Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ | ŊMALƐ KRƆŊKRƆŊ LƐ—JEŊ HEE SHISHITSƆƆMƆ

Marko 16:1-8

EMLI SAJI

  • Atee Yesu shi (1-8)

16  No hewɔ lɛ, be ni Hejɔɔmɔ Gbi lɛ ho lɛ, Maria Magdalena, Maria, ni ji Yakobo nyɛ lɛ, kɛ Salome yahé tsofai ni jeɔ ŋma koni amɛba ni amɛkɛbakpa egbonyo lɛ.  Ni otsi lɛ klɛŋklɛŋ gbi lɛ nɔ leebi maŋkpa be ni hulu ete shi lɛ, amɛba gbonyo bu* lɛ naa.  Amɛmiikɛɛkɛɛ amɛhe akɛ: “Namɔ baakoklo tɛ lɛ kɛjɛ gbonyo bu lɛ naa ehã wɔ?”  Shi be ni amɛwó amɛhiɛ nɔ lɛ, amɛna akɛ akoklo tɛ lɛ kɛtee sɛɛ, eyɛ mli akɛ eda naakpa.  Be ni amɛbote gbonyo bu lɛ mli lɛ, amɛna oblanyo ko ta ninejurɔgbɛ, ni ewo atade yɛŋ yuu, ni amɛhe jɔ̃ amɛhe.  Ekɛɛ amɛ akɛ: “Nyɛhe akajɔ̃a nyɛhe. Nyɛmiitao Yesu, Nazarenyo lɛ, ni agbe lɛ yɛ tso jaŋŋ nɔ lɛ. Atee lɛ shi. Ebɛ biɛ. Naa, he ni akɛ lɛ ŋmɛ lɛ nɛ.  Shi nyɛyaa, nyɛyakɛa ekaselɔi lɛ kɛ Petro akɛ, ‘Eetsɔ nyɛhiɛ kɛmiiya Galilea. Jɛmɛ nyɛbaana lɛ yɛ, taakɛ ekɛɛ nyɛ lɛ.’”  No hewɔ lɛ, be ni amɛje kpo lɛ, amɛjo foi kɛjɛ gbonyo bu lɛ naa kɛ hekpokpomɔ ni amɛnaa hu ekpɛ amɛhe naakpa. Ni amɛkɛɛɛ mɔ ko mɔ ko nɔ ko, ejaakɛ amɛmiishe gbeyei.*

Shishigbɛ Niŋmaa

Aloo “gbonyo kaimɔ bu.”
Yɛ blema wolokpoi ni akɛ niji ŋmala ni amuɔ afɔ̃ɔ amɛnɔ lɛ amli lɛ, wiemɔi ni yɔɔ kk. 8 lɛ mli lɛ muɔ Marko Sanekpakpa lɛ naa.