1 Kronika 12:1-40

  • Mɛi ni ye amɛbua David yɛ emaŋtsɛyeli lɛ mli (1-40)

12  Agbɛnɛ, mɛnɛɛmɛi ji hii ni ba David ŋɔɔ yɛ Ziklag+ be ni enyɛɛɛ eya he fɛɛ he ni esumɔɔ yɛ Saul,+ Kish binuu lɛ hewɔ lɛ, ni amɛfata tawulɔi kãkãlɔi ni ye amɛbua lɛ yɛ ta mli lɛ ahe.+  Amɛhiɛ gãii, ni amɛbaanyɛ amɛkɛ amɛninejurɔ kɛ abɛku+ fɛɛ afɔ̃ akromia+ loo amɛkɛtsɛ̃ gãi. Amɛjɛ Benyaminbii+ lɛ ateŋ, ni amɛji Saul wekumɛi.*  Ahiezer kɛ Yoash, Gibeanyo+ Shemaa bihii lɛ ji mɛi ni nyiɛ amɛhiɛ; Yeziel kɛ Pelet, Azmawet+ bihii lɛ, kɛ Beraka, kɛ Yehu, Anatotnyo lɛ,  kɛ Ishmaia, Gibeonnyo+ lɛ, eji tawulɔ kãkãlɔ yɛ mɛi 30 lɛ ateŋ,+ ni lɛ ji amɛnɔkwɛlɔ; agbɛnɛ hu, Yeremia, kɛ Yahaziel, kɛ Yohanan, kɛ Yozabad, Gederanyo lɛ,  kɛ Eluzai, kɛ Yerimot, kɛ Bealia, kɛ Shemaria, kɛ Shefatia, Harifnyo lɛ,  kɛ Elkana, kɛ Ishia, kɛ Azarel, kɛ Yoezer, kɛ Yashobeam, ni ji Korabii+ lɛ;  kɛ Yoela kɛ Zebadia, Yeroham ni jɛ Gedor lɛ bihii lɛ.  Gadbii lɛ ekomɛi tse amɛhe kɛtee David ŋɔɔ yɛ teemɔhe lɛ yɛ ŋa lɛ nɔ;+ amɛji tawulɔi kãkãlɔi, asraafoi ni atsɔse amɛ kɛhã ta, ni le tsɛŋ wulu kɛ akpɔlɔ hiɛmɔ, ni amɛhiɛ tamɔ jatai ahiɛ, ni amɛhe yɛ oya tamɔ gɔji anɔ adowai.  Mɔ ni he esa fe fɛɛ* ji Ezer, ni mɔ ni ji enyɔ nɔ ji Obadia, ni mɔ ni ji etɛ nɔ ji Eliab, 10  ni mɔ ni ji ejwɛ nɔ ji Mishmana, ni mɔ ni ji enumɔ nɔ ji Yeremia, 11  ni mɔ ni ji ekpaa nɔ ji Atai, ni mɔ ni ji kpawo nɔ ji Eliel, 12  ni mɔ ni ji kpaanyɔ nɔ ji Yohanan, ni mɔ ni ji nɛɛhu nɔ ji Elzabad, 13  ni mɔ ni ji nyɔŋma nɔ ji Yeremia, ni mɔ ni ji nyɔŋma kɛ ekome nɔ ji Makbanai. 14  Mɛnɛɛmɛi jɛ Gadbii+ lɛ ateŋ ni amɛji asraafoi lɛ anɔ onukpai. Mɔ ni he esako kwraa lɛ baanyɛ ekɛ mɛi 100 anɔ, ni mɔ ni he esa fe fɛɛ lɛ baanyɛ ekɛ mɛi 1,000 anɔ.+ 15  Hii nɛɛ ji mɛi ni fo Yordan lɛ yɛ klɛŋklɛŋ nyɔɔŋ lɛ nɔ be ni faa lɛ eyi ni eje ŋa lɛ, ni amɛwo mɛi fɛɛ ni yɔɔ jɔɔ lɛ mli lɛ foi kɛtee bokã kɛ anai. 16  Hii ni jɛ Benyamin kɛ Yuda weku lɛ mli lɛ ekomɛi hu tee David ŋɔɔ yɛ eteemɔhe lɛ.+ 17  David je kpo kɛba amɛŋɔɔ ni ebakɛɛ amɛ akɛ: “Kɛ́ nyɛba miŋɔɔ yɛ toiŋjɔlɛ mli koni nyɛbaye nyɛbua mi lɛ, no lɛ, miyɛ he tsui akɛ mikɛ nyɛ baafee ekome. Shi kɛ́ nyɛba koni nyɛbajie mi nyɛhã mihenyɛlɔi lɛ be ni mifeko nɔ fɔŋ ko lɛ, no lɛ, wɔtsɛmɛi a-Nyɔŋmɔ lɛ akwɛ ni ekojo.”+ 18  Kɛkɛ ni mumɔ lɛ ba* Amasai,+ mɛi 30 lɛ anɔkwɛlɔ lɛ nɔ, ni ekɛɛ: “Onii ji wɔ, David, ni wɔyɛ osɛɛ, Yishai binuu.+ Toiŋjɔlɛ, toiŋjɔlɛ ahã bo, ni toiŋjɔlɛ ahã mɔ ni yeɔ ebuaa bo lɛ hu,Ejaakɛ o-Nyɔŋmɔ lɛ miiye kɛmiibua bo.”+ No hewɔ lɛ, David here amɛ, ni ehole amɛ onukpai yɛ asraafoi lɛ anɔ. 19  Manasebii lɛ hu ateŋ mɛi komɛi tse amɛhe kɛtee David ŋɔɔ be ni efata Filistibii lɛ ahe kɛba koni amɛkɛ Saul abawu lɛ; shi enáaa eye ebua Filistibii lɛ, ejaakɛ be ni Filistibii+ lɛ anɔyelɔi lɛ tee ajina sɛɛ lɛ, amɛwo lɛ gbɛ, amɛkɛɛ: “Ebaatse ehe eyafata enuŋtsɔ Saul he, ni no kɛ wɔwala baawo oshãra mli.”*+ 20  Be ni etee Ziklag+ lɛ, mɛnɛɛmɛi ji Manase weku lɛ mli bii ni tse amɛhe kɛba eŋɔɔ: Adna, kɛ Yozabad, kɛ Yediael, kɛ Mikael, kɛ Yozabad, kɛ Elihu, kɛ Ziletai, ni ji Manase weku lɛ mli mɛi akpe nɔkwɛlɔi lɛ.+ 21  Amɛye amɛbua David ni ekɛ ojotswalɔi ata lɛ wu, ejaakɛ hii kãkãlɔi ji amɛ fɛɛ,+ ni amɛbatsɔmɔ tatsɛmɛi yɛ asraafoi lɛ ateŋ. 22  Daa gbi lɛ, mɛi baa David ŋɔɔ+ koni amɛbaye amɛbua lɛ, ni enɛ tee nɔ aahu kɛyashi amɛtsɔ nsara kpele tamɔ Nyɔŋmɔ nsara lɛ.+ 23  Hii ni ewula amɛhe kɛhã ta ni ba David ŋɔɔ yɛ Hebron+ koni amɛkɛ Saul maŋtsɛyeli lɛ ahã David yɛ Yehowa famɔ naa lɛ ayifalɛ nɛ.+ 24  Hii ni jɛ Yuda weku lɛ mli ni hiɛɔ tsɛŋ wulu kɛ akpɔlɔ ni amɛwula kɛhã ta lɛ ayifalɛ ji 6,800. 25  Yɛ Simeon weku lɛ mli lɛ, tawulɔi kãkãlɔi 7,100. 26  Yɛ Levibii lɛ ateŋ lɛ, mɛi 4,600. 27  Yehoiada+ ji Aaronbii+ lɛ ahiɛnyiɛlɔ, ni mɛi 3,700 fata ehe, 28  kɛ agbɛnɛ hu Zadok,+ oblanyo kãkãlɔ, kɛ etsɛmɛi ashĩa onukpai 22. 29  Yɛ Benyaminbii lɛ, ni ji Saul+ wekumɛi* lɛ ateŋ lɛ, mɛi 3,000, no mli lɛ, amɛteŋ mɛi babaoo kwɛɔ Saul shĩa lɛ nibii lɛ anɔ. 30  Yɛ Efraimbii lɛ ateŋ lɛ, ayɛ tawulɔi kãkãlɔi 20,800 ni ehe gbɛ́i yɛ amɛtsɛmɛi ashĩai lɛ. 31  Yɛ Manase weku lɛ fã kroko lɛ mli lɛ, mɛi 18,000 ni aje gbɛ atsɛ amɛ* koni amɛbawó David maŋtsɛ. 32  Yɛ Isakar weku lɛ ni le bei lɛ ahe nii, kɛ nɔ ni esa akɛ Israel afee lɛ mli lɛ, amɛyɛ onukpai 200, ni amɛnyɛmimɛi hii lɛ fɛɛ yɛ amɛshishi. 33  Yɛ Zebulon weku lɛ mli lɛ, mɛi 50,000 ni baanyɛ asɔmɔ yɛ asraafoi lɛ ateŋ, ni nyɛɔ amɛbuaa amɛhe naa kɛhã ta ni amɛhiɛɔ tawuu nii srɔtoi fɛɛ, amɛ fɛɛ amɛba David ŋɔɔ kɛ amɛtsui fɛɛ.* 34  Yɛ Naftali weku lɛ mli lɛ, tatsɛmɛi 1,000, ni mɛi 37,000 ni hiɛɔ tsɛŋ wulu kɛ akpɔlɔ fata amɛhe. 35  Yɛ Dan weku lɛ mli lɛ, mɛi 28,600 ni buaa amɛhe naa kɛhã ta. 36  Ni yɛ Asher weku lɛ mli lɛ, mɛi ni baanyɛ asɔmɔ yɛ asraafoi lɛ ateŋ ni amɛbuaa amɛhe naa kɛhã ta lɛ ji mɛi 40,000. 37  Yɛ Rubenbii lɛ, kɛ Gadbii lɛ, kɛ Manase weku lɛ fã kroko lɛ, ni ji wekui ni yɔɔ Yordan+ Faa lɛ sɛɛ lɛ ateŋ hu lɛ, asraafoi 120,000 ni hiɛɔ tawuu nii srɔtoi fɛɛ. 38  Hii nɛɛ fɛɛ ji tawulɔi ni buaa amɛhe naa kɛhã ta; amɛba Hebron kɛ amɛtsui muu fɛɛ koni amɛbawó David maŋtsɛ yɛ Israel fɛɛ nɔ, ni Israelbii krokomɛi lɛ fɛɛ hu miisumɔ ni* awó David maŋtsɛ.+ 39  Ni amɛkɛ David hi shi gbii etɛ yɛ jɛmɛ, ni amɛye nii ni amɛnu nii, ejaakɛ amɛnyɛmimɛi hii lɛ esara amɛsɛɛ. 40  Agbɛnɛ hu, mɛi ni bɛŋkɛ amɛ lɛ, kɛ mɛi ni yɔɔ shɔŋŋ tamɔ Isakar, kɛ Zebulon, kɛ Naftali lɛ po kɛ niyenii srɔtoi—ashikishaŋ, agbami keekii,* wain yibii keekii,* wain, kɛ mu—tereɔ tejii, kɛ afukpɔŋɔi, kɛ teji okpɔŋɔi,* kɛ tsinai kɛbaa, ni amɛkɛ tsinai kɛ gwantɛŋi babaoo hu baa, ejaakɛ no mli lɛ, mɔ fɛɛ mɔ ená miishɛɛ yɛ Israel.

Shishigbɛ Niŋmaa

Loo “nyɛmimɛi hii.”
Loo “Mɔ ni ji yitso.”
Hebri sht. ŋm., “baha.”
Loo “ni wɔkɛ wɔyitsei baatse.”
Loo “nyɛmimɛi hii.”
Loo “aje gbɛ atsĩ amɛgbɛ́ii atã.”
Loo “mɛi fɛɛ ni bafataa David he lɛ, jeee tsui ntatsɛmɛi.”
Hebri sht. ŋm., “fɛɛ hu hiɛ tsui kome akɛ.”
Keeki nɛɛ ji agbamii ni egbi ni anyɛmɔ nɔ afee lɛ ekome tamɔ pan keeki.
Keeki nɛɛ ji wain yibii ni egbi ni anyɛmɔ nɔ afee lɛ ekome tamɔ pan keeki.
Teji nɛɛ ji tejinuu kɛ okpɔŋɔyoo bi.