Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ

ŊMALƐ KRƆŊKRƆŊ LƐ—JEŊ HEE SHISHITSƆƆMƆ

Yakobo 4:1-17

4  Nɛgbɛ tawui kɛ nɔmɔi ni yɔɔ nyɛteŋ lɛ jɛ? Ani jeee nibii ni nyɛheloo lɛ shweɔ ni yaa nɔ wuɔ ta yɛ nyɛmli* lɛ amli ejɛ?  Nyɛshweɔ nii, ni kɛ̃lɛ nyɛnáaa. Nyɛyaa nɔ nyɛgbeɔ mɛi, ni nyɛhiɛ kɔ̃ɔ nii anɔ, ni kɛ̃lɛ nyɛnine nyɛɛɛ nɔ ashɛ. Nyɛyaa nɔ nyɛnɔɔ ni nyɛwuɔ ta. Nyɛnáaa ejaakɛ nyɛbiii.  Kɛ́ nyɛbi hu, nyɛnine shɛɛɛ nɔ ejaakɛ yiŋtoo fɔŋ hewɔ nyɛbiɔ, koni nyɛkɛtsu nibii ni nyɛheloo lɛ shweɔ lɛ ahe nii.  Gbalafitelɔi,* ani nyɛleee akɛ naanyo ni akɛ je lɛ bɔɔ lɛ ji nyɛ ni anyɛɔ Nyɔŋmɔ? No hewɔ lɛ, mɔ fɛɛ mɔ ni sumɔɔ akɛ etsɔ je lɛ naanyo lɛ, eetsɔ ehe Nyɔŋmɔ henyɛlɔ.  Aloo nyɛsusuɔ akɛ yaka ni ŋmalɛ lɛ kɛɔ akɛ: “Mɔnɔklɔmɔ mumɔ ní hiɔ wɔmli lɛ yaa nɔ eshweɔ nibii fɛɛ” lɛ?  Kɛ̃lɛ, duromɔ ni E-ŋɔhãa lɛ da fe no. No hewɔ lɛ, ŋmalɛ lɛ kɛɔ akɛ: “Nyɔŋmɔ tsĩɔ henɔwolɔi anaa, shi eduroɔ heshibalɔi.”  No hewɔ lɛ, nyɛŋɔa nyɛhe nyɛwoa Nyɔŋmɔ shishi; shi nyɛtsĩa Abonsam gbɛ, ni ebaajo nyɛnaa foi.  Nyɛtsia nyɛbɛŋkɛa Nyɔŋmɔ, ni ebaatsi ebɛŋkɛ nyɛ. Nyɛtsua nyɛniji ahe, nyɛ eshafeelɔi, ní nyɛhãa nyɛtsuii ahe atsea, nyɛ jwɛŋmɔ enyɔnyɔɔnyɔtsɛmɛi.  Nyɛhe ajaraa nyɛ, nyɛyea awerɛho ní nyɛfoa. Nyɛhãa nyɛŋmɔlɔ lɛ atsɔa awerɛhoyeli, ní nyɛmiishɛɛ hu atsɔa yoyoromɔ. 10  Nyɛbaa nyɛhe shi yɛ Yehowa* hiɛ, ni ebaawó nyɛnɔ. 11  Nyɛmimɛi, nyɛkpaa wiemɔ ni nyɛwiewieɔ nyɛshiɔ nyɛhe lɛ. Mɔ fɛɛ mɔ ni wieɔ eshiɔ nyɛmi ko, aloo ekojoɔ enyɛmi lɛ, eewie eeshi mla, ni eekojo mla. Agbɛnɛ, kɛ́ okojo mla lɛ, jeee mɔ ni kɛ mla tsuɔ nii ji bo, shi moŋ kojolɔ. 12  Mɔ kome pɛ ji Mlawolɔ kɛ Kojolɔ, mɔ ni nyɛɔ ehereɔ yiwala, ní enyɛɔ ekpãtãa hiɛ hu lɛ. Shi bo lɛ, namɔ ji bo ni okojoɔ onaanyo gbɔmɔ? 13  Agbɛnɛ, nyɛboa toi, nyɛ mɛi ni nyɛkɛɔ akɛ: “Ŋmɛnɛ loo wɔ́ lɛ wɔbaafã gbɛ kɛya maŋ nɛɛ nɔ ni wɔbaaye afi kome yɛ jɛmɛ, ni wɔbaaye guɔ ni wɔbaaná sɛɛ,” 14  tsɛbelɛ nyɛleee nɔ ni baaba nyɛnɔ wɔ́. Ejaakɛ nyɛtamɔ afua ní pueɔ be kukuoo, kɛkɛ lɛ elaaje. 15  Moŋ lɛ, esa akɛ nyɛkɛɛ akɛ: “Kɛ́ Yehowa* miisumɔ lɛ, wɔbaahi wala mli ní wɔfee enɛ loo enɛ.” 16  Shi amrɔ nɛɛ, nyɛkɛ nyɛhenɔwomɔi lɛ shwãa. Nɛkɛ shwãa nɛɛ fɛɛ lɛ, efɔŋ ni. 17  No hewɔ lɛ, kɛ́ mɔ ko le bɔ ni eeefee efee nɔ ni ja, ni kɛ̃lɛ efeee lɛ, esha ji no hã lɛ.

Shishigbɛ Niŋmaa

Sht. ŋm., “yɛ nyɛhenii lɛ amli.”
Aloo “Nyɛ mɛi ni nyɛyeee anɔkwa.”
Kwɛmɔ Wiemɔi Titrii Amligbalamɔ lɛ.
Kwɛmɔ Wiemɔi Titrii Amligbalamɔ lɛ.