Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ

ŊMALƐ KRƆŊKRƆŊ LƐ—JEŊ HEE SHISHITSƆƆMƆ

2 Timoteo 4:1-22

4  Mikɛ hiɛdɔɔ miifã bo yɛ Nyɔŋmɔ kɛ Kristo Yesu, mɔ ni baakojo hiɛkãalɔi kɛ gbohii lɛ ahiɛ, kɛ agbɛnɛ hu, kɛtsɔ ekpojiemɔ kɛ e-Maŋtsɛyeli lɛ nɔ akɛ:  Shiɛmɔ wiemɔ lɛ; ohe atswa shi kɛtsu be fɛɛ be, bei ni hi jio, jaramɔ bei jio; kunemɔ,* kã hiɛ, wiemɔ otsɔɔ, yɛ tsuishitoo kɛ nitsɔɔmɔ he ŋaa fɛɛ mli.  Ejaakɛ be ko baaba ní amɛnáŋ tsɔɔmɔ ni hãa mɔ náa hewalɛ* lɛ he tsui, shi moŋ, amɛbaabua tsɔɔlɔi anaa amɛwo amɛhe yɛ amɛ diɛŋtsɛ amɛkɔnɔi lɛ anaa koni ata amɛtoiiaŋ ahã amɛ.*  Amɛbaakpa anɔkwale lɛ toiboo, ni amɛkɛ amɛjwɛŋmɔ baaya adesãi moŋ anɔ.  Shi bo lɛ, hã ohiɛ ahi ohe nɔ yɛ nibii fɛɛ mli, fi shi yɛ shihilɛ ni mli wa mli, tsu sane kpakpa shiɛlɔ nitsumɔ lɛ,* tsu osɔɔmɔ lɛ he nii kɛmɔ shi kwraa.  Ejaakɛ mi lɛ, aafɔse mi tamɔ dãa afɔle aashwie shi momo, ni be ni akɛbaajie mi lɛ eshɛ etã.  Ta kpakpa lɛ, miwu; foidamɔ lɛ, mida migbe naa; hemɔkɛyeli lɛ, mihiɛ mli.  Kɛjɛ be nɛɛ nɔ kɛyaa lɛ, nɔ ni eshwɛ ni kã shi hã mi ji jalɛ akekere lɛ, nɔ ni Nuŋtsɔ lɛ, jalɛ kojolɔ lɛ, kɛbaahã mi akɛ juromɔnɔ yɛ nakai gbi lɛ nɔ lɛ, kɛ̃lɛ jeee mi pɛ ebaahã, shi moŋ mɛi fɛɛ ni sumɔɔ ekpojiemɔ lɛ hu.  Bɔɔ mɔdɛŋ fɛɛ ni ooonyɛ ní oba miŋɔɔ oya. 10  Ejaakɛ Dema eshi mi etee Tesalonika, akɛni esumɔɔ shihilɛ gbɛjianɔtoo ni yɔɔ amrɔ nɛɛ* hewɔ, Kreske etee Galatia, ni Tito etee Dalmatia. 11  Luka pɛ kɛ mi yɔɔ. Ŋɔɔ Marko ofata ohe kɛba, ejaakɛ eyeɔ ebuaa mi yɛ sɔɔmɔ lɛ mli. 12  Shi Tihiko lɛ, mitsu lɛ Efeso. 13  Kɛ́ ooba lɛ, ŋɔɔ fɛ̃i beiaŋ hehaanɔ ní mishi yɛ Troia yɛ Karpo ŋɔɔ lɛ kɛba, kɛ wolokpoi* lɛ hu, titri lɛ, nɔ ni akɛ kooloi ahewoji ní aŋmaa nii yɛ nɔ fee lɛ.* 14  Aleksandro, akɔɔble sɔ̃lɔ lɛ, ye mi awui waa. Yehowa* baato lɛ najiaŋ yɛ enitsumɔi lɛ anaa. 15  Bo hu, esa akɛ okwɛ ohe nɔ jogbaŋŋ yɛ ehe, ejaakɛ ete shi ewo wɔsane lɛ waa diɛŋtsɛ. 16  Mi-klɛŋklɛŋ naajiemɔ lɛ mli lɛ, mɔ ko mɔ ko eyawaaa mi, shi moŋ amɛ fɛɛ amɛshi mi—akabu enɛ afɔ̃ amɛnɔ. 17  Shi Nuŋtsɔ lɛ damɔ mimasɛi ni ewo mi hewalɛ, koni atsɔ minɔ atsu shiɛmɔ nitsumɔ lɛ kɛmɔ shi kwraa, ní jeŋmaji lɛ fɛɛ anu; ni ajie mi yɛ jata lɛ daaŋ. 18  Nuŋtsɔ lɛ baajie mi kɛjɛ nitsumɔ fɔŋ fɛɛ nitsumɔ fɔŋ mli, ni ebaahere miyiwala kɛya eŋwɛi Maŋtsɛyeli lɛ mli. Lɛ aŋɔ anunyam ahã kɛya naanɔi anaanɔ. Amen. 19  Ŋa Priska kɛ Akwila kɛ Onesiforo shĩabii lɛ ohã mi. 20  Erasto yɛ Korinto lolo, shi Trofimo lɛ, mishi lɛ yɛ Mileto ní ehe miiye. 21  Bɔɔ mɔdɛŋ fɛɛ ni ooonyɛ ní oba dani fɛ̃i be lɛ ashɛ. Eubulo miiŋa bo, ni Pude kɛ Lino kɛ Klaudia kɛ nyɛmimɛi lɛ fɛɛ hu miiŋa bo. 22  Nuŋtsɔ lɛ kɛ mumɔ ni ojieɔ lɛ kpo lɛ ahi shi. Eduromɔ lɛ kɛ nyɛ ahi shi.

Shishigbɛ Niŋmaa

Aloo “jajemɔ mɛi.”
Aloo “ní tsaa mɔ; ní sɛɛnamɔ yɔɔ he.”
Aloo “koni akɛɛ amɛ nɔ ni amɛtaoɔ amɛnu.”
Aloo “yaa nɔ oshiɛ sane kpakpa lɛ.”
Aloo “yinɔ ni yɔɔ amrɔ nɛɛ.” Kwɛmɔ Wiemɔi Titrii Amligbalamɔ lɛ.
Woji kakadaji ni akotaa awoɔ tso he.
Ni tsɔɔ akɛ, wolokpoi ni akɛ kooloi ahewoji fee lɛ.
Kwɛmɔ Wiemɔi Titrii Amligbalamɔ lɛ.