Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Iɛ yɛ Biɛ

ŊMALƐ KRƆŊKRƆŊ LƐ—JEŊ HEE SHISHITSƆƆMƆ

2 Korintobii 3:1-18

3  Ani wɔsaa wɔbɔi wɔhe yijiemɔ? Aloo, tamɔ eji yɛ mɛi komɛi agbɛfaŋ lɛ, ani esa akɛ wɔhiɛ yijiemɔ woji kɛbahã nyɛ aloo nyɛhã wɔ woji nɛɛ eko?  Nyɛ diɛŋtsɛ ji wɔwolo ni aŋma yɛ wɔtsuii anɔ ni gbɔmɛi fɛɛ le ni amɛkaneɔ.  Ejaakɛ ajie nyɛ faŋŋ atsɔɔ akɛ nyɛji Kristo wolo ní wɔ akɛ sɔɔlɔi lɛ, wɔŋma, jeee kɛ iŋki, shi moŋ kɛ Nyɔŋmɔ hiɛkãalɔ lɛ mumɔ lɛ, jeee yɛ tɛ taoi anɔ, shi moŋ yɛ heloo taoi anɔ, yɛ tsuii anɔ.  Kɛtsɔ Kristo lɛ nɔ lɛ, wɔyɛ nɔmimaa nɛɛ yɛ Nyɔŋmɔ gbɛfaŋ.  Jeee akɛ wɔ diɛŋtsɛ lɛ wɔsa jogbaŋŋ akɛ wɔɔsusu akɛ nɔ ko jɛ wɔŋɔɔ, shi moŋ sa ni wɔsa jogbaŋŋ lɛ, Nyɔŋmɔ ŋɔɔ ejɛ,  mɔ ni yɛ anɔkwale mli lɛ, ehã wɔsa jogbaŋŋ akɛ kpaŋmɔ hee ko he sɔɔlɔi, jeee mla ni aŋma he sɔɔlɔi, shi moŋ mumɔ lɛ he sɔɔlɔi; ejaakɛ mla ni aŋma lɛ buɔ mɔ fɔ kɛyaa gbele mli, shi mumɔ lɛ hãa wala.  Agbɛnɛ, kɛ́ mla ni kɛ gbele baa ní akpɛ́ yɛ tɛi anɔ yɛ niŋmaa okadii amli lɛ ba yɛ anunyam ni tamɔ nɛkɛ mli aahu akɛ Israelbii lɛ nyɛɛɛ Mose hiɛ akwɛ yɛ ehiɛ anunyam, ni ji anunyam ni sɛɛ baafo lɛ hewɔ lɛ,  ani mumɔ lɛ sɔɔmɔ lɛ hiɛ baŋ nyam babaoo fe no?  Ejaakɛ kɛ́ mla ni kɛ fɔbuu baa lɛ hiɛ ba nyam lɛ, belɛ jalɛ sɔɔmɔ lɛ hiɛ yɛ nyam kwraa fe no! 10  Anɔkwa, nɔ ni be ko ni eho lɛ awo ehiɛ nyam po lɛ, ajie enunyam lɛ yɛ ehe yɛ anunyam ní fe no lɛ hewɔ. 11  Ejaakɛ kɛ́ akɛ nɔ ni sɛɛ baafo lɛ ba yɛ anunyam mli lɛ, belɛ nɔ ni hiɔ shi lɛ anunyam lɛ fe no kwraa! 12  Akɛni wɔyɛ hiɛnɔkamɔ ni tamɔ nɛkɛ hewɔ lɛ, wɔwieɔ kɛ nɔmimaa babaoo, 13  ni wɔfeee nɔ ni Mose fee be ni ekɛ hiɛhaanɔ ha ehiɛ koni Israelbii lɛ akakwɛ nɔ ni sɛɛ baafo lɛ naagbee lɛ gãa lɛ. 14  Shi amɛjwɛŋmɔi gboi. Ejaakɛ kɛbashi ŋmɛnɛ gbi nɛɛ, kɛ́ aakane kpaŋmɔ momo lɛ, nakai hiɛhaanɔ lɛ yɛ lolo ni ajieko, ejaakɛ Kristo nɔ pɛ atsɔɔ ajieɔ kɛyaa. 15  Anɔkwa, kɛbashi ŋmɛnɛ gbi nɛɛ, be fɛɛ be ni akaneɔ Mose lɛ, hiɛhaanɔ ha amɛtsuii anɔ. 16  Shi kɛ́ mɔ ko kpale kɛba Yehowa* ŋɔɔ lɛ, ajieɔ hiɛhaanɔ lɛ kɛyaa. 17  Agbɛnɛ, Yehowa* ji Mumɔ lɛ, ni he ni Yehowa* mumɔ lɛ yɔɔ lɛ, jɛmɛ heyeli yɔɔ. 18  Ni wɔ fɛɛ lɛ, ahako wɔhiɛ, ni wɔtamɔ ashwishwɛi ni hãa anaa Yehowa* anunyam lɛ. Ni be mli ni wɔfeɔ nakai lɛ, atsakeɔ wɔ hu awoɔ nakai henɔ lɛ nɔŋŋ mli kɛjɛɔ anunyam kome mli kɛyaa anunyam kroko ní fe klɛŋklɛŋ nɔ lɛ mli,* tamɔ bɔ pɛ ni Yehowa,* ni ji Mumɔ lɛ feɔ lɛ.*

Shishigbɛ Niŋmaa

Kwɛmɔ Wiemɔi Titrii Amligbalamɔ lɛ.
Kwɛmɔ Wiemɔi Titrii Amligbalamɔ lɛ.
Kwɛmɔ Wiemɔi Titrii Amligbalamɔ lɛ.
Kwɛmɔ Wiemɔi Titrii Amligbalamɔ lɛ.
Sht. ŋm., “kɛjɛɔ anunyam mli kɛyaa anunyam mli.”
Kwɛmɔ Wiemɔi Titrii Amligbalamɔ lɛ.
Aloo eeenyɛ efee akɛ, “tamɔ bɔ pɛ ni Yehowa mumɔ lɛ feɔ lɛ.”