Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ

ŊMALƐ KRƆŊKRƆŊ LƐ—JEŊ HEE SHISHITSƆƆMƆ

Romabii 3:1-31

3  Belɛ, mɛni Yudafonyo kɛfe mɛi krokomɛi, aloo mɛɛ sɛɛnamɔ yɔɔ ketiafoo mli mɔ?  Efa yɛ gbɛ fɛɛ gbɛ nɔ. Klɛŋklɛŋ nɔ lɛ ji akɛ, atu Nyɔŋmɔ wiemɔi krɔŋkrɔŋi lɛ awo amɛdɛŋ.  Belɛ, mɛni ji sane lɛ mɔ? Kɛ́ mɛi komɛi bɛ hemɔkɛyeli lɛ, ani hemɔkɛyeli ni amɛbɛ lɛ baahã Nyɔŋmɔ afee mɔ ni yeee anɔkwa?  Dabida! Moŋ lɛ, Nyɔŋmɔ afee anɔkwafo, kɛji gbɔmɔ fɛɛ gbɔmɔ fee amalelɔ po, taakɛ aŋma lɛ, akɛ: “Koni abu bo jalɔ yɛ owiemɔi amli ní oye kunim kɛ́ aakojo bo.”  Shi, kɛ́ ja ni wɔjaaa lɛ hãa Nyɔŋmɔ jalɛ lɛ jeɔ kpo lɛ, mɛni wɔyɔɔ kɛɛmɔ? Kɛ́ Nyɔŋmɔ jie emlifu kpo lɛ, ani no tsɔɔ akɛ ejeee jalɔ? (Bɔ ni gbɔmɔ wieɔ miwieɔ nɛɛ.)  Dabida! Kɛjeee nakai lɛ, te Nyɔŋmɔ baafee tɛŋŋ ekojo je lɛ?  Shi kɛ́ mimalemɔ lɛ hãa Nyɔŋmɔ anɔkwale lɛ jeɔ kpo faŋŋ kɛwoɔ ehiɛ nyam lɛ, mɛni hewɔ akojoɔ mi hu akɛ eshafeelɔ?  Ni mɛni hewɔ wɔkɛɛɛ tamɔ bɔ ni mɛi komɛi foɔ sane amɛfɔ̃ɔ wɔnɔ akɛ wɔkɛɔ lɛ, akɛ, “Nyɛhãa wɔfea nibii fɔji koni nibii kpakpai aba” lɛ? Nakai mɛi lɛ afɔbuu kojomɔ lɛ ja jogbaŋŋ.  Belɛ, te tɛŋŋ? Ani wɔhi fe mɛi krokomɛi lɛ? Dabi kwraa! Ejaakɛ wɔtsɔ hiɛ wɔwie momo akɛ Yudafoi kɛ Helabii fɛɛ yɛ esha shishi; 10  taakɛ aŋma lɛ, akɛ: “Gbɔmɔ ko bɛ ni ji jalɔ, mɔ kome folo bɛ; 11  mɔ ko mɔ ko bɛ ni yɔɔ sɛɛyoomɔ; mɔ ko mɔ ko bɛ ni taoɔ Nyɔŋmɔ sɛɛ gbɛ. 12  Gbɔmɛi fɛɛ egba afã, amɛ fɛɛ kwa amɛtsɔmɔ mɛi ni ehiii hãaa nɔ ko; mɔ ko mɔ ko bɛ ni jieɔ mlihilɛ kpo, mɔ kome folo po bɛ.” 13  “Amɛsɛ̃ lɛ, gbonyo bu ní agbele naa ni; amɛkɛ amɛlilɛii lakaa mɔ.” “Onufui anaa ebɔɔ yɛ amɛnaabu.” 14  “Ni loomɔ kɛ joomɔ eyi amɛdaaŋ obɔ.” 15  “Amɛnaji yɛ oya kɛ láshishwiemɔ.” 16  “Hiɛkpatamɔ kɛ hejaramɔ yɛ amɛgbɛi anɔ, 17  ni amɛleee toiŋjɔlɛ gbɛ lɛ.” 18  “Nyɔŋmɔ gbeyeishemɔ bɛ amɛhiŋmɛii anɔ.” 19  Agbɛnɛ, wɔle akɛ nibii fɛɛ ni Mla lɛ kɛɔ lɛ, mɛi ni yɔɔ Mla lɛ shishi lɛ ekɛwieɔ, koni naabu fɛɛ naabu afee dioo, ni je lɛ fɛɛ afee mɛi ni sa Nyɔŋmɔ toigbalamɔ. 20  No hewɔ lɛ, atsɔŋ mla nitsumɔi anɔ abuŋ mɔ ko mɔ ko* jalɔ yɛ ehiɛ, ejaakɛ mla nɔ atsɔɔ anáa esha he nilee krɔŋŋ. 21  Shi agbɛnɛ ashi mla lɛ sɛɛ ajie Nyɔŋmɔ jalɛ lɛ kpo faŋŋ, ni Mla lɛ kɛ Gbalɔi lɛ yeɔ enɛ he odase, 22  hɛɛ, Nyɔŋmɔ jalɛ ni atsɔɔ Yesu Kristo mli hemɔkɛyeli nɔ akɛhãa mɛi fɛɛ ni yɔɔ hemɔkɛyeli lɛ. Ejaakɛ srɔto ko bɛ amɛteŋ. 23  Ejaakɛ mɛi fɛɛ efee esha ni amɛnyɛɛɛ amɛjie Nyɔŋmɔ anunyam lɛ kpo, 24  ni eji duromɔ keenɔ akɛ abuɔ amɛ jalɔi yɛ eduromɔ lɛ naa, kɛtsɔ kpɔ̃ ni atsɔ kpɔmɔnɔ ni Kristo Yesu wo lɛ nɔ akpɔ̃ amɛ lɛ nɔ. 25  Nyɔŋmɔ ŋɔ lɛ ehã akɛ afɔle kɛhã kpatamɔ* kɛtsɔ elá lɛ mli hemɔkɛyeli lɛ nɔ. Nyɔŋmɔ fee enɛ koni ekɛjie lɛ diɛŋtsɛ ejalɛ lɛ kpo, ejaakɛ emɔ etsui mli* ni ekɛ eshai ni afee yɛ blema lɛ fa. 26  Efee enɛ koni ekɛjie lɛ diɛŋtsɛ ejalɛ lɛ kpo yɛ benɛ be nɛɛ mli, koni abu lɛ jalɔ kɛ́ eebu mɔ ni yɔɔ hemɔkɛyeli yɛ Yesu mli lɛ hu jalɔ lɛ. 27  Belɛ nɛgbɛ shwãa lɛ yɔɔ mɔ? Ajie kɛje jɛmɛ. Mɛɛ mla nɔ atsɔ ajie? Nitsumɔi anɔ lɛ nɔ lo? Dabida, shi hemɔkɛyeli mla lɛ nɔ moŋ atsɔ. 28  Ejaakɛ wɔbuɔ akɛ, hemɔkɛyeli nɔ atsɔɔ abuɔ gbɔmɔ jalɔ, shi jeee mla nitsumɔi anɔ. 29  Aloo Nyɔŋmɔ lɛ, Yudafoi lɛ kɛkɛ a-Nyɔŋmɔ ni? Ani jeee jeŋmajiaŋbii lɛ hu a-Nyɔŋmɔ ni? Hɛɛ, jeŋmajiaŋbii lɛ hu a-Nyɔŋmɔ ni. 30  Akɛni Nyɔŋmɔ lɛ, Nyɔŋmɔ kome ni hewɔ lɛ, ebaabu mɛi ni afo amɛ ketia lɛ jalɔi yɛ hemɔkɛyeli naa, ni ebaatsɔ hemɔkɛyeli ni foolɔi lɛ hu yɔɔ lɛ nɔ ebu amɛ jalɔi. 31  Belɛ, ani wɔmiitsɔ wɔhemɔkɛyeli lɛ nɔ wɔmiigu mla lɛ? Dabida! Moŋ lɛ, wɔhãa mla damɔɔ shi shiŋŋ.

Shishigbɛ Niŋmaa

Sht. ŋm., “heloo ko.”
Aloo “mɛi ateŋ saamɔ.”
Aloo “ená tsui.”