Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

 SANEBIMƆ 6

Mɛni Biblia Lɛ Gba Yɛ Mesia Lɛ He?

GBALƐ

“Bo Betlehem Efrata, . . . bo omli mɔ ni baafee nɔyelɔ yɛ Israel lɛ baajɛ aba ahã mi.”

Mika 5:2

EMLIBAA

“Afɔ Yesu yɛ Betlehem ni yɔɔ Yudea lɛ, yɛ Maŋtsɛ Herode gbii lɛ amli, ni no sɛɛ lɛ, naa! ŋulamiiaŋkwɛlɔi jɛ Bokã amɛba Yerusalem.”

Mateo 2:1

GBALƐ

“Amɛjara mitadei lɛ amli amɛhã amɛhe, ni amɛfɔ̃ mitade lɛ nɔ oshiki.”

Lala 22:18

EMLIBAA

“Agbɛnɛ, be ni asraafoi lɛ kala Yesu amɛkpɛtɛ tso jaŋŋ lɛ he lɛ, amɛkɔlɔ etadei anɔhaanɔi lɛ ni amɛjara mli ejwɛ . . . Shi etade ni ewoɔ yɛ etade shishi lɛ bɛ tsamɔhe, ejaakɛ alo kɛjɛ ŋwɛi kɛyi shi. No hewɔ lɛ, amɛkɛɛkɛɛ amɛhe akɛ: ‘Nyɛkahãa wɔgbálaa no mli, shi moŋ nyɛhãa wɔfɔ̃a nɔ oshiki kɛna mɔ nɔ ni ebaatsɔ.’”

Yohane 19:23, 24

 GBALƐ

“Ebuɔ ewui lɛ fɛɛ ahe; akuko ekome folo po.”

Lala 34:20

EMLIBAA

“Be ni amɛshɛ Yesu nɔ lɛ, amɛna akɛ egbo momo, no hewɔ lɛ, amɛkumɔɔɔ enaji.”

Yohane 19:33

GBALƐ

“Atsu lɛ nɔ yɛ wɔnɔtɔmɔi lɛ ahewɔ.”

Yesaia 53:5

EMLIBAA

“Asraafoi lɛ ateŋ mɔ kome kɛ akpɔlɔ tsu eŋmawuiaŋ, ni amrɔ lɛ lá kɛ nu je mli ho.”

Yohane 19:34

GBALƐ

“Amɛwo mi nyɔmɔ lɛ, jwiɛtɛi kapɛji 30.”

Zakaria 11:12, 13

EMLIBAA

“Kɛkɛ ni Mɛi Nyɔŋma Kɛ Enyɔ lɛ ateŋ mɔ kome ni atsɛɔ lɛ Yuda Iskariot lɛ tee osɔfoi hiɛnaanɔbii lɛ aŋɔɔ ni eyakɛɛ: ‘Mɛni nyɛbaahã mi koni majie lɛ mahã nyɛ?’ Amɛkɛ lɛ kpaŋ akɛ amɛbaahã lɛ jwiɛtɛi kapɛji 30.”

Mateo 26:14, 15; 27:5