Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ

ŊMALƐ KRƆŊKRƆŊ LƐ—JEŊ HEE SHISHITSƆƆMƆ

Luka 17:1-37

17  Kɛkɛ ni ekɛɛ ekaselɔi lɛ akɛ: “Bɔ fɛɛ bɔ ni fee lɛ, nibii ni hãa mɛi anane tɔ̃tɔɔ baaba. Shi kpoo hã mɔ ni amɛbaatsɔ enɔ kɛba lɛ!  Sɛɛnamɔ yɛ he kɛhã lɛ akɛ akɛ wiɛtɛ baaŋmɔ ekuɛ ni ashɛ lɛ afɔ̃ ŋshɔ mli fe nɔ ni ebaatɔ̃tɔ bibii nɛɛ ateŋ mɔ kome nane.  Nyɛhiɛ ahia nyɛhe nɔ. Kɛ́ onyɛmi fee esha ko lɛ, kã ehiɛ, ni kɛ́ etsake etsui lɛ, kɛfa lɛ.  Kɛ́ efee esha eshi bo shii kpawo po yɛ gbi kome mli, ni eku esɛɛ eba oŋɔɔ shii kpawo ebakɛɛ akɛ, ‘Mitsake mitsui’ lɛ, esa akɛ okɛfa lɛ.”  Agbɛnɛ, bɔfoi lɛ kɛɛ Nuŋtsɔ lɛ akɛ: “Fatamɔ wɔhemɔkɛyeli lɛ he ohã wɔ.”  Ni Nuŋtsɔ lɛ kɛɛ: “Kɛ́ nyɛyɛ hemɔkɛyeli ni dalɛ tamɔ sinapi wu lɛ, nyɛbaakɛɛ sikamino tso nɛɛ akɛ, ‘Fãa kɛ oshishifã ni oyatɛo ohe yɛ ŋshɔ lɛ mli!’ ni ebaabo nyɛ toi.  “Nyɛteŋ namɔ yɔɔ nyɔŋ ni kɛ tsina kɔi miihu loo eekwɛ kooloi, ni kɛ́ nyɔŋ lɛ jɛ ŋmɔ mli eba lɛ, ebaakɛɛ lɛ akɛ, ‘Ba biɛ mramra ni obata okpɔlɔ lɛ he oye nii’?  Moŋ lɛ, ani ekɛŋ lɛ akɛ, ‘Saamɔ nɔ ko oto mi koni maye gbɛkɛ nɛɛ, ni owo atade hiɛhaanɔ ni osɔmɔ mi kɛyashi maye nii ni manu nii magbe naa, ni no sɛɛ lɛ, obaanyɛ oye nii ni onu nii’?  Ani ebaada nyɔŋ lɛ shi akɛni efee nɔ ni afã lɛ lɛ? Mikpaaa shi. 10  Nakai nɔŋŋ nyɛ hu, kɛ́ nyɛfee nibii fɛɛ ni afã nyɛ lɛ, nyɛkɛa akɛ: ‘Nyɔji ni he bɛ sɛɛnamɔ ko ji wɔ. Nɔ ni ji wɔgbɛnaa akɛ wɔtsuɔ lɛ, no pɛ wɔtsu nɛɛ.’” 11  Be ni eyaa Yerusalem lɛ, eyatsɔ Samaria kɛ Galilea teŋ. 12  Ni be ni eboteɔ akrowa ko mli lɛ, hii kpitiyelɔi nyɔŋma kɛ lɛ kpe, shi amɛdamɔ sɛɛ flɛŋŋ. 13  Ni amɛhole amɛgbei anɔ amɛkɛɛ: “Yesu, Tsɔɔlɔ, naa wɔ mɔbɔ!” 14  Be ni ena amɛ lɛ, ekɛɛ amɛ akɛ: “Nyɛyaa ni nyɛkɛ nyɛhe ayatsɔa osɔfoi lɛ.” Ni be ni amɛnyiɛ gbɛ kɛyaa lɛ, amɛhe tse. 15  Be ni amɛteŋ mɔ kome na akɛ atsa lɛ lɛ, eku esɛɛ eba, ni ekɛ gbee ni wa wo Nyɔŋmɔ hiɛ nyam. 16  Ni ekɛ ehiɛ babu shi yɛ Yesu naji anaa ni eda lɛ shi. Ni Samarianyo ji lɛ. 17  Yesu here nɔ ekɛɛ: “Ahã mɛi nyɔŋma lɛ fɛɛ he tse, aloo jeee nakai? Belɛ, nɛgbɛ mɛi nɛɛhu ni eshwɛ lɛ yɔɔ? 18  Ani mɔ kroko ekuuu esɛɛ ebawooo Nyɔŋmɔ hiɛ nyam, akɛ ja nuu nɛɛ ni jɛ jeŋmaŋ kroko nɔ lɛ?” 19  Ni ekɛɛ lɛ akɛ: “Tee shi ni oya; ohemɔkɛyeli ehã ohe ewa bo.” 20  Be ni Farisifoi lɛ bi lɛ beyinɔ ni Nyɔŋmɔ Maŋtsɛyeli lɛ baaba lɛ, ehã amɛ hetoo akɛ: “Nyɔŋmɔ Maŋtsɛyeli lɛ baŋ bɔ ni abaana lɛ faŋŋ; 21  asaŋ mɛi ekɛŋ akɛ, ‘Kwɛmɔ biɛ!’ loo, ‘Jɛmɛ!’ Ejaakɛ naa! Nyɔŋmɔ Maŋtsɛyeli lɛ yɛ nyɛteŋ.” 22  Kɛkɛ ni ekɛɛ kaselɔi lɛ akɛ: “Gbii baaba ni nyɛbaashwe akɛ nyɛna gbɔmɔ Bi lɛ gbii lɛ ekome, shi nyɛnaŋ. 23  Ni mɛi baakɛɛ nyɛ akɛ, ‘Kwɛmɔ jɛmɛ!’ aloo, ‘Kwɛmɔ biɛ!’ Nyɛkajea kpo aloo nyɛkanyiɛa amɛsɛɛ. 24  Ejaakɛ bɔ ni sarawai gbalaa kɛjɛɔ ŋwɛi shishi afã kome kɛyaa ŋwɛi shishi afã kroko lɛ, nakai nɔŋŋ gbɔmɔ Bi lɛ baatamɔ yɛ egbi lɛ nɔ. 25  Shi klɛŋklɛŋ lɛ, esa akɛ ena nɔ babaoo ní yinɔ nɛɛ akpoo lɛ. 26  Kɛfata he lɛ, taakɛ eba lɛ yɛ Noa gbii lɛ amli lɛ, nakai nɔŋŋ ebaaba lɛ yɛ gbɔmɔ Bi lɛ gbii lɛ hu amli: 27  amɛmiiyeyee nii, amɛmiinunuu nii, hii miibote gbalashihilɛ mli, akɛ yei miihã gbãla kɛyashi gbi nɔ ni Noa bote adeka lɛ mli, ni Nu Afua lɛ ba ni ebakpãtã amɛ fɛɛ amɛhiɛ. 28  Asaŋ taakɛ eba lɛ yɛ Lot gbii lɛ amli lɛ: amɛmiiyeyee nii, amɛmiinunuu nii, amɛmiihéhée nii, amɛmiihɔ̃ɔhɔ̃ɔ nii, amɛmiitɛtɛo nii, ni amɛmiimamɔmamɔɔ tsũi. 29  Shi gbi nɔ ni Lot je Sodom lɛ, la kɛ sɔlfa* nɛ kɛjɛ ŋwɛi ni ekpãtã amɛ fɛɛ amɛhiɛ. 30  Nakai nɔŋŋ ebaaba lɛ yɛ nakai gbi lɛ nɔ, be ni abaajie gbɔmɔ Bi lɛ kpo lɛ. 31  “Nakai gbi lɛ nɔ lɛ, mɔ ni yɔɔ tsũ yiteŋ ni enibii yɔɔ shĩa lɛ akakpeleke shi eyakɔlɔ nibii nɛɛ, ni asaŋ mɔ ni yɔɔ ŋmɔ mli lɛ, esaaa akɛ ekuɔ esɛɛ kɛyaa nibii ni eshi yɛ sɛɛ lɛ ahe. 32  Nyɛkaia Lot ŋa lɛ. 33  Mɔ fɛɛ mɔ ni taoɔ akɛ ehiɛ ewala* shweshweeshwe lɛ, ebaaŋmɛɛ lɛ, shi mɔ fɛɛ mɔ ni eŋmɛɔ lɛ lɛ, ebaabaa yi. 34  Miikɛɛ nyɛ akɛ, nakai nyɔɔŋ lɛ mli lɛ, mɛi enyɔ baakã saa kome nɔ; abaaŋɔ mɔ kome kɛya, shi abaashi mɔ kroko lɛ. 35  Yei enyɔ baawiɛ yɛ wiɛtɛ kome too nɔ; abaaŋɔ mɔ kome kɛya, shi abaashi mɔ kroko lɛ.” 36  — 37  No hewɔ lɛ, amɛhere nɔ amɛkɛɛ lɛ akɛ: “Nuŋtsɔ, nɛgbɛ?” Ekɛɛ amɛ akɛ: “He ni gbonyo* kã lɛ, jɛmɛ nɔŋŋ hu okropɔŋi baabua amɛhe naa yɛ.”

Shishigbɛ Niŋmaa

Yɛ biɛ lɛ, wiemɔ sɔlfa lɛ kɔɔ tɛ henɔ ko ni tsoɔ he.
Aloo “esusuma.”
Kwɛmɔ Mat 24:28 sh. niŋ.