Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ

ŊMALƐ KRƆŊKRƆŊ LƐ—JEŊ HEE SHISHITSƆƆMƆ

Kpojiemɔ 10:1-11

10  Ni mina ŋwɛibɔfo hewalɔ kroko jɛ ŋwɛi miikpeleke shi, ni ewula kɛ atatu,* ni kwaabuɛtɛ yɛ eyiteŋ, ni ehiɛ tamɔ hulu, ni enaji* tamɔ la akulashiŋi,  ni ehiɛ wolokpo* bibioo ní agbele naa yɛ edɛŋ. Ni ekɛ enanejurɔ ma ŋshɔ lɛ nɔ, shi enane abɛku ma shikpɔŋ lɛ nɔ,  ni ebo kɛ gbee ni wa tamɔ jata ni miihũu. Ni be ni ebo lɛ, nugbɔshiimɔi kpawo lɛ kɛ amɛ diɛŋtsɛ amɛgbei wie.  Agbɛnɛ, be ni nugbɔshiimɔi kpawo lɛ wie lɛ, kulɛ miihe maŋma, shi minu gbee ko jɛ ŋwɛi miikɛɛ: “Sɔomɔ nibii ni nugbɔshiimɔi kpawo lɛ wie lɛ anaa, ni kaaŋmala oshwie shi.”  Ŋwɛibɔfo ni mina akɛ edamɔ ŋshɔ lɛ nɔ kɛ shikpɔŋ lɛ nɔ lɛ wó eninejurɔ nɔ kɛtee ŋwɛi,  ni etsɛ mɔ ni hiɛ kã kɛmiiya naanɔi anaanɔ lɛ, mɔ ni bɔ ŋwɛi kɛ nibii ni yɔɔ mli lɛ, kɛ shikpɔŋ lɛ kɛ nibii ni yɔɔ mli lɛ, kɛ ŋshɔ lɛ kɛ nibii ni yɔɔ mli lɛ, ekɛkã kitã akɛ: “Amɛŋ dɔŋŋ.  Shi yɛ gbii ní ŋwɛibɔfo ni ji kpawo lɛ miihe akpã etɛtɛrɛmantɛrɛ lɛ amli lɛ, teemɔŋ sane krɔŋkrɔŋ ní Nyɔŋmɔ jaje akɛ sane kpakpa etsɔɔ lɛ diɛŋtsɛ enyɔji ni ji gbalɔi lɛ baaba naagbee lɛɛlɛŋ.”  Ni gbee ni minu kɛjɛ ŋwɛi lɛ kɛ mi wie ekoŋŋ ni ekɛɛ: “Yaa ni oyahe wolokpo ní agbele naa lɛ yɛ ŋwɛibɔfo ni damɔ ŋshɔ lɛ nɔ kɛ shikpɔŋ lɛ nɔ lɛ dɛŋ.”  Mitee ŋwɛibɔfo lɛ ŋɔɔ ni miyakɛɛ lɛ ní ekɛ wolokpo bibioo lɛ ahã mi. Ekɛɛ mi akɛ: “Hemɔ ni oye, ni ebaajoo yɛ omusuŋ, shi odaaŋ moŋ lɛ, ebaaŋɔɔ dɔkɔdɔkɔ tamɔ wo.” 10  Mihe wolokpo bibioo lɛ yɛ ŋwɛibɔfo lɛ dɛŋ ni miye, ni eŋɔɔ dɔkɔdɔkɔ yɛ midaaŋ tamɔ wo, shi be ni miye lɛ, ejoo yɛ mimusuŋ. 11  Ni amɛkɛɛ mi akɛ: “Esa akɛ ogba gbalɛ ni kɔɔ gbɔmɛi kɛ jeŋmaji kɛ wiemɔi kɛ maŋtsɛmɛi pii ahe ekoŋŋ.”

Shishigbɛ Niŋmaa

Aloo “eha atatu.”
Sht. ŋm., “enanetokotai.”
Wolo kakadaŋŋ ni akotaa awoɔ tso he.