Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ

ŊMALƐ KRƆŊKRƆŊ LƐ—JEŊ HEE SHISHITSƆƆMƆ

Galatiabii 1:1-24

1  Mi Paulo, ni ji bɔfo, ní jeee gbɔmɛi hala mi, asaŋ jeee gbɔmɔ ko nɔ atsɔ ahala mi, shi moŋ Yesu Kristo kɛ Nyɔŋmɔ, ni ji Tsɛ lɛ, mɔ ni tee lɛ shi kɛjɛ gbohii ateŋ lɛ ji mɛi ni hala mi,  kɛ nyɛmimɛi fɛɛ ni kɛ mi yɔɔ lɛ, kɛyahã Galatia asafoi lɛ:  Duromɔ kɛ toiŋjɔlɛ ni jɛ Nyɔŋmɔ, wɔ-Tsɛ lɛ, kɛ Nuŋtsɔ Yesu Kristo dɛŋ ahã nyɛ.  Eŋɔ lɛ diɛŋtsɛ ehe ehã yɛ wɔhe eshai lɛ ahewɔ koni ejie wɔ kɛjɛ shihilɛ gbɛjianɔtoo fɔŋ* ni yɔɔ amrɔ nɛɛ mli yɛ wɔ-Nyɔŋmɔ kɛ wɔ-Tsɛ lɛ suɔmɔ naa,  Nyɔŋmɔ ji mɔ ni aŋɔ anunyam ahã kɛya naanɔi anaanɔ. Amen.  Eefee mi naakpɛɛ akɛ shwiaa nɛɛ nɔŋŋ lɛ nyɛmiikpale* kɛmiije mɔ ni tsɔ Kristo duromɔ lɛ nɔ etsɛ nyɛ lɛ he kɛmiiya sane kpakpa kroko he.  Jeee akɛ sane kpakpa kroko yɛ; moŋ lɛ, mɛi komɛi yɛ ní miihao nyɛ ni amɛmiitao ni amɛtsake Kristo lɛ he sane kpakpa lɛ hiɛ.  Shi kɛji wɔ po, loo ŋwɛibɔfo ko ni jɛ ŋwɛi tete, bajaje sane kpakpa ko etsɔɔ nyɛ ni esoro no yɛ sane kpakpa ni wɔjaje wɔtsɔɔ nyɛ lɛ he lɛ, hã etsɔ mɔ ni alomɔ lɛ.  Tamɔ bɔ ni wɔkɛɛ kɛtsɔ hiɛ lɛ, agbɛnɛ miikɛɛ ekoŋŋ akɛ, Mɔ fɛɛ mɔ ni jajeɔ sane kpakpa ko etsɔɔ nyɛ ni esoro no yɛ nɔ ni nyɛkpɛlɛ nɔ lɛ he lɛ, hã etsɔ mɔ ni alomɔ lɛ. 10  Anɔkwa, amrɔ nɛɛ, gbɔmɛi ayiŋ mitaoɔ akɛ makɔne aloo Nyɔŋmɔ yiŋ? Aloo miitao gbɔmɛi ahiɛ masa? Kɛ́ mikã he miisa gbɔmɛi ahiɛ lɛ, belɛ jeee Kristo nyɔŋ ji mi. 11  Ejaakɛ, nyɛmimɛi, miitao ni nyɛle akɛ, sane kpakpa ni mijaje mitsɔɔ nyɛ lɛ, ejɛɛɛ gbɔmɛi aŋɔɔ; 12  ejaakɛ jeee gbɔmɔ ko dɛŋ miná kɛjɛ, asaŋ jeee tsɔɔmɔ atsɔɔ mi, shi moŋ Yesu Kristo tsɔ kpojiemɔ ko nɔ ejie etsɔɔ mi. 13  Eji anɔkwale akɛ, nyɛnu mitsutsu jeŋba yɛ Yudafoi ajamɔ lɛ mli lɛ he, akɛ mitee nɔ miwa Nyɔŋmɔ asafo lɛ yi dɛŋdɛŋ* ni mikpãtã asafo lɛ hiɛ; 14  ni no mli lɛ miiya mihiɛ babaoo yɛ Yudafoi ajamɔ lɛ mli fe mitipɛŋfoi babaoo yɛ mimaŋbii lɛ ateŋ, ejaakɛ mihiɛ dɔ naakpa yɛ mitsɛmɛi lɛ akusumii lɛ ahe. 15  Shi be ni Nyɔŋmɔ, mɔ ni jie mi kɛjɛ minyɛ musuŋ ni etsɔ eduromɔ lɛ nɔ etsɛ mi lɛ, susu akɛ ehi jogbaŋŋ akɛ 16  etsɔ minɔ ejie e-Bi lɛ kpo etsɔɔ, koni majaje ehe sane kpakpa lɛ matsɔɔ jeŋmaji lɛ, mikɛ adesa ko* eyasusuuu he amrɔ nɔŋŋ; 17  asaŋ mikwɔɔɔ kɛyaaa Yerusalem kɛyaaa mɛi ni ji bɔfoi dani mi hu mitsɔ bɔfo lɛ aŋɔɔ, shi moŋ mitee Arabia, ni miku misɛɛ kɛba Damasko ekoŋŋ. 18  Kɛkɛ ni no sɛɛ afii etɛ lɛ, mikwɔ kɛtee Yerusalem koni miyasara Kefa,* ni mihi eŋɔɔ gbii nyɔŋma kɛ enumɔ. 19  Shi minaaa bɔfoi krokomɛi lɛ ateŋ mɔ ko, akɛ ja Yakobo, Nuŋtsɔ lɛ nyɛmi nuu lɛ kɛkɛ. 20  Agbɛnɛ, nɔ ni kɔɔ nibii ni miŋmaa nyɛ nɛɛ ahe lɛ, miima nɔ mi miihã nyɛ yɛ Nyɔŋmɔ hiɛ akɛ mimaleee. 21  No sɛɛ lɛ, mitee Siria kɛ Kilikia kpokpai lɛ anɔ. 22  No mli lɛ, mi diɛŋtsɛ lɛ, asafoi ni yɔɔ Yudea ni kɛ Kristo efee ekome lɛ enako mi dã. 23  Amɛnuɔ kɛkɛ akɛ: “Mɔ ni tsutsu ko lɛ ewa wɔ yi lɛ, amrɔ nɛɛ eejaje hemɔkɛyeli ni tsutsu ko lɛ ekpãtã hiɛ lɛ he sane kpakpa lɛ eetsɔɔ.” 24  No hewɔ lɛ, amɛbɔi Nyɔŋmɔ hiɛnyamwoo yɛ mihewɔ.

Shishigbɛ Niŋmaa

Aloo “yinɔ fɔŋ.” Kwɛmɔ Wiemɔi Titrii Amligbalamɔ lɛ.
Aloo “shwiaa nɛɛ nɔŋŋ lɛ aajie nyɛ.”
Sht. ŋm., “mitee nɔ miwa Nyɔŋmɔ asafo lɛ yi kɛteke nɔ.”
Sht. ŋm., “heloo kɛ lá ko.”
Atsɛɔ lɛ Petro hu.