Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ

ŊMALƐ KRƆŊKRƆŊ LƐ—JEŊ HEE SHISHITSƆƆMƆ

2 Tesalonikabii 1:1-12

1  Paulo, Silvano,* kɛ Timoteo kɛyahã Tesalonikabii asafo ní kɛ Nyɔŋmɔ, ni ji wɔ-Tsɛ lɛ, kɛ Nuŋtsɔ Yesu Kristo efee ekome lɛ:  Duromɔ kɛ toiŋjɔlɛ ni jɛ Nyɔŋmɔ, ni ji Tsɛ lɛ, kɛ Nuŋtsɔ Yesu Kristo dɛŋ lɛ ahã nyɛ.  Nyɛmimɛi, sɔ̃ kã wɔnɔ akɛ wɔdaa Nyɔŋmɔ shi be fɛɛ be yɛ nyɛhewɔ. Enɛ sa jogbaŋŋ, ejaakɛ nyɛhemɔkɛyeli lɛ miida naakpa, ni suɔmɔ ni nyɛteŋ mɔ fɛɛ mɔ kɛsumɔɔ enyɛmi lɛ miifa kɛmiiya nɔ.  Enɛ hewɔ lɛ, wɔ diɛŋtsɛ wɔkɛ nyɛ shiɔ wɔtsitsi yɛ Nyɔŋmɔ asafoi lɛ amli, yɛ nyɛshifimɔ kɛ nyɛhemɔkɛyeli yɛ yiwai kɛ shihilɛi ni mli wawai* ni nyɛtsɔɔ mli* lɛ fɛɛ mli lɛ hewɔ.  Enɛ ji odase ni tsɔɔ Nyɔŋmɔ jalɛ kojomɔ ní hãa abuɔ nyɛ mɛi ni sa Nyɔŋmɔ Maŋtsɛyeli lɛ, nɔ ni yɛ anɔkwale mli lɛ, nyɛnaa nɔ yɛ he lɛ.  Nɔ hewɔ ni enɛ baa lɛ nakai ji akɛ, eja yɛ Nyɔŋmɔ gbɛfaŋ akɛ ekɛ amanehulu ato mɛi ni hãa nyɛnaa amanehulu lɛ najiaŋ.  Shi nyɛ mɛi ni nyɛnaa amanehulu lɛ, abaahã nyɛ kɛ wɔ fɛɛ aná hejɔlɛ, be ni abaajie Nuŋtsɔ Yesu kpo kɛaajɛ ŋwɛi ní ebɔfoi ni yɔɔ hewalɛ lɛ fata ehe lɛ  yɛ la ni tsoɔ mli, be ni etɔɔ mɛi ni leee Nyɔŋmɔ kɛ mɛi ni booo wɔ-Nuŋtsɔ Yesu he sane kpakpa lɛ toi lɛ ahe owele lɛ.  Mɛi nɛɛ baaná toigbalamɔ ni ji naanɔ hiɛkpatamɔ ní baajie amɛ kɛje Nuŋtsɔ lɛ hiɛ kɛ agbɛnɛ hu kɛje ehewalɛ lɛ anunyam lɛ he, 10  be ni ebaaba koni awo ehiɛ nyam yɛ emɛi krɔŋkrɔŋi lɛ agbɛfaŋ, ní mɛi fɛɛ ni jie hemɔkɛyeli kpo lɛ anaa akpɛ amɛhe yɛ ehewɔ yɛ nakai gbi lɛ nɔ lɛ, ejaakɛ nyɛná hemɔkɛyeli yɛ odase ní wɔye yɛ nyɛteŋ lɛ mli. 11  Enɛ nɔŋŋ hewɔ lɛ, wɔsɔleɔ wɔhãa nyɛ be fɛɛ be koni wɔ-Nyɔŋmɔ lɛ abu nyɛ akɛ nyɛsa etsɛmɔ lɛ, ní ekɛ ehewalɛ lɛ atsu nibii kpakpai fɛɛ ní saa ehiɛ lɛ kɛmɔ shi, ní egbe hemɔkɛyeli nitsumɔ fɛɛ hemɔkɛyeli nitsumɔ naa. 12  Enɛ baahã awo wɔ-Nuŋtsɔ Yesu hiɛ nyam yɛ nyɛmli, ní nyɛ hu nyɛhiɛ aba nyam yɛ ekome ni nyɛ kɛ lɛ efee lɛ hewɔ, yɛ wɔ-Nyɔŋmɔ lɛ kɛ Nuŋtsɔ Yesu Kristo duromɔ lɛ naa.

Shishigbɛ Niŋmaa

Atsɛɔ lɛ Sila hu.
Aloo “amanehului.”
Aloo “nyɛfiɔ shi yɛ mli.”