Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ

ŊMALƐ KRƆŊKRƆŊ LƐ—JEŊ HEE SHISHITSƆƆMƆ

Mateo 23:1-39

23  Kɛkɛ ni Yesu kɛ asafoku lɛ kɛ ekaselɔi lɛ wie ekɛɛ:  “Woloŋmalɔi lɛ kɛ Farisifoi lɛ eŋɔ Mose sɛi lɛ amɛtara nɔ.  No hewɔ lɛ, nɔ fɛɛ nɔ ni amɛbaakɛɛ nyɛ lɛ, nyɛfea ni nyɛyea nɔ, shi nyɛkafea nyɛnii tamɔ amɛ, ejaakɛ amɛkɛɔ moŋ, shi amɛfeee nɔ ni amɛkɛɔ lɛ.  Amɛfimɔɔ jatsui ni tsiitsii amɛshwieɔ mɛi akɔɔji anɔ, shi amɛ diɛŋtsɛ lɛ, amɛsumɔɔɔ ni amɛkɛ amɛwao taa he.  Nitsumɔi fɛɛ ni amɛtsuɔ lɛ, amɛtsuɔ koni gbɔmɛi ana amɛ, ejaakɛ amɛhãa adekai ni ŋmalɛi yɔɔ mli* ni amɛfiɔ koni amɛkɛbu amɛhe lɛ lɛɔ, ni amɛfeɔ amɛtadei anaamui lɛ kakadaŋŋ.  Amɛsumɔɔ hiɛnaanɔbii agbɛhe tamɔ yɛ gbɛkɛ okpɔlɔŋmɛi ashishi, kɛ hiɛgbɛ sɛii* ni yɔɔ kpeehei lɛ anɔ taramɔ  kɛ jaji anɔ ŋamɔi, ni amɛsumɔɔ ni mɛi atsɛ amɛ Rabi.*  Shi nyɛ lɛ, akatsɛ nyɛ Rabi, ejaakɛ mɔ kome ji nyɛ-Tsɔɔlɔ, ni nyɛ fɛɛ lɛ, nyɛmimɛi ji nyɛ.  Kɛfata he lɛ, nyɛkatsɛa mɔ ko nyɛtsɛ yɛ shikpɔŋ lɛ nɔ, ejaakɛ mɔ kome ji nyɛ-Tsɛ, mɔ ni yɔɔ ŋwɛi lɛ. 10  Asaŋ, akatsɛ nyɛ hiɛnyiɛlɔi, ejaakɛ mɔ kome ji nyɛ-Hiɛnyiɛlɔ, Kristo lɛ. 11  Shi esa akɛ mɔ ni ji agbo fe fɛɛ yɛ nyɛteŋ lɛ atsɔ nyɛsɔɔlɔ. 12  Mɔ fɛɛ mɔ ni wóɔ ehe nɔ lɛ abaaba lɛ shi, ni mɔ fɛɛ mɔ ni baa ehe shi lɛ abaawó enɔ. 13  “Kpoo hã nyɛ, woloŋmalɔi kɛ Farisifoi, osatofoi! akɛni nyɛŋaa ŋwɛi Maŋtsɛyeli lɛ naa yɛ gbɔmɛi ahiɛ lɛ hewɔ; ejaakɛ nyɛ diɛŋtsɛ lɛ nyɛboteee mli, asaŋ nyɛŋmɛɛɛ mɛi ni nyiɛ gbɛ kɛmiiya mli lɛ hu gbɛ koni amɛbote mli. 14  — 15  “Kpoo hã nyɛ, woloŋmalɔi kɛ Farisifoi, osatofoi! ejaakɛ nyɛfãa gbɛ kɛtsɔɔ ŋshɔ hiɛ kɛ shikpɔŋ nɔ kɛyatsakeɔ mɔ kome,* ni kɛ́ etsake lɛ, nyɛhãa ebatsɔɔ mɔ ni sa kɛhã Gehena* fe nyɛ toi enyɔ. 16  “Kpoo hã nyɛ, gbɛtsɔɔlɔi shwilafoi ni kɛɔ akɛ, ‘Kɛ́ mɔ ko kɛ sɔlemɔwe lɛ kã kitã lɛ, jeee nɔ ko ni; shi kɛ́ mɔ ko kɛ sɔlemɔwe lɛ mli shika tsuru lɛ kã kitã lɛ, etere sɔ̃.’ 17  Kwashiai kɛ shwilafoi! Yɛ anɔkwale mli lɛ, te nɔ ni he hiaa waa lɛ, shika tsuru lɛ loo sɔlemɔwe lɛ ní hãa shika tsuru lɛ he tseɔ lɛ? 18  Kɛfata he lɛ, nyɛkɛɔ akɛ, ‘Kɛ́ mɔ ko kɛ afɔleshaa latɛ lɛ kã kitã lɛ, jeee nɔ ko ni; shi kɛ́ mɔ ko kɛ nɔkeenɔ ni kã nɔ lɛ kã kitã lɛ, etere sɔ̃.’ 19  Shwilafoi! Yɛ anɔkwale mli lɛ, te nɔ ni he hiaa waa lɛ, nɔkeenɔ lɛ loo afɔleshaa latɛ ní hãa nɔkeenɔ lɛ he tseɔ lɛ? 20  No hewɔ lɛ, mɔ fɛɛ mɔ ni kɛ afɔleshaa latɛ lɛ kãa kitã lɛ, ekɛ afɔleshaa latɛ lɛ kɛ enɔ nibii lɛ fɛɛ miikã kitã; 21  ni mɔ fɛɛ mɔ ni kɛ sɔlemɔwe lɛ kãa kitã lɛ, ekɛ sɔlemɔwe lɛ kɛ mɔ ni hiɔ mli lɛ miikã kitã; 22  ni mɔ fɛɛ mɔ ni kɛ ŋwɛi kãa kitã lɛ, ekɛ Nyɔŋmɔ maŋtsɛ sɛi lɛ kɛ mɔ ni ta nɔ lɛ miikã kitã. 23  “Kpoo hã nyɛ, woloŋmalɔi kɛ Farisifoi, osatofoi! ejaakɛ nyɛhãa kowɛ kɛ anetom kɛ kumin mlijaa nyɔŋmanyɔŋma, shi nyɛkuɔ nyɛhiɛ nyɛshwieɔ Mla lɛ mli nibii ni he hiaa titri lɛ anɔ, ni nomɛi ji jalɛsaneyeli kɛ mɔbɔnalɛ kɛ anɔkwayeli. Ehe miihia akɛ nyɛfeɔ enɛɛmɛi, kɛ̃lɛ esaaa akɛ nyɛkuɔ nyɛhiɛ nyɛshwieɔ ekrokomɛi lɛ anɔ. 24  Gbɛtsɔɔlɔi shwilafoi ni tsereɔ adɔdɔŋ yɛ nii amli, shi nyɛmiɔ yoma! 25  “Kpoo hã nyɛ, woloŋmalɔi kɛ Farisifoi, osatofoi! ejaakɛ nyɛtsuɔ kpulu kɛ kã he, shi amɛmligbɛ lɛ, amɛyimɔ obɔbɔ kɛ amimyeli* kɛ nii ni afeɔ kɛtekeɔ nɔ. 26  Farisifonyo shwilafo, hã kpulu lɛ kɛ kã lɛ mli atse klɛŋklɛŋ, bɔ ni afee ni ehe hu atse. 27  “Kpoo hã nyɛ, woloŋmalɔi kɛ Farisifoi, osatofoi! ejaakɛ nyɛtamɔ gbohii abui ni asha he futafuta ni amɛhe efee fɛo yɛ kponɔgbɛ, shi amɛmligbɛ eyimɔ obɔbɔ kɛ gbohii awui kɛ muji nii srɔtoi fɛɛ. 28  Nakai nɔŋŋ nyɛ hu, yɛ kponɔgbɛ lɛ nyɛpueɔ akɛ jalɔi yɛ gbɔmɛi ahiɛ, shi nyɛmligbɛ eyimɔ obɔbɔ kɛ osatofeemɔ kɛ mlatɔmɔ. 29  “Kpoo hã nyɛ, woloŋmalɔi kɛ Farisifoi, osatofoi! ejaakɛ nyɛmamɔɔ gbalɔi lɛ agbohii abui lɛ ni nyɛwulaa jalɔi lɛ agbohii abui lɛ,* 30  ni nyɛkɛɔ akɛ, ‘Eji wɔhi shi yɛ wɔtsɛmɛi lɛ agbii lɛ amli kulɛ, wɔfataŋ amɛhe kɛshwieŋ gbalɔi lɛ alá shi.’ 31  No hewɔ lɛ, nyɛmiiye odase nyɛmiishi nyɛ diɛŋtsɛ nyɛhe akɛ mɛi ni gbe gbalɔi lɛ abii ji nyɛ. 32  Belɛ, nyɛwoa nyɛtsɛmɛi lɛ asusumɔnɔ lɛ obɔ. 33  “Onufui, shikpãi ashwiei, te nyɛaafee tɛŋŋ nyɛjo Gehena* fɔbuu kojomɔ lɛ naa foi lɛ? 34  Enɛ hewɔ lɛ, miitsu gbalɔi kɛ hiɛshikalɔi kɛ maŋ tsɔɔlɔi kɛmiiba nyɛŋɔɔ. Nyɛbaagbe amɛteŋ mɛi komɛi, ni nyɛbaagbe mɛi komɛi hu yɛ tsei jaŋŋi anɔ, ni amɛteŋ mɛi komɛi hu lɛ nyɛkɛ kpelebii baayi amɛ yɛ nyɛkpeehei lɛ, ni nyɛbaawa amɛ yi kɛaajɛ maŋ kome mli kɛaatee maŋ kroko mli, 35  koni jalɔi alá fɛɛ ni ashwie shi yɛ shikpɔŋ lɛ nɔ, kɛjɛ jalɔ Habel lá nɔ, kɛyashi Zakaria, Barakia bi lɛ, mɔ ni nyɛgbe lɛ yɛ sɔlemɔtsu lɛ kɛ afɔleshaa latɛ lɛ teŋ lɛ lá lɛ nɔ lɛ aba nyɛnɔ. 36  Lɛɛlɛŋ, miikɛɛ nyɛ akɛ, nibii nɛɛ fɛɛ baaba yinɔ nɛɛ nɔ. 37  “Yerusalem, Yerusalem, bo mɔ ni ogbeɔ gbalɔi lɛ ni otswiaa mɛi ni atsuɔ amɛ oŋɔɔ lɛ atɛi—kwɛ bɔ ni mitao shii abɔ akɛ mabua obii lɛ anaa taakɛ wuɔ yoo buaa ebii anaa ewoɔ efiji ashishi lɛ! Shi nyɛsumɔɔɔ. 38  Naa! Ashi nyɛwe lɛ ahã nyɛ.* 39  Ejaakɛ miikɛɛ nyɛ akɛ, kɛjɛ be nɛɛ nɔ kɛyaa lɛ, nyɛnaŋ mi dɔŋŋ kɛyashi be ni nyɛaakɛɛ akɛ, ‘Ajɔɔ mɔ ni baa yɛ Yehowa* gbɛ́i mli lɛ!’”

Shishigbɛ Niŋmaa

Eji adekai bibii ni ŋmalɛi ejwɛ yɔɔ mli ni Yudafoi hii fiɔ yɛ amɛhiɛnaa kɛ amɛnine abɛku akɛ sɛbɛi kɛhã hebuu.
Aloo “sɛii ni hi fe fɛɛ.”
Aloo “Tsɔɔlɔ.”
Aloo “kɛyatsakeɔ mɔ ko ni jeee Yudafonyo koni emɔ Yudafoi ajamɔ lɛ mli.”
Kwɛmɔ Wiemɔi Titrii Amligbalamɔ lɛ.
Aloo “haanii.”
Aloo “agbohii akaimɔ bui lɛ.”
Kwɛmɔ Wiemɔi Titrii Amligbalamɔ lɛ.
Aloo eeenyɛ efee akɛ, “Ashi nyɛwe lɛ amaŋfɔ̃ ahã nyɛ.”
Kwɛmɔ Wiemɔi Titrii Amligbalamɔ lɛ.