Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ

ŊMALƐ KRƆŊKRƆŊ LƐ—JEŊ HEE SHISHITSƆƆMƆ

Efesobii 2:1-22

2  Kɛfata he lɛ, Nyɔŋmɔ hã nyɛhiɛ kamɔ, eyɛ mli moŋ akɛ no mli lɛ nyɛgboi yɛ nyɛtɔmɔi kɛ nyɛhe eshai  ní be ko ni eho lɛ nyɛnyiɛ yɛ mli lɛ amli, yɛ je nɛŋ shihilɛ gbɛjianɔtoo lɛ* naa, yɛ nɔyelɔ ni yɔɔ hegbɛ akɛ ekudɔ kɔɔyɔɔ, ni ji mumɔ ni tsuɔ nii amrɔ nɛɛ yɛ toigbele bii lɛ amli lɛ, suɔmɔ naa.  Hɛɛ, be ko ni eho lɛ, amɛteŋ wɔ fɛɛ wɔba wɔjeŋ yɛ, yɛ nibii ni wɔheloo lɛ shweɔ lɛ naa, ni wɔfee heloo lɛ kɛ wɔjwɛŋmɔ lɛ suɔmɔnaa nii, ni wɔji mlifu bii yɛ fɔmɔ su naa tamɔ mɛi ni eshwɛ lɛ nɔŋŋ.  Shi Nyɔŋmɔ lɛ, akɛni emɔbɔnalɛ lɛ fa babaoo hewɔ lɛ, etsɔ esuɔmɔ kpele ni ekɛsumɔ wɔ lɛ nɔ  ehã wɔ kɛ Kristo lɛ fɛɛ hiɛ kamɔ, be mli ni wɔgboi yɛ tɔmɔi amli po lɛ—atsɔ duromɔ nɔ ahere nyɛyiwala.  Kɛfata he lɛ, etee wɔ kɛ lɛ fɛɛ shi ni eŋɔ wɔ kɛ lɛ fɛɛ eta ŋwɛiniiaŋ yɛ ekome ní wɔ kɛ Kristo Yesu efee lɛ hewɔ,  koni yɛ shihilɛi agbɛjianɔtoi ni baaba lɛ* amli lɛ, ejie eduromɔ babaoo ni nɔ bɛ lɛ kpo yɛ emlihilɛ ní ejieɔ lɛ kpo etsɔɔ wɔ* akɛni wɔ kɛ Kristo Yesu efee ekome lɛ hewɔ lɛ mli.  Atsɔ duromɔ nɛɛ nɔ ahere nyɛyiwala kɛtsɔ hemɔkɛyeli nɔ, ni enɛ lɛ, jeee nyɛ diɛŋtsɛ nyɛfee; moŋ lɛ, eji Nyɔŋmɔ nɔkeenɔ.  Dabi, jeee nitsumɔi amli ejɛ, koni mɔ ko akaná nɔ ko nɔ edamɔ eshi etsitsi. 10  Wɔji Nyɔŋmɔ ninenaa nitsumɔ,* ni atsɔ ekome ní wɔ kɛ Kristo Yesu efee lɛ nɔ abɔ wɔ kɛhã nitsumɔi kpakpai ní Nyɔŋmɔ tsɔ hiɛ ekpɛ mli eto koni wɔnyiɛ yɛ nomɛi amli lɛ. 11  No hewɔ lɛ, nyɛkaia akɛ be ko ni eho lɛ, nyɛ ni nyɛji jeŋmajiaŋbii yɛ heloo gbɛfaŋ lɛ, mɛi ni atsɛɔ amɛ “mɛi ni afolɔ amɛ ketia” ní akɛ adesai aniji fee yɛ heloo lɛ mli lɛ tsɛɔ nyɛ “foolɔi.” 12  Nakai be lɛ mli lɛ, nyɛbɛ Kristo, ni nyɛtse nyɛhe kɛje Israel maŋ lɛ he, ni nyɛji gbɔi hu yɛ shiwoo lɛ he kpaŋmɔi lɛ agbɛfaŋ; nyɛbɛ hiɛnɔkamɔ ni nyɛbɛ Nyɔŋmɔ yɛ je lɛ mli. 13  Shi amrɔ nɛɛ, yɛ Kristo Yesu ní nyɛ kɛ lɛ efee ekome lɛ hewɔ lɛ, nyɛ ni tsutsu ko lɛ nyɛyɔɔ shɔŋŋ lɛ, nyɛtsɔ Kristo lɛ lá lɛ nɔ nyɛbɛŋkɛ. 14  Ejaakɛ lɛ ji wɔtoiŋjɔlɛ, mɔ ni ŋɔ kui enyɔ lɛ fɛɛ efee ekome, ní ekumɔ gbogbo ni kã amɛteŋ akɛ afabaŋ lɛ. 15  Etsɔ eheloo lɛ nɔ egu nyɛɛ lɛ, ni ji kitãi a-Mla lɛ ní akɛ akpɔi fee lɛ, bɔ ni afee ni efee kui enyɔ ní kɛ lɛ efee ekome lɛ gbɔmɔ hee kome, ní ehã toiŋjɔlɛ aba, 16  ní etsɔ piŋmɔ tso* lɛ nɔ ekpãtã kui enyɔ lɛ fɛɛ kɛ Nyɔŋmɔ teŋ kɛmɔ shi yɛ gbɔmɔtso kome mli, ejaakɛ ekɛ egbɔmɔtso lɛ gbe nyɛɛ lɛ. 17  Ni eba ebajaje toiŋjɔlɛ he sane kpakpa lɛ etsɔɔ nyɛ ní nyɛyɔɔ shɔŋŋ lɛ, kɛ toiŋjɔlɛ hu etsɔɔ mɛi ni bɛŋkɛ lɛ, 18  ejaakɛ kɛtsɔ enɔ lɛ, wɔ, ni ji kui enyɔ lɛ fɛɛ lɛ, wɔnáa gbɛ kɛyaa Tsɛ lɛ ŋɔɔ tswaa kɛtsɔ mumɔ kome nɔ. 19  No hewɔ lɛ, jeee gbɔi kɛ maŋsɛɛbii ji nyɛ dɔŋŋ, moŋ lɛ, nyɛ kɛ mɛi krɔŋkrɔŋi lɛ fɛɛ ji maŋbii, kɛ Nyɔŋmɔ shĩa lɛ mli bii hu, 20  ni atswa nyɛ ama bɔfoi lɛ kɛ gbalɔi lɛ afaneshi lɛ nɔ, ni Kristo Yesu diɛŋtsɛ ji faneshi lɛ koŋtɛ lɛ. 21  Tsũ muu lɛ fɛɛ ní kɛ lɛ efee ekome, ní aatsara efãi lɛ fɛɛ jogbaŋŋ aafee lɛ ekome lɛ, miida kɛmiitsɔ sɔlemɔwe krɔŋkrɔŋ kɛhã Yehowa.* 22  Nyɛ hu, akɛni nyɛ kɛ lɛ efee ekome hewɔ lɛ, aatswa nyɛ kɛ mɛi krokomɛi lɛ fɛɛ aama shi koni nyɛfee he ko ní Nyɔŋmɔ baatsɔ emumɔ lɛ nɔ ehi jɛmɛ.

Shishigbɛ Niŋmaa

Aloo “gbɛ ni je nɛɛ ekɔ lɛ.”
Aloo “yinɔi ni baaba lɛ.” Kwɛmɔ Wiemɔi Titrii Amligbalamɔ lɛ.
Aloo “yɛ ejurɔ ni efeɔ wɔ.”
Aloo “wɔji nibii ni Nyɔŋmɔ efee lɛ eko.”
Kwɛmɔ Wiemɔi Titrii Amligbalamɔ lɛ.
Kwɛmɔ Wiemɔi Titrii Amligbalamɔ lɛ.