Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ

ŊMALƐ KRƆŊKRƆŊ LƐ—JEŊ HEE SHISHITSƆƆMƆ

Filipibii 4:1-23

4  No hewɔ lɛ, minyɛmimɛi ni misumɔɔ ní mishweɔ hu, mimiishɛɛ kɛ mikekere, nyɛdamɔa shi shiŋŋ yɛ nɛkɛ gbɛ nɔ yɛ Nuŋtsɔ lɛ mli, nyɛ mɛi ni misumɔɔ.  Miiwo Evodia hewalɛ, ni miiwo Sintika hu hewalɛ akɛ amɛjwɛŋmɔ afee ekome yɛ Nuŋtsɔ lɛ mli.  Hɛɛ, bo hu miikpa bo fai, akɛ naanyo nitsulɔ kpakpa,* akɛ oya nɔ oye obua yei nɛɛ ní kɛ mi kɛ Klemente, kɛ agbɛnɛ hu, minanemɛi nitsulɔi ni eshwɛ ní amɛgbɛ́ii yɔɔ wala wolo lɛ mli lɛ fee ekome ní bɔ amɛhe mɔdɛŋ waa* kɛhã sane kpakpa lɛ.  Nyɛmii ashɛa nyɛhe jogbaŋŋ yɛ Nuŋtsɔ lɛ mli be fɛɛ be. Miikɛɛ ekoŋŋ akɛ, Nyɛmii ashɛa nyɛhe jogbaŋŋ!  Nyɛhãa gbɔmɛi fɛɛ alea nyɛniiashishinumɔ* lɛ. Nuŋtsɔ lɛ bɛŋkɛ.  Nyɛkafea yeyeeye yɛ nɔ ko nɔ ko he, shi moŋ yɛ nɔ fɛɛ nɔ mli lɛ, nyɛtsɔa sɔlemɔ, kɛ fai ní akɛ hiɛdɔɔ kpaa, kɛ shidaa nɔ nyɛhãa Nyɔŋmɔ alea nyɛnibimɔi lɛ;  ni Nyɔŋmɔ toiŋjɔlɛ ni fe niiashishinumɔi fɛɛ lɛ baatsɔ Kristo Yesu nɔ abu nyɛtsuii kɛ nyɛjwɛŋmɔi* ahe.  Naagbee lɛ, nyɛmimɛi, nɔ fɛɛ nɔ ni ji anɔkwale, nɔ fɛɛ nɔ ni sa woo, nɔ fɛɛ nɔ ni ja, nɔ fɛɛ nɔ ni he tse,* nɔ fɛɛ nɔ ni kanyaa suɔmɔ, nɔ fɛɛ nɔ ni awieɔ he ekpakpa, nɔ fɛɛ nɔ ni hi jogbaŋŋ, kɛ nɔ fɛɛ nɔ ni sa yijiemɔ lɛ, nyɛyaa nɔ nyɛsusua enɛɛmɛi ahe.*  Nibii ní nyɛkase ní nyɛkpɛlɛ nɔ, ní nyɛnu ní nyɛna yɛ mihe lɛ, nomɛi nyɛfea, ni toiŋjɔlɛ Nyɔŋmɔ lɛ kɛ nyɛ baahi shi. 10  Miná miishɛɛ babaoo yɛ Nuŋtsɔ lɛ mli, akɛ agbɛnɛ, nyɛtsĩɛ mihe ní nyɛsusuɔ lɛ hiɛ ekoŋŋ. Eyɛ mli akɛ no mli lɛ nyɛsusuɔ mihe moŋ, shi nyɛyanáaa hegbɛ kɛtsɔɔ nakai. 11  Jeee hiamɔ ní ehia mi hewɔ miwieɔ enɛ, ejaakɛ mi lɛ, mikase akɛ mahã nii ni miyɔɔ lɛ afee nɔ ni fa hã mi,* ekɔɔɔ he eko shihilɛ mli ní miyɔɔ. 12  Mile ohia mli shihilɛ, kɛ ninámɔ babaoo hu mli shihilɛ. Mikase nɔ ko ni mɛi fioo pɛ le* ní hãa mɔ mii shɛɔ nii ni eyɔɔ lɛ ahe yɛ nɔ fɛɛ nɔ mli, kɛ agbɛnɛ hu, yɛ shihilɛ fɛɛ shihilɛ mli, tɔɔ mli jio, hɔmɔ mli jio, ninámɔ babaoo mli jio, ohia mli jio. 13  Yɛ nɔ fɛɛ nɔ mli lɛ, mitsɔɔ mɔ ni wajeɔ mi lɛ nɔ mináa hewalɛ. 14  Kɛ̃lɛ, nyɛfee jogbaŋŋ akɛ nyɛkɛ mi ná gbɛfaŋnɔ yɛ mimanehulu lɛ mli. 15  Anɔkwa, nyɛ Filipibii lɛ diɛŋtsɛ hu nyɛle akɛ, be ni nyɛkase sane kpakpa lɛ klɛŋklɛŋ kwraa lɛ sɛɛ, be ni mishi Makedonia lɛ, asafo ko bɛ ni kɛ mi ná gbɛfaŋnɔ yɛ hãmɔ kɛ hemɔ gbɛfaŋ, akɛ ja nyɛ kɛkɛ; 16  ejaakɛ be ni miyɔɔ Tesalonika lɛ, nyɛtsu ni abahã mi mihiamɔ nii, jeee shi kome kɛkɛ, shi shii enyɔ. 17  Jeee akɛ miitao nikeenii, moŋ lɛ miitao yibii ni baahã nyɛfotro lɛ mli nii lɛ afa fe tsutsu lɛ. 18  Kɛ̃lɛ, miyɛ nɔ fɛɛ nɔ ni he hiaa mi, ni eteke nɔ po. Amrɔ nɛɛ miná nɔ fɛɛ nɔ ní mitaoɔ, ejaakɛ minine eshɛ nɔ ni nyɛkɛmaje Epafrodito kɛbahã mi lɛ nɔ, nii ni jeɔ ŋma krɔŋŋ, afɔle ni akpɛlɛɔ nɔ, ní sa Nyɔŋmɔ hiɛ jogbaŋŋ lɛ. 19  Mi-Nyɔŋmɔ lɛ hu baatsɔ Kristo Yesu nɔ ehã nyɛ nɔ ni he hiaa nyɛ lɛ fɛɛ kɛwula shi yɛ enunyam babaoo lɛ naa. 20  Agbɛnɛ, wɔ-Nyɔŋmɔ kɛ wɔ-Tsɛ lɛ ji mɔ ni aŋɔ anunyam ahã kɛya naanɔi anaanɔ. Amen. 21  Nyɛŋaa mɔ krɔŋkrɔŋ fɛɛ mɔ krɔŋkrɔŋ ní kɛ Kristo Yesu efee ekome lɛ nyɛhãa mi. Nyɛmimɛi ni kɛ mi yɔɔ lɛ hu miiŋa nyɛ. 22  Mɛi krɔŋkrɔŋi lɛ fɛɛ, shi titri lɛ, Kaisare shĩabii lɛ miiŋa nyɛ. 23  Nuŋtsɔ Yesu Kristo duromɔ lɛ kɛ mumɔ ni nyɛjieɔ lɛ kpo lɛ ahi shi.

Shishigbɛ Niŋmaa

Sht. ŋm., “naanyo kpakpa ní mikɛyɔɔ kɔɔŋtso kome shishi.”
Aloo “ní mia amɛhiɛ waa.”
Sht. ŋm., “nyɛsaneheŋmɛɛmɔ; nyɛtswãafeemɔ.”
Aloo “nyɛsusumɔi.”
Aloo “ni yɔɔ krɔŋŋ.”
Aloo “nyɛjwɛŋa enɛɛmɛi ahe; nyɛjwɛŋa enɛɛmɛi anɔ.”
Aloo “mahã mimii ashɛ nii ni miyɔɔ lɛ ahe.”
Aloo “mikase teemɔŋ sane.”