Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

 SANEBIMƆ 5

Mɛɛ Sane Oti Biblia Lɛ Wieɔ He?

“Mikɛ nyɛɛ baaŋmɛ bo kɛ yoo lɛ teŋ, kɛ oseshi kɛ eseshi teŋ. Ebaajwara oyitso, ni bo hu obaatswa enanetsitsi nɔ.”

1 Mose 3:15

“Oseshi lɛ nɔ shikpɔŋ lɛ nɔ jeŋmaji fɛɛ baatsɔ aná jɔɔmɔ amɛhã amɛhe, ejaakɛ obo migbee toi.”

1 Mose 22:18

“O-Maŋtsɛyeli lɛ aba. Afee nɔ ni osumɔɔ yɛ shikpɔŋ lɛ nɔ, tamɔ bɔ ni afeɔ yɛ ŋwɛi lɛ.”

Mateo 6:10

“Etsɛŋ, Nyɔŋmɔ ni hãa toiŋjɔlɛ lɛ baahã nyɛnaanaa Satan nɔ ni nyɛkpɔtɔ lɛ yɛ nyɛnajiashi.”

Romabii 16:20

“Kɛ́ akɛ nibii fɛɛ wo eshishi lɛ, no sɛɛ lɛ Bi lɛ diɛŋtsɛ hu kɛ ehe baawo mɔ ni kɛ nibii fɛɛ wo eshishi lɛ shishi, koni Nyɔŋmɔ atsɔ nibii fɛɛ ahã mɔ fɛɛ mɔ.”

1 Korintobii 15:28

 “Agbɛnɛ, atsĩ shiwoi lɛ atã atsɔɔ Abraham kɛ eseshi lɛ . . . , mɔ ni ji Kristo lɛ. Agbɛnɛ hu, kɛ́ Kristo nii ji nyɛ lɛ, belɛ Abraham seshi ji nyɛ lɛɛlɛŋ.”

Galatiabii 3:16, 29

“Je lɛŋ maŋtsɛyeli lɛ etsɔ wɔ-Nuŋtsɔ lɛ kɛ e-Kristo lɛ Maŋtsɛyeli, ni ebaaye maŋtsɛ kɛya naanɔi anaanɔ.”

Kpojiemɔ 11:15

“No hewɔ lɛ, ashɛ drako kpeteŋkpele lɛ afɔ̃, blema onufu lɛ, ni atsɛɔ lɛ Abonsam kɛ Satan lɛ, mɔ ni lakaa shikpɔŋ muu lɛ fɛɛ lɛ; ashɛ lɛ afɔ̃ shikpɔŋ, ni ashɛrɛ ebɔfoi lɛ hu ashwie afata ehe.”

Kpojiemɔ 12:9

“Emɔ drako lɛ, blema onufu lɛ, mɔ ni ji Abonsam kɛ Satan lɛ, ni efi lɛ afii 1,000.”

Kpojiemɔ 20:2