Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ | ŊMALƐ KRƆŊKRƆŊ LƐ—JEŊ HEE SHISHITSƆƆMƆ

Kpojiemɔ 15:1-8

EMLI SAJI

  • Ŋwɛibɔfoi kpawo ni hiɛ haomɔi kpawo (1-8)

    • Mose lala lɛ kɛ Gwantɛŋbi lɛ lala lɛ (3, 4)

15  Ni mina okadi kroko yɛ ŋwɛi, eji okadi kpele, ni eyɛ naakpɛɛ, ŋwɛibɔfoi kpawo ni hiɛ haomɔi kpawo. Enɛɛmɛi ji naagbee haomɔi lɛ, ejaakɛ nomɛi akɛbaagbe Nyɔŋmɔ mlifu lɛ naa.  Ni mina nɔ ko tamɔ ashwishwɛ ŋshɔ ni akɛ la efutu, ni mɛi ni eye kooloo awuiyelɔ lɛ kɛ emaga lɛ kɛ egbɛ́i lɛ yibɔ lɛ nɔ kunim lɛ damɔ ashwishwɛ ŋshɔ lɛ masɛi, ni amɛhiɛ Nyɔŋmɔ saŋkui lɛ.  Amɛmiilá Nyɔŋmɔ nyɔŋ Mose lala lɛ kɛ Gwantɛŋbi lɛ lala lɛ, akɛ: “Yehowa* Nyɔŋmɔ, Ofe lɛ, onitsumɔi lɛ dara ni amɛyɛ naakpɛɛ. Naanɔi a-Maŋtsɛ, ogbɛi lɛ ja ni anɔkwa ji amɛ.  Yehowa,* namɔ po sheŋ bo gbeyei, ni ewoŋ ogbɛ́i lɛ hiɛ nyam, ejaakɛ bo okome too ji anɔkwafo? Ejaakɛ jeŋmaji lɛ fɛɛ baaba ní amɛbajá yɛ ohiɛ, ejaakɛ ajie ojalɛ akpɔi lɛ akpo.”  Enɛ sɛɛ lɛ mikwɛ, ni agbele odase buu lɛ sɔlemɔtsu lɛ naa yɛ ŋwɛi,  ni ŋwɛibɔfoi kpawo ni hiɛ haomɔi kpawo lɛ je kpo kɛjɛ sɔlemɔtsu lɛ mli, ni amɛwo klala ni he tse ni kpɛlɛɔ kaŋkaŋ, ni amɛfimɔ amɛtsitsii kɛ shika tsuru mlifiinii.  Bɔɔ nii ejwɛ ní hiɛ kamɔ lɛ ateŋ mɔ kome ŋɔ shika tsuru kãi kpawo ni eyimɔ obɔbɔ kɛ Nyɔŋmɔ ní hiɛ kã kɛyaa naanɔi anaanɔ lɛ mlifu lɛ ehã ŋwɛibɔfoi kpawo lɛ.  Ni sɔlemɔtsu lɛ mli yi obɔ kɛ lasu yɛ Nyɔŋmɔ anunyam lɛ hewɔ, kɛ agbɛnɛ hu yɛ ehewalɛ lɛ hewɔ, ni mɔ ko mɔ ko nyɛɛɛ sɔlemɔtsu lɛ mli abote kɛyashi beyinɔ ni agbe ŋwɛibɔfoi kpawo lɛ ahaomɔi kpawo lɛ anaa.

Shishigbɛ Niŋmaa

Kwɛmɔ Wiemɔi Titrii Amligbalamɔ lɛ.
Kwɛmɔ Wiemɔi Titrii Amligbalamɔ lɛ.