Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ

ŊMALƐ KRƆŊKRƆŊ LƐ—JEŊ HEE SHISHITSƆƆMƆ

Romabii 6:1-23

6  Te wɔɔkɛɛ tɛŋŋ? Ani esa akɛ wɔya nɔ wɔhi esha mli, koni duromɔ aya nɔ afa?  Dabida! Akɛni wɔgboi yɛ esha gbɛfaŋ hewɔ lɛ, te aaafee tɛŋŋ ni wɔya nɔ wɔhi mli lolo lɛ?  Aloo nyɛleee akɛ wɔ mɛi fɛɛ ni abaptisi wɔ awo Kristo Yesu mli lɛ, egbele lɛ mli abaptisi wɔ awo?  No hewɔ lɛ, atsɔ baptisimɔ ni abaptisi wɔ awo egbele lɛ mli lɛ nɔ afu wɔ kɛ lɛ fɛɛ, bɔ ni afee ni, bɔ ni atsɔ Tsɛ lɛ anunyam lɛ nɔ atee Kristo shi kɛjɛ gbohii ateŋ lɛ, wɔ hu nakai nɔŋŋ esa akɛ wɔnyiɛ yɛ wala hee mli.  Kɛji wɔ kɛ lɛ efee ekome yɛ gbele ni tamɔ enɔ lɛ mli lɛ, bɔ fɛɛ bɔ ni fee lɛ, wɔ kɛ lɛ baafee ekome yɛ shitee ni tamɔ enɔ lɛ mli hu.  Ejaakɛ wɔle akɛ akala wɔsubaŋ* momo lɛ akpɛtɛ tso jaŋŋ lɛ he kɛfata ehe, koni wɔgbɔmɔtso ni esha yɔɔ he lɛ afee nɔ ni bɛ hewalɛ ko, koni wɔkaya nɔ wɔfee esha nyɔji dɔŋŋ.  Ejaakɛ kɛ́ mɔ ko gbo lɛ, abuɔ lɛ bem kɛjɛɔ ehe esha lɛ mli.*  Kɛfata he lɛ, kɛ́ wɔ kɛ Kristo egbo lɛ, wɔheɔ wɔyeɔ akɛ wɔ kɛ lɛ baahi shi hu.  Ejaakɛ wɔle akɛ Kristo lɛ, amrɔ nɛɛ ní atee lɛ shi kɛjɛ gbohii ateŋ lɛ, egboŋ dɔŋŋ; gbele yeŋ enɔ nuŋtsɔ dɔŋŋ. 10  Ejaakɛ gbo ni egbo lɛ, egbo ehã esha* shi kome nyɔŋlo, shi ni ehiɛ kã nɛɛ, Nyɔŋmɔ ehiɛ kã hã. 11  Nakai nɔŋŋ nyɛ hu, nyɛbua nyɛhe akɛ mɛi ni egboi yɛ esha gbɛfaŋ, shi nyɛhiɛ kamɔ hã Nyɔŋmɔ yɛ Kristo Yesu mli. 12  No hewɔ lɛ, nyɛkahãa esha yaa nɔ eyeɔ maŋtsɛ yɛ nyɛgbɔmɔtsei ni baagboi lɛ amli ní nyɛbo nyɛgbɔmɔtsei lɛ akɔnɔi lɛ atoi. 13  Asaŋ nyɛkayaa nɔ nyɛŋɔa nyɛgbɔmɔtsei lɛ* nyɛhãa esha akɛ nii ni ejaaa lɛ atawuu nii, shi nyɛŋɔa nyɛhe nyɛhãa Nyɔŋmɔ akɛ mɛi ni hiɛ etsɛ̃ kɛjɛ gbohii ateŋ, ni agbɛnɛ hu, nyɛŋɔa nyɛgbɔmɔtsei lɛ* nyɛhãa Nyɔŋmɔ akɛ jalɛ tawuu nii. 14  Ni esaaa akɛ esha yeɔ nyɛnɔ nuŋtsɔ, ejaakɛ nyɛbɛ mla shishi, shi moŋ duromɔ shishi nyɛyɔɔ. 15  Belɛ, mɛni ekoŋŋ? Ani esa akɛ wɔfee esha akɛni wɔbɛ mla shishi, shi moŋ duromɔ shishi wɔyɔɔ lɛ hewɔ? Dabida! 16  Ani nyɛleee akɛ kɛ́ nyɛŋɔ nyɛhe nyɛhã mɔ ko akɛ nyɔji ní boɔ lɛ toi lɛ, nyɛji mɔ ni nyɛboɔ lɛ toi lɛ nyɔji, esha ni kɛ mɔ yaa gbele mli lɛ nyɔji jio, toiboo ni kɛ mɔ yaa jalɛ mli lɛ nyɔji jio? 17  Shi shidaa ahã Nyɔŋmɔ akɛ tsutsu lɛ, esha nyɔji ji nyɛ, shi nyɛjɛ nyɛtsui mli nyɛbo tsɔɔmɔ henɔ nɛɛ ni aŋɔ nyɛ awo mli lɛ toi. 18  Hɛɛ, akɛni ahã nyɛye nyɛhe kɛjɛ esha dɛŋ hewɔ lɛ, nyɛtsɔmɔ jalɛ nyɔji. 19  Bɔ ni gbɔmɔ wieɔ miwieɔ nɛɛ yɛ nyɛheloo lɛ gbedemɔ lɛ hewɔ; ejaakɛ bɔ ni nyɛŋɔ nyɛgbɔmɔtsei lɛ ahenii lɛ akɛ nyɔji nyɛhã muji nii kɛ mlatɔmɔ ni kɛ mɔ yaa mlatɔmɔ mli lɛ, nakai nɔŋŋ amrɔ nɛɛ nyɛŋɔa nyɛgbɔmɔtsei lɛ ahenii lɛ akɛ nyɔji nyɛhãa jalɛ ni kɛ mɔ yaa krɔŋkrɔŋfeemɔ mli. 20  Ejaakɛ be ni nyɛji esha nyɔji lɛ, nyɛye nyɛhe kɛjɛ jalɛ dɛŋ. 21  Belɛ, mɛɛ yibii nyɛwo yɛ nakai be lɛ mli? Nibii ni amrɔ nɛɛ efeɔ nyɛ hiɛgbele. Ejaakɛ nakai nibii lɛ anaagbee ji gbele. 22  Shi amrɔ nɛɛ ní ahã nyɛye nyɛhe kɛjɛ esha dɛŋ ni nyɛtsɔmɔ Nyɔŋmɔ nyɔji nɛɛ, nyɛmiiwo nyɛyibii yɛ krɔŋkrɔŋfeemɔ gbɛ nɔ, ni enaagbee ji naanɔ wala. 23  Ejaakɛ esha dɛŋ nyɔmɔwoo ji gbele, shi nɔkeenɔ ni Nyɔŋmɔ kɛhãa ji naanɔ wala kɛtsɔ Kristo Yesu, wɔ-Nuŋtsɔ lɛ nɔ.

Shishigbɛ Niŋmaa

Sht. ŋm., “wɔgbɔmɔ.”
Aloo “ajieɔ lɛ kɛjɛɔ ehe esha lɛ mli; akɛ ehe esha lɛ faa lɛ.”
Ni tsɔɔ akɛ, koni ekɛjie esha kɛya.
Sht. ŋm., “nyɛhenii lɛ.”
Sht. ŋm., “nyɛhenii lɛ.”