Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ

ŊMALƐ KRƆŊKRƆŊ LƐ—JEŊ HEE SHISHITSƆƆMƆ

Yakobo 2:1-26

2  Minyɛmimɛi, nyɛhiɛ Yesu Kristo ni ji wɔnunyam Nuŋtsɔ lɛ hemɔkɛyeli lɛ mli, ni nakai be lɛ mli nɔŋŋ lɛ nyɛmiikwɛ hiɛiaŋ, aloo jeee nakai?  Ejaakɛ kɛ́ nuu ko ni wo shika tsuru gai yɛ ewaobii ahe ní ewo atade fɛfɛo ba nyɛkpee lɛ shishi, ni ohiafo ko hu ni wo atade mujimuji ba shishi lɛ,  ani nyɛtseɔ nyɛhiɛ nyɛhãa mɔ ni wo atade fɛfɛo lɛ, ni nyɛkɛɔ akɛ, “Bo lɛ baata sɛi nɛɛ nɔ yɛ he kpakpa nɛɛ,” ni nyɛkɛɔ ohiafo lɛ akɛ, “Bo lɛ yaa nɔ odamɔ shi,” aloo “Baata sɛi nɛɛ nɔ yɛ minajiashi maaŋoo lɛ shishigbɛ”?  Kɛ́ nakai ni lɛ, belɛ ani jeee nii amli nyɛjieɔ yɛ nyɛteŋ lɛ, ni asaŋ jeee kojolɔi ni kpɛɔ yiŋ fɔji nyɛtsɔmɔ nɛɛ?  Minyɛmimɛi ni misumɔɔ, nyɛboa toi. Ani jeee mɛi ni ji ohiafoi yɛ je lɛ susumɔ naa lɛ Nyɔŋmɔ hala koni amɛtsɔmɔ niiatsɛmɛi yɛ hemɔkɛyeli gbɛfaŋ, kɛ Maŋtsɛyeli ní ewo he shi ehã mɛi ni sumɔɔ lɛ lɛ niyelɔi?  Shi nyɛ lɛ, nyɛgbeɔ ohiafoi lɛ ahe guɔ. Ani jeee niiatsɛmɛi lɛ waa nyɛ yi ni amɛ nɔŋŋ amɛgbalaa nyɛ kɛyaa saneyelihei lɛ?  Ani jeee amɛ nɔŋŋ amɛbɔɔ musu amɛshiɔ gbɛ́i kpakpa ní akɛtsɛ nyɛ lɛ?  Agbɛnɛ, kɛ́ nyɛyeɔ maŋtsɛ* mla lɛ nɔ taakɛ ŋmalɛ lɛ tsɔɔ lɛ, akɛ, “Esa akɛ osumɔ onaanyo gbɔmɔ tamɔ bo diɛŋtsɛ ohe” lɛ, no lɛ nyɛmiifee jogbaŋŋ.  Shi kɛ́ nyɛtee nɔ nyɛkwɛ hiɛiaŋ lɛ, no lɛ nyɛmiifee esha, ni mla lɛ ebu nyɛ fɔ* akɛ nyɛji mlatɔlɔi. 10  Ejaakɛ kɛ́ mɔ ko yeɔ Mla lɛ fɛɛ nɔ, shi etɔ̃ yɛ ekome mli lɛ, eye fɔ yɛ fɛɛ mli. 11  Ejaakɛ mɔ ni kɛɛ akɛ, “Esaaa akɛ ofiteɔ gbãla”* lɛ, ekɛɛ hu akɛ, “Esaaa akɛ ogbeɔ gbɔmɔ.” Agbɛnɛ, kɛ́ ofiteee gbãla, shi ogbeɔ gbɔmɔ lɛ, no lɛ otsɔ mlatɔlɔ. 12  Nyɛyaa nɔ nyɛwiea ní nyɛfea nyɛnii tamɔ mɛi ni akɛ odehei amla* baakojo amɛ. 13  Ejaakɛ mɔ ni enaaa mɔbɔ lɛ, abaakojo lɛ ní anaŋ lɛ mɔbɔ. Mɔbɔnalɛ yeɔ kojomɔ nɔ kunim. 14  Minyɛmimɛi, kɛ́ mɔ ko kɛɛ eyɛ hemɔkɛyeli shi ebɛ nitsumɔi lɛ, mɛɛ sɛɛnamɔ yɔɔ he? Nakai hemɔkɛyeli lɛ nyɛŋ ahere eyiwala, aloo jeee nakai? 15  Kɛ́ nyɛmi nuu loo nyɛmi yoo ko bɛ atadei* ni ebɛ niyenii ni fa bɔ ni sa kɛhã gbi lɛ, 16  ni kɛ̃lɛ nyɛteŋ mɔ ko kɛɛ lɛ akɛ, “Yaa yɛ toiŋjɔlɛ mli; ohe adɔ la, ní oyaye nii otɔ,” shi nyɛhãaa lɛ nɔ ni he hiaa egbɔmɔtso lɛ, mɛɛ sɛɛnamɔ yɔɔ he? 17  Nakai nɔŋŋ hemɔkɛyeli hu, kɛ nitsumɔi fataaa he lɛ, eji hemɔkɛyeli ni egbo. 18  Kɛ̃lɛ mɔ ko baakɛɛ akɛ: “Bo lɛ, oyɛ hemɔkɛyeli, ni mi lɛ, miyɛ nitsumɔi. Tsɔɔmɔ mi ohemɔkɛyeli ni nitsumɔi fataaa he lɛ, ni mi hu matsɔ minitsumɔi anɔ matsɔɔ bo mihemɔkɛyeli lɛ.” 19  Bo lɛ, oheɔ oyeɔ akɛ Nyɔŋmɔ kome pɛ yɔɔ, aloo jeee nakai? Oofee jogbaŋŋ. Ni kɛ̃lɛ daimonioi lɛ hu heɔ enɛ amɛyeɔ ni amɛhe kpokpoɔ. 20  Oo yaka gbɔmɔ, ani ootao ole akɛ hemɔkɛyeli ni nitsumɔi fataaa he lɛ sɛɛnamɔ ko bɛ he? 21  Wɔtsɛ Abraham lɛ, ani jeee nitsumɔi anɔ atsɔ abu lɛ jalɔ, be ni eŋɔ ebi Isak ehã yɛ afɔleshaa latɛ lɛ nɔ lɛ? 22  Oona akɛ ehemɔkɛyeli lɛ kɛ enitsumɔi lɛ nyiɛ, ni atsɔ enitsumɔi lɛ anɔ ahã ehemɔkɛyeli lɛ ye emuu, 23  ni ŋmalɛ nɛɛ ba mli akɛ: “Abraham ná hemɔkɛyeli yɛ Yehowa* mli, ni abu no jalɛ ahã lɛ,” ni atsɛ lɛ Yehowa* naanyo. 24  Nyɛmiina akɛ nitsumɔi anɔ abaatsɔ abu gbɔmɔ jalɔ, shi jeee hemɔkɛyeli pɛ. 25  Nakai nɔŋŋ Rahab, ashawo yoo lɛ hu, ani jeee nitsumɔi anɔ atsɔ abu lɛ jalɔ be ni ehere bɔfoi lɛ hiɛmɛɛ ní ehã amɛtsɔ gbɛ kroko nɔ kɛtee lɛ? 26  Anɔkwa, tamɔ bɔ ni gbɔmɔtso ni mumɔ bɛ mli* lɛ ji gbonyo lɛ, nakai nɔŋŋ hu hemɔkɛyeli ni nitsumɔi fataaa he lɛ ji hemɔkɛyeli ni egbo.

Shishigbɛ Niŋmaa

Aloo “ablade.”
Aloo “ekune nyɛ.”
Kwɛmɔ Mat 5:27 sh. niŋ.
Sht. ŋm., “heyeli mla.”
Sht. ŋm., “nyiɛ yayai.”
Kwɛmɔ Wiemɔi Titrii Amligbalamɔ lɛ.
Kwɛmɔ Wiemɔi Titrii Amligbalamɔ lɛ.
Aloo “gbɔmɔtso ni emuuu.”