Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ

ŊMALƐ KRƆŊKRƆŊ LƐ—JEŊ HEE SHISHITSƆƆMƆ

2 Yohane 1:1-13

 Onukpa lɛ* ŋma kɛyahã awula ni ahala lɛ lɛ kɛ ebii lɛ, mɛi ni misumɔɔ yɛ anɔkwale mli lɛ, ni jeee mi pɛ shi mɛi fɛɛ hu ni ebale anɔkwale lɛ,  yɛ anɔkwale lɛ ní hiɔ wɔmli ní ekɛ wɔ baahi shi kɛya naanɔ lɛ hewɔ.  Duromɔ, mɔbɔnalɛ, kɛ toiŋjɔlɛ ni jɛ Nyɔŋmɔ, ni ji Tsɛ lɛ, ni asaŋ ejɛ Yesu Kristo, ni ji Tsɛ lɛ Bi lɛ, dɛŋ lɛ kɛ wɔ baahi shi yɛ anɔkwale kɛ suɔmɔ mli.  Miná miishɛɛ babaoo akɛ mina obii lɛ ateŋ mɛi komɛi nyiɛ yɛ anɔkwale lɛ mli, tamɔ bɔ ni Tsɛ lɛ wo wɔ kitã lɛ pɛpɛɛpɛ.  No hewɔ lɛ, agbɛnɛ, awula, miikpa bo fai akɛ, wɔsumɔsumɔɔ wɔhe. (Jeee akɛ miiŋma bo kitã hee, shi moŋ nɔ ni wɔyɔɔ kɛjɛ shishijee lɛ.)  Ni enɛ ji suɔmɔ lɛ, akɛ wɔya nɔ wɔnyiɛ yɛ ekitãi lɛ anaa. Enɛ ji kitã lɛ, tamɔ bɔ ni nyɛnu kɛjɛ shishijee lɛ, no ji akɛ nyɛya nɔ nyɛnyiɛ yɛ suɔmɔ mli.  Ejaakɛ mɛi babaoo ni lakaa mɛi eba je lɛ mli, mɛi ni ejajeee amɛtsɔɔɔ akɛ Yesu Kristo ba yɛ heloo mli lɛ. Mɔ nɛ ji mɔlakalɔ lɛ kɛ antikristo lɛ.  Nyɛkwɛa nyɛhe nɔ jogbaŋŋ, koni nibii ní wɔtsu nii wɔná lɛ akaŋmɛɛ nyɛ, shi moŋ nyɛná juromɔnɔ muu lɛ fɛɛ.  Mɔ fɛɛ mɔ ni tɛkeɔ husu lɛ ni eyaaa nɔ ehiii Kristo lɛ tsɔɔmɔ lɛ mli lɛ, ebɛ Nyɔŋmɔ. Mɔ ni yaa nɔ ehiɔ nɛkɛ tsɔɔmɔ nɛɛ mli lɛ ji mɔ ni yɔɔ Tsɛ lɛ kɛ Bi lɛ fɛɛ. 10  Kɛ́ mɔ ko ba nyɛŋɔɔ ni ehiɛɛɛ nɛkɛ tsɔɔmɔ nɛɛ lɛ, nyɛkaherea lɛ kɛbaa nyɛshĩai amli, ni nyɛkaŋaa lɛ tete. 11  Ejaakɛ mɔ ni ŋaa lɛ lɛ, ekɛ lɛ náa gbɛfaŋnɔ yɛ enitsumɔi fɔji lɛ amli. 12  Miyɛ nibii pii ni maŋma nyɛ moŋ, shi misumɔɔɔ akɛ mikɛ wolo kɛ iŋki ŋmaa, moŋ lɛ mihiɛ kã nɔ akɛ maba nyɛŋɔɔ ní mikɛ nyɛ abawie hiɛ kɛ hiɛ, koni nyɛmiishɛɛ lɛ ayi obɔ. 13  Onyɛmi yoo ni ahala lɛ lɛ bii lɛ miiŋa bo.

Shishigbɛ Niŋmaa

Aloo “Asafoŋ onukpa lɛ.”