, kɛ Eliab, kɛ Benaia, kɛ Obed-edom, kɛ Yeiel+ ji mɛi ni tswaa kpãa saŋkui lɛ kɛ saŋkui lɛ;+ ni Asaf ji mɔ ni tswaa tsɛŋtsɛŋi lɛ,+  ni osɔfo Benaia kɛ osɔfo Yahaziel ji mɛi ni kpãa tɛtɛrɛmantɛrɛi lɛ yɛ anɔkwa Nyɔŋmɔ lɛ kpaŋmɔ adeka lɛ hiɛ daa nɛɛ.  Nakai gbi lɛ ji klɛŋklɛŋ be ni David fo shidaa lala ehã Yehowa koni Asaf+ kɛ enyɛmimɛi hii* lɛ alá; no nɛ:  “Nyɛdaa Yehowa shi,+ nyɛboa nyɛtsɛa egbɛ́i lɛ,Nyɛhãa alea enifeemɔi lɛ yɛ majimaji lɛ ateŋ!+  Nyɛláa nyɛhãa lɛ, nyɛláa* kɛjiea eyi,+Nyɛjwɛŋa enaakpɛɛ nitsumɔi lɛ fɛɛ anɔ.*+ 10  Nyɛshwãa nyɛfɔ̃a egbɛ́i krɔŋkrɔŋ lɛ nɔ.+ Mɛi ni taoɔ Yehowa sɛɛ gbɛ lɛ atsuii anya.+ 11  Nyɛtaoa Yehowa+ kɛ ehewalɛ lɛ sɛɛ gbɛ. Nyɛtaoa ehiɛ dromɔ* daa.+ 12  Nyɛkaia naakpɛɛ nitsumɔi ni etsu lɛ,+Enaakpɛɛ nii lɛ kɛ yiŋkpɛi ni jɛ enaa lɛ,* 13  Nyɛ, etsulɔ Israel seshibii,*+Nyɛ Yakob bii, ni ji mɛi ni ehala lɛ.+ 14  Lɛ ji Yehowa, wɔ-Nyɔŋmɔ lɛ.+ Eyiŋkpɛi* lɛ ekpele shikpɔŋ lɛ nɔ fɛɛ.+ 15  Nyɛkaia ekpaŋmɔ lɛ kɛyaa naanɔ,Shi ni ewo kɛyashi yinɔi akpe nɔ lɛ,*+ 16  Kpaŋmɔ ni ekɛ Abraham kpaŋ lɛ,+Kɛ kitã ni ekã Isak lɛ,+ 17  Ni ekɛma shi akɛ famɔ kɛhã Yakob,+Kɛ kpaŋmɔ ni ekɛ Israel kpaŋ ni baahe be kplaŋŋ, 18  Ekɛɛ, ‘Mikɛ Kanaan shikpɔŋ lɛ baahã bo+Akɛ nyɛgboshinii.’+ 19  No mli lɛ, nyɛyi faaa,Hɛɛ, no mli lɛ, nyɛyi faaa kwraa, ni gbɔi ji nyɛ yɛ shikpɔŋ lɛ nɔ.+ 20  Amɛnyiɛ kɛjɛ jeŋmaŋ kome nɔ kɛtee jeŋmaŋ kroko nɔ,Kɛjɛ maŋtsɛyeli kome nɔ kɛtee maŋ kroko nɔ.+ 21  Ehãaa mɔ ko mɔ ko awa amɛ yi,+Shi moŋ, ebɔ maŋtsɛmɛi kɔkɔ yɛ amɛhewɔ,+ 22  Ekɛɛ, ‘Nyɛkataa mɛi ni mifɔ amɛ mu lɛ ahe,Ni migbalɔi lɛ hu, nyɛkafea amɛ efɔŋ ko.’+ 23  Nyɛláa nyɛhãa Yehowa, nyɛ shikpɔŋ lɛ fɛɛ! Nyɛshiɛa eyiwalaheremɔ lɛ gbi fɛɛ gbi!+ 24  Nyɛjajea enunyam lɛ yɛ jeŋmaji lɛ ateŋ,Nyɛjajea enaakpɛɛ nitsumɔi lɛ yɛ maji lɛ fɛɛ amli. 25  Ejaakɛ Yehowa je agbo ni esa yijiemɔ babaoo. Ehe yɛ gbeyei fe nyɔŋmɔi krokomɛi lɛ fɛɛ.+ 26  Majimaji lɛ anyɔŋmɔi lɛ fɛɛ lɛ, nyɔŋmɔi ni he bɛ sɛɛnamɔ ji amɛ,+Shi Yehowa ji mɔ ni fee ŋwɛi lɛ.+ 27  Agbojee* kɛ anunyam yɛ ehiɛ;+Hewalɛ kɛ miishɛɛ yɛ eshihilɛhe lɛ.+ 28  Nyɛ majimaji amli wekui, nyɛkɛ woo ni sa Yehowa lɛ ahãa lɛ,Nyɛkɛ woo ni sa Yehowa lɛ ahãa lɛ yɛ enunyam kɛ ehewalɛ lɛ hewɔ.+ 29  Nyɛkɛ anunyam ni sa Yehowa gbɛ́i lɛ ahãa lɛ;+Nyɛkɛ nikeenii abaa, ni nyɛbaa ehiɛ.+ Nyɛkotoa* Yehowa kɛ atadei krɔŋkrɔŋi.*+ 30  Shikpɔŋ lɛ fɛɛ, nyɛhe akpokpoa yɛ ehiɛ! Akɛ shikpɔŋ* lɛ ema shi shiŋŋ; nɔ ko nɔ ko nyɛŋ ahã ehoso.*+ 31  Ŋwɛi anya, ni shikpɔŋ lɛ aná miishɛɛ;+Nyɛjajea yɛ jeŋmaji lɛ amli akɛ: ‘Yehowa etsɔ Maŋtsɛ!’+ 32  Ŋshɔ lɛ kɛ nɔ fɛɛ nɔ ni yɔɔ mli lɛ ashimɔ tamɔ nugbɔshiimɔ;Ŋa lɛ kɛ nɔ fɛɛ nɔ ni yɔɔ mli lɛ aná miishɛɛ. 33  Ni nakai beiaŋ nɔŋŋ lɛ, koo mli tsei lɛ hu abɔ oshe yɛ Yehowa hiɛ,Ejaakɛ eeba* koni ebakojo shikpɔŋ lɛ. 34  Nyɛdaa Yehowa shi, ejaakɛ ehi;+Esuɔmɔ ni tsakeee lɛ hiɔ shi kɛyaa naanɔ.+ 35  Ni nyɛkɛa akɛ, ‘Heremɔ wɔ, wɔyiwalaheremɔ Nyɔŋmɔ,+Buamɔ wɔnaa, ni ojie wɔ kɛje jeŋmaji lɛ adɛŋ,Koni wɔda ogbɛ́i krɔŋkrɔŋ lɛ shi+Ni wɔkɛ miishɛɛ ajie oyi.*+ 36  Ajie Yehowa, Israel Nyɔŋmɔ lɛ yi,Kɛya naanɔi anaanɔ.’”* Ni maŋbii lɛ fɛɛ kɛɛ akɛ, “Amen!”* ni amɛjie Yehowa yi. 37  Kɛkɛ ni David shi Asaf+ kɛ enyɛmimɛi hii* lɛ yɛ jɛmɛ yɛ Yehowa kpaŋmɔ adeka lɛ hiɛ koni amɛya nɔ amɛsɔmɔ yɛ Adeka lɛ hiɛ,+ tamɔ bɔ ni amɛfeɔ daa lɛ.+ 38  Obed-edom kɛ enyɛmimɛi hii,* mɛi 68, kɛ Obed-edom, Yedutun binuu lɛ, kɛ Hosa sɔmɔ akɛ agbonaakwɛlɔi; 39  ni osɔfo Zadok+ kɛ osɔfoi krokomɛi ni fata ehe lɛ damɔɔ Yehowa sɔlemɔ buu lɛ hiɛ yɛ he grɔŋŋ ni yɔɔ Gibeon lɛ+ 40  koni amɛshã shãa afɔlei amɛhã Yehowa daa yɛ shãa afɔle afɔleshaa latɛ lɛ nɔ, leebi kɛ gbɛkɛ, agbɛnɛ hu, koni amɛfee nɔ fɛɛ nɔ ni aŋma yɛ Yehowa Mla ni ekɛhã Israel lɛ mli.+ 41  Mɛi ni fata amɛhe yɛ jɛmɛ hu ji Heman kɛ Yedutun,+ kɛ hii ni aje gbɛ atsɛ* lɛ ateŋ mɛi ni eshwɛ lɛ, koni amɛda Yehowa shi,+ ejaakɛ “esuɔmɔ ni tsakeee lɛ hiɔ shi kɛyaa naanɔ”;+ 42  ni Heman+ kɛ Yedutun fata amɛhe yɛ jɛmɛ koni amɛkpã tɛtɛrɛmantɛrɛi lɛ, ni amɛtswa tsɛŋtsɛŋi lɛ, kɛ nibii ni akɛjieɔ anɔkwa Nyɔŋmɔ lɛ yi lɛ,* ni Yedutun bihii+ lɛ ji mɛi ni buɔ agbó lɛ naa. 43  Kɛkɛ ni maŋbii lɛ fɛɛ tee amɛshĩai amli, ni David hu tee koni eyajɔɔ eshĩabii lɛ.

Shishigbɛ Niŋmaa

Keeki nɛɛ ji deeti yibii ni egbi ni anyɛmɔ nɔ afee lɛ ekome tamɔ pan keeki.
Keeki nɛɛ ji wain yibii ni egbi ni anyɛmɔ nɔ afee lɛ ekome tamɔ pan keeki.
Loo “koni amɛkɛ woo ahã Yehowa, Israel Nyɔŋmɔ lɛ.”
Ni ji, enyɛmimɛi Levibii.
Loo “nyɛtswaa lala.”
Shishitsɔɔmɔi komɛi kɛɔ akɛ, “Nyɛwiea enaakpɛɛ nitsumɔi lɛ fɛɛ ahe.”
Loo “ehiɛ gbɛ.”
Loo “kɛ ekojomɔi lɛ.”
Loo “shwiei.” Hebri sht. ŋm., “dumɔwu.”
Loo “Ekojomɔi.”
Hebri sht. ŋm., “Wiemɔ ni ekɛwo yinɔi akpe kitã lɛ.”
Loo “Woo.”
Loo “Nyɛjáa.”
Shishitsɔɔmɔi komɛi kɛɔ akɛ, “yɛ bɔ ni eyɔɔ krɔŋkrɔŋ waa lɛ hewɔ.”
Loo “Shikpɔŋ ni baa nii.”
Loo “enyɛŋ ehoso.”
Loo “eba.”
Loo “Ni wɔná miishɛɛ yɛ oyijiemɔ lɛ mli.”
Loo “Kɛjɛ naanɔ kɛyashi naanɔ.”
Loo “Aba mli nakai!”
Ni ji, enyɛmimɛi Levibii.
Ni ji, enyɛmimɛi Levibii.
Loo “hii ni aje gbɛ atsĩ amɛgbɛ́i atã.”
Loo “nibii ni akɛtswaa lala ahãa anɔkwa Nyɔŋmɔ lɛ.”