Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ

ŊMALƐ KRƆŊKRƆŊ LƐ—JEŊ HEE SHISHITSƆƆMƆ

Bɔfoi 1:1-26

1  Teofilo, yɛ klɛŋklɛŋ sane lɛ mli lɛ, miŋma nibii fɛɛ ni Yesu bɔi feemɔ, kɛ nibii ni ebɔi tsɔɔmɔ  kɛyashi gbi nɔ ni aŋɔ lɛ kɛtee ŋwɛi, be ni etsɔ mumɔ krɔŋkrɔŋ lɛ nɔ ekɛ gbɛtsɔɔmɔi hã bɔfoi ni ehala lɛ sɛɛ lɛ.  Be ni ena nɔ sɛɛ lɛ, etsɔ odaseyelii babaoo ni hãa mɔ yiŋ tsɔɔ anɔ ejie ehe kpo akɛ hiɛkãalɔ etsɔɔ amɛ. Amɛna lɛ shii abɔ yɛ gbii nyɔŋmai ejwɛ lɛ mli, ni ewie Nyɔŋmɔ Maŋtsɛyeli lɛ he.  Be ni ekɛ amɛnaa kpe shi lɛ, efã amɛ akɛ: “Nyɛkajea Yerusalem, shi nyɛyaa nɔ nyɛmɛa nɔ ni Tsɛ lɛ ewo he shi, ni nyɛnu yɛ minaa lɛ;  ejaakɛ anɔkwa, Yohane kɛ nu baptisi, shi nyɛ lɛ, enɛ sɛɛ lɛ, eyeŋ gbii pii ko ni akɛ mumɔ krɔŋkrɔŋ baabaptisi nyɛ.”  No hewɔ lɛ, be ni amɛbua amɛhe naa lɛ, amɛbi lɛ akɛ: “Nuŋtsɔ, ani nɛkɛ be nɛɛ mli obaasaa oto maŋtsɛyeli lɛ oma shi ohã Israel lɛ?”  Ekɛɛ amɛ akɛ: “Jeee nyɛnɔ ji akɛ nyɛaale bei loo gbii lɛ ni Tsɛ lɛ eto yɛ lɛ diɛŋtsɛ ehewalɛ mli lɛ.  Shi kɛ́ mumɔ krɔŋkrɔŋ lɛ ba nyɛnɔ lɛ, nyɛbaaná hewalɛ, ni nyɛbaatsɔmɔ midasefoi yɛ Yerusalem, kɛ Yudea kɛ Samaria fɛɛ, kɛ agbɛnɛ, kɛyashi shikpɔŋ lɛ nɔ hei ni yɔɔ shɔŋŋshɔŋŋ lɛ.”*  Be ni ewie nibii nɛɛ asɛɛ lɛ, amɛhiɛ lɛ kwɛmɔ nɔŋŋ ni awó lɛ kɛtee ŋwɛigbɛ, ni atatu ko ŋɔ lɛ kɛje amɛhiɛ ni amɛnaaa lɛ dɔŋŋ. 10  Ni be ni eyaa ŋwɛi ni amɛmiikwɛ ŋwɛi gãa lɛ, trukaa lɛ, hii enyɔ ni wo atadei yɛji badamɔ amɛmasɛi, 11  ni amɛkɛɛ: “Galilea hii, mɛni hewɔ nyɛdamɔ shi nyɛkwɛɔ ŋwɛi nɛkɛ? Nɛkɛ Yesu nɛɛ ni aŋɔ lɛ kɛjɛ nyɛŋɔɔ kɛtee ŋwɛi lɛ, ebaaba yɛ gbɛ ni tamɔ nakai nɔŋŋ nɔ, taakɛ nyɛna lɛ akɛ eeya ŋwɛi lɛ.” 12  Kɛkɛ ni amɛku amɛsɛɛ kɛjɛ gɔŋ ko ni atsɛɔ lɛ Oliv Gɔŋ ni bɛŋkɛ Yerusalem lɛ nɔ kɛtee Yerusalem ekoŋŋ, ni jɛmɛ kɛ Yerusalem teŋ jekɛmɔ ji hejɔɔmɔ gbi gbɛfãa kɛkɛ. 13  Be ni amɛshɛ jɛmɛ lɛ, amɛkwɔ kɛtee ŋwɛi asa lɛ nɔ he ni amɛhiɔ lɛ. No mli lɛ, Petro kɛ Yohane kɛ Yakobo kɛ Andrea kɛ Filipo kɛ Toma, Bartolomeo kɛ Mateo, Yakobo ni ji Alfeo binuu lɛ, kɛ Simon ni ji hiɛdɔlɔ lɛ, kɛ Yuda ni ji Yakobo binuu lɛ yɛ jɛmɛ. 14  Mɛnɛɛmɛi fɛɛ kɛ yiŋtoo kome hiɛ sɔlemɔ mli, ni yei komɛi hu kɛ Yesu nyɛ Maria kɛ Yesu nyɛmimɛi hii lɛ fata amɛhe. 15  No gbii lɛ amli lɛ, Petro te shi edamɔ shi yɛ nyɛmimɛi lɛ ateŋ (mɛi fɛɛ* ni naa bakpe shi lɛ aaafee mɛi oha kɛ nyɔŋmai enyɔ) ni ekɛɛ: 16  “Ataamɛi, nyɛmimɛi, esa akɛ ŋmalɛ lɛ, ni mumɔ krɔŋkrɔŋ lɛ tsɔ David nɔ egba yɛ Yuda he, mɔ ni tsɔɔ mɛi ni yamɔ Yesu lɛ gbɛ lɛ, aba mli. 17  Ejaakɛ abu lɛ ashi wɔnɔ ni ená gbɛfaŋnɔ yɛ sɔɔmɔ nɛɛ mli. 18  (No hewɔ lɛ, nɛkɛ nuu nɛɛ kɛ nii ni ejaaa he nyɔmɔwoo lɛ yahé shikpɔŋ, ni be ni eyitso yatswa shi lɛ, emli gba* ni emusuŋnii fɛɛ tue shwie shi. 19  Mɛi fɛɛ ni yɔɔ Yerusalem lɛ ná le enɛ, no hewɔ lɛ, atsɛ shikpɔŋ lɛ yɛ amɛwiemɔ mli akɛ Akeldama, eshishi ji, “Lá Shikpɔŋ.”) 20  Ejaakɛ aŋma yɛ Lalai awolo lɛ mli akɛ, ‘Hã eshihilɛhe lɛ atsɔ amaŋfɔ̃, ni mɔ ko mɔ ko akahi mli,’ kɛ ‘Enɔkwɛmɔ nitsumɔ lɛ, hã mɔ kroko aŋɔ.’ 21  No hewɔ lɛ, ehe miihia akɛ, yɛ hii ni kɛ wɔ nyiɛ be mli fɛɛ ni Nuŋtsɔ Yesu tsuɔ enitsumɔi lɛ* yɛ wɔteŋ lɛ ateŋ lɛ, 22  kɛjɛ be ni Yohane baptisi lɛ lɛ nɔ kɛyashi gbi nɔ ni aŋɔ lɛ kɛjɛ wɔŋɔɔ kɛtee ŋwɛi lɛ, esa akɛ hii nɛɛ ateŋ mɔ kome atsɔ eshitee lɛ he odasefonyo afata wɔhe.” 23  No hewɔ lɛ, amɛjie mɛi enyɔ yi amɛhã, Yosef ni atsɛɔ lɛ Barsaba ni awo lɛ Yusto hu lɛ, kɛ Matia. 24  Ni amɛsɔle amɛkɛɛ: “Oo Yehowa,* bo ni ole mɛi fɛɛ atsuiiaŋ, tsɔɔmɔ hii enyɔ nɛɛ ateŋ mɔ ni ohala, 25  koni eŋɔ sɔɔmɔ kɛ bɔfo nitsumɔ nɛɛ ni Yuda kplaŋ kɛje he ni ekɔ lɛ diɛŋtsɛ egbɛ lɛ.” 26  No hewɔ lɛ, amɛfɔ̃ amɛnɔ oshiki, ni oshiki lɛ yagbee Matia nɔ; ni akane lɛ afata bɔfoi nyɔŋma kɛ ekome lɛ ahe.*

Shishigbɛ Niŋmaa

Aloo “shikpɔŋ lɛ naagbeehei lɛ.”
Aloo “asafoku.”
Aloo “emli gba yɛ teŋgbɛ.”
Sht. ŋm., “yaa ebaa.”
Kwɛmɔ Wiemɔi Titrii Amligbalamɔ lɛ.
Aloo “abu lɛ ashi bɔfoi nyɔŋma kɛ ekome lɛ nɔ,” ni tsɔɔ akɛ, abu lɛ tamɔ abuɔ mɛi 11 lɛ nɔŋŋ.