Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ

ŊMALƐ KRƆŊKRƆŊ LƐ—JEŊ HEE SHISHITSƆƆMƆ

Bɔfoi 19:1-41

19  Eba mli akɛ be ni Apolo yɔɔ Korinto lɛ, Paulo yatsɔ kpokpai ni kɛ ŋshɔnaagbɛ jekɛ lɛ anɔ, ni ekpeleke shi kɛbaje Efeso. Eyana kaselɔi komɛi yɛ jɛmɛ  ni ekɛɛ amɛ akɛ: “Be ni nyɛhe nyɛye lɛ, ani nyɛná mumɔ krɔŋkrɔŋ?” Amɛhere lɛ nɔ akɛ: “Ei, wɔnuko dã akɛ mumɔ krɔŋkrɔŋ ko yɛ.”  No hewɔ lɛ, ekɛɛ akɛ: “Belɛ, mɛni mli abaptisi nyɛ awo mɔ?” Amɛkɛɛ: “Yohane baptisimɔ lɛ mli.”  Paulo kɛɛ akɛ: “Yohane lɛ, ebaptisi kɛ baptisimɔ ni feɔ tsuitsakemɔ he okadi, ni ekɛɛ gbɔmɛi lɛ koni amɛhe mɔ ni baa yɛ esɛɛ, ni ji Yesu lɛ, nɔ amɛye.”  Be ni amɛnu enɛ lɛ, abaptisi amɛ yɛ Nuŋtsɔ Yesu gbɛ́i lɛ mli.  Ni be ni Paulo kɛ eniji ŋmɛlɛ amɛnɔ lɛ, mumɔ krɔŋkrɔŋ lɛ ba amɛnɔ, ni amɛbɔi maŋsɛɛ wiemɔi awiemɔ ni amɛgba.  Amɛyi aaafee hii nyɔŋma kɛ enyɔ.  Ni ebote kpeehe lɛ, ni ewie kɛ ekãa nyɔji etɛ sɔŋŋ, ehã wiemɔi ni ekɛ mɛi susu Nyɔŋmɔ Maŋtsɛyeli lɛ he yɛ gbɛ ni hãa mɔ yiŋ tsɔɔ nɔ.  Shi be ni amɛteŋ mɛi komɛi kɛ kuɛŋtimɔ kpoo akɛ amɛbaahe amɛye,* ní amɛwie Gbɛ Lɛ he wiemɔi fɔji yɛ mɛi babaoo ahiɛ lɛ, egbala ehe shi kɛje amɛhe, ni etse kaselɔi lɛ kɛje amɛhe, ni daa gbi lɛ eyahãa wiemɔi yɛ Tirano skul asa lɛ nɔ. 10  Enɛ tee nɔ afii enyɔ, ni no hewɔ lɛ, mɛi fɛɛ ni yɔɔ Asia kpokpaa lɛ nɔ lɛ, Yudafoi kɛ Helabii fɛɛ, nu Nuŋtsɔ lɛ wiemɔ lɛ. 11  Ni Nyɔŋmɔ tee nɔ etsɔ Paulo nine nɔ etsu hewalɛ nitsumɔi ni nɔ bɛ, 12  aahu po akɛ aŋɔɔ klaladukui kɛ atade hiɛhaanii ni esa egbɔmɔtso he lɛ ayahãa helatsɛmɛi, ni amɛhelai lɛ yaa, ni mumɔi fɔji lɛ jeɔ kpo. 13  Shi Yudafoi lɛ ateŋ mɛi komɛi ní kpaa shi amɛfãmɔɔ daimonioi lɛ hu bɔ mɔdɛŋ akɛ amɛkɛ Nuŋtsɔ Yesu gbɛ́i lɛ baatsu nii yɛ mɛi ni yɔɔ mumɔi fɔji lɛ anɔ; amɛkɛɔ akɛ: “Miitsɔ Yesu, mɔ ni Paulo shiɛɔ lɛ lɛ nɔ miifã nyɛyi.” 14  No mli lɛ, Yudafoi lɛ asɔfo tsiifonyo ko ni atsɛɔ lɛ Skeva lɛ yɛ bihii kpawo ni feɔ nakai. 15  Shi mumɔ fɔŋ lɛ hã amɛ hetoo akɛ: “Mile Yesu, ni mile Paulo hu; shi nyɛ lɛ, namɛi ji nyɛ?” 16  Kɛkɛ ni nuu ni yɔɔ mumɔ fɔŋ lɛ tutua amɛ, ni enine tsɔ amɛnɔ ekomekome, ni efee amɛ butuu, no hewɔ lɛ, amɛjo foi kɛje nakai shĩa lɛ kɛ amɛhe yayai kɛ pilamɔi. 17  Mɛi fɛɛ, Yudafoi kɛ Helabii fɛɛ ni yɔɔ Efeso lɛ, ná le sane nɛɛ; ni gbeyei mɔmɔ amɛ fɛɛ, ni atee nɔ awó Nuŋtsɔ Yesu gbɛ́i lɛ nɔ gojoo. 18  Ni mɛi ni ebatsɔmɔ héyelilɔi lɛ ateŋ mɛi babaoo baa amɛbajajeɔ amɛnifeemɔi lɛ ni amɛbɔɔ he amaniɛ yɛ mɛi ahiɛ. 19  Anɔkwa, mɛi ni tsutsu lɛ amɛfeɔ ashwãi lɛ ateŋ mɛi saŋŋ kɛ amɛwoji lɛ bashwie shi ni amɛshã yɛ mɛi fɛɛ hiɛ. Ni amɛbu fɛɛ naa ni amɛna akɛ fɛɛ feɔ jwiɛtɛi kukuji akpei nyɔŋmai enumɔ. 20  No hewɔ lɛ, hewalɛ kpele nɔ Yehowa* wiemɔ lɛ tsɔ etee nɔ eshwere ni ehe shi. 21  Be ni agbe nibii nɛɛ anaa lɛ, Paulo kpɛ mli yɛ emumɔ mli akɛ kɛ́ eyatsɔ Makedonia kɛ Akaia egbe naa lɛ, ebaaya Yerusalem. Ekɛɛ akɛ: “Kɛ́ mitee jɛmɛ lɛ, no sɛɛ lɛ, esa akɛ mayakwɛ Roma hu.” 22  No hewɔ lɛ, etsu mɛi ni sɔmɔɔ lɛ lɛ ateŋ mɛi enyɔ, Timoteo kɛ Erasto, kɛtee Makedonia, shi lɛ diɛŋtsɛ lɛ ehi shi be fioo yɛ Asia kpokpaa lɛ nɔ. 23  Nakai be lɛ mli nɔŋŋ lɛ, basabasafeemɔ kpele ko bate shi yɛ Gbɛ Lɛ hewɔ. 24  Ejaakɛ nuu jwiɛtɛi ŋaalɔ ko ni atsɛɔ lɛ Demetrio ní kɛ jwiɛtɛi feɔ Artemi wɔŋtsũ lɛ henɔi bibii lɛ hãa ŋaalɔi lɛ náa nii pii. 25  Ebua amɛ kɛ mɛi krokomɛi ni tsuɔ nakai nitsumɔ lɛ anaa ni ekɛɛ: “Ataamɛi, nyɛle jogbaŋŋ akɛ nitsumɔ nɛɛ nɔ wɔtsɔɔ wɔnáa nii. 26  Amrɔ nɛɛ, nyɛmiina ni nyɛmiinu akɛ jeee yɛ Efeso pɛ, shi moŋ yɛ Asia kpokpaa lɛ kpotoo nɔ lɛ, nɛkɛ Paulo nɛɛ ehã mɛi babaoo ayiŋ etsɔ ni ehã amɛná susumɔ kroko, ni ekɛɔ akɛ nyɔŋmɔi ni akɛ niji fee lɛ, jeee nyɔŋmɔi diɛŋtsɛ ji amɛ. 27  Kɛfata he lɛ, oshara ni yɔɔ ji akɛ, jeee akɛ abaagbe wɔnitsumɔ nɛɛ he guɔ kɛkɛ, shi moŋ nyɔŋmɔyoo kpele Artemi ní Asia kpokpaa lɛ fɛɛ kɛ shikpɔŋ muu lɛ fɛɛ jáa lɛ lɛ sɔlemɔwe lɛ hu, abuŋ lɛ ahãŋ nɔ ko nɔ ko, ni abaabutu enunyam kpele lɛ.” 28  Be ni hii lɛ nu enɛ lɛ, amɛmli fu waa ni amɛbɔi bolɔmɔ akɛ: “Efesobii Artemi lɛ, eje agbo!” 29  No hewɔ lɛ, maŋ lɛ mli fɛɛ fee basabasa ni amɛkɛ jwɛŋmɔ kome sha foi kɛbote nikwɛmɔhe lɛ, ni amɛgbala Gaio kɛ Aristarko, Makedoniabii ní fata Paulo he kɛfãa gbɛ lɛ, amɛfata amɛhe kɛtee. 30  Paulo lɛ, etao akɛ ebote mli ni eya mɛi lɛ ateŋ, shi kaselɔi lɛ eŋmɛɛɛ lɛ gbɛ. 31  Gbijurɔyelii kɛ shwɛmɔi ahe gbɛjianɔtolɔi komɛi po ni sumɔɔ esane lɛ kɛ wiemɔ tsu ní ayakpa lɛ fai akɛ ekabote nikwɛmɔhe lɛ ni ekɛ ewala yawo oshara mli. 32  Anɔkwa, mɛi komɛi miibolɔ nɛkɛ ni mɛi krokomɛi hu miibolɔ ekroko; ejaakɛ gwabɔɔ lɛ mli efee basabasa, ni amɛteŋ mɛi pii po leee nɔ hewɔ ni amɛnaa ebakpe shi lɛ. 33  No hewɔ lɛ, amɛkɛ Aleksandro je kpo kɛje asafoku lɛ teŋ, ni Yudafoi lɛ tsirɛ lɛ kɛba hiɛ, ni Aleksandro kɛ enine fee okadi ní eetao ejie enaa etsɔɔ mɛi lɛ. 34  Shi be ni amɛyɔse akɛ Yudafonyo ji lɛ lɛ, amɛ fɛɛ amɛkɛ gbee kome bolɔ aaafee ŋmɛlɛtswai enyɔ sɔŋŋ akɛ: “Efesobii Artemi lɛ, eje agbo!” 35  Naagbee lɛ, be ni maŋ woloŋmalɔ lɛ ehã asafoku lɛ efee dioo lɛ, ekɛɛ akɛ: “Ataamɛi Efesobii, mɛɛ gbɔmɔ po yɔɔ ni leee akɛ Efesobii amaŋ lɛ ji Artemi kpele lɛ sɔlemɔtsu lɛ kɛ amaga ni kpeleke shi kɛjɛ ŋwɛi lɛ fɛɛ nɔkwɛlɔ? 36  Akɛni ŋwanejee ko bɛ nibii nɛɛ ahe hewɔ lɛ, esa akɛ nyɛfee dioo, ni nyɛkafee gidigidi ko. 37  Ejaakɛ nyɛkɛ hii nɛɛ eba biɛ, ni amɛjeee sɔlemɔwe nii julɔi, asaŋ amɛjeee wɔnyɔŋmɔyoo lɛ he musubɔlɔi. 38  No hewɔ lɛ, kɛ́ Demetrio kɛ ŋaalɔi ni fata ehe lɛ yɛ sane ko kɛ mɔ ko shimɔ lɛ, saneyeli gbii yɛ, ni prokɔnsɔlii* hu yɛ; nyɛhãa amɛkɛ sane ní amɛyɔɔ kɛ mɔ ko shimɔ lɛ abaa. 39  Shi kɛ́ nyɛmiitao nɔ ko ni fe no lɛ, esa akɛ akpɛ mli yɛ mla naa gwabɔɔ mli. 40  Ejaakɛ kɛ́ wɔkwɛɛɛ ni ahi lɛ, abaabu wɔ maŋ hiɛ atuatselɔi yɛ ŋmɛnɛ gbi nɛɛ sane lɛ hewɔ, ejaakɛ wɔbɛ nɔ ko kwraa ni wɔkɛbaajie wɔnaa akɛ no hewɔ asafo yuu nɛɛ feɔ basabasa lɛ.” 41  Ni be ni ewie enɛ egbe naa lɛ, ewo mɛi ni ebabɔ gwa lɛ gbɛ.

Shishigbɛ Niŋmaa

Aloo “tee nɔ amɛkpiliŋ amɛtsui, ni amɛheee amɛyeee.”
Kwɛmɔ Wiemɔi Titrii Amligbalamɔ lɛ.
Prokɔnsɔl ji Roma amralo kɛhã kpokpaa ko. Kwɛmɔ Wiemɔi Titrii Amligbalamɔ lɛ.