Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

JW.ORG WƐBSAITI

Bɔ ni Obaafee Ona Enɔ Nibii lɛ yɛ Wiemɔ Kroko Mli

Bɔ ni Obaafee Ona Enɔ Nibii lɛ yɛ Wiemɔ Kroko Mli

Kɛ́ ookase wiemɔ ko, aloo obaasumɔ ni okɛ jw.org lɛ nɔ sane ko ahã mɔ ko ni wieɔ wiemɔ kroko lɛ, esa akɛ okɛ gbɛi srɔtoi etɛ ni atsɔɔ yɛ shishigbɛ nɛɛ mli ekome atsu nii; ebaahã ona jw.org lɛ nɔ nibii lɛ yɛ wiemɔ ni osumɔɔ mli.

 Tsakemɔ Saiti lɛ Nɔ Wiemɔ lɛ Kɛya Wiemɔ Kroko Mli

Klikimɔ Halamɔ Wiemɔ okadi lɛ nɔ, bei pii lɛ obaana yɛ saiti lɛ nɔ ninejurɔ ŋwɛigbɛ; ebaahã ona wiemɔi fɛɛ ni yɔɔ jw.org lɛ nɔ.

Wiemɔi lɛ eko fɛɛ eko ni obaana lɛ yɛ okadii ni nyiɛ sɛɛ nɛɛ ateŋ ekome yɛ abɛkugbɛ:

  • Atsɔɔ wɛbsaiti lɛ, aloo kɛhooo kwraa lɛ efã ko shishi yɛ wiemɔ nɛɛ mli. Klikimɔ wiemɔi lɛ ateŋ nɔ ni osumɔɔ kɛfee osaiti lɛ nɔ wiemɔ.

  • Atsɔko wɛbsaiti lɛ shishi yɛ wiemɔ nɛɛ mli, kɛ̃lɛ ayɛ woji kɛ nibii yɛ wiemɔ nɛɛ mli ni obaanyɛ oŋɔ eko. Klikimɔ wiemɔ lɛ koni ona woji kɛ nibii ni yɔɔ wiemɔ nɛɛ mli.

  • Mumuii awiemɔ nɛ.

    Kɛ́ atsɔɔ jw.org lɛ fã ko shishi yɛ mumuii awiemɔ ni ohala lɛ mli lɛ, belɛ nakai wiemɔ lɛ baatsɔ osaiti lɛ nɔ wiemɔ ni ohala.

    Kɛ́ atsɔko jw.org lɛ shishi yɛ mumuii awiemɔ ni ohala lɛ mli lɛ, obaana woji kɛ nibii ni yɔɔ nakai mumuii awiemɔ ni ohala lɛ mli.

Akɛni obaana wiemɔi ohai abɔ hewɔ lɛ, okɛ nibii ni nyiɛ sɛɛ nɛɛ ateŋ ekome atsu nii kɛtao wiemɔ ni osumɔɔ lɛ koni ekatɔ bo kwraa:

  • Halamɔ wiemɔ ni osumɔɔ: Kɛ́ okliki Halamɔ Wiemɔ okadi lɛ, obaana wiemɔi ni ohala nyɛsɛɛ nɛɛ ateŋ ejwɛ yɛ ŋwɛigbɛ.

  • Taipimɔ wiemɔ lɛ gbɛ́i: Taipimɔ wiemɔ lɛ gbɛ́i mli niŋmai lɛ fioo yɛ owiemɔ lɛ mli aloo yɛ wiemɔ ni otaoɔ lɛ mli. Ákɛ nɔkwɛmɔnɔ lɛ, kɛ́ osaiti lɛ wiemɔ ji Blɔfo (English) lɛ, ni ootao otsake kɛya German wiemɔ mli lɛ, obaanyɛ otaipi “German” loo “Deutsch.” Kɛ́ obɔi taipimɔ nɔŋŋ lɛ, etseɔ wiemɔi ni yɔɔ shishigbɛ lɛ anɔ, ni eshwɛɔ fioo ko pɛ ni obaahala wiemɔ ni otaoɔ lɛ yɛ mli.

 Tsakemɔ Saiti lɛ Nɔ Sane ni Okaneɔ lɛ Kɛya Wiemɔ Kroko Mli

Gbɛ 1: Okɛ enɛ atsu nii yɛ saiti lɛ nɔ hei ni aŋma Kanemɔ Yɛ lɛ.

Klikimɔ sane ni otaoɔ okane loo okɛmaje mɔ ko lɛ. No sɛɛ lɛ, klikimɔ he ni aŋma Kanemɔ Yɛ lɛ kɛhala wiemɔ ni otaoɔ lɛ, koni ona sane lɛ yɛ nakai wiemɔ lɛ mli. (Kɛ́ okliki Kanemɔ Yɛ, ni onaaa wiemɔ ni otaoɔ lɛ yɛ wiemɔi ni je kpo lɛ amli lɛ, no tsɔɔ akɛ, amrɔ nɛɛ akalako sane lɛ yɛ wiemɔ ni otaoɔ lɛ mli.)

Kaimɔ Akɛ: Kɛ́ okliki Kanemɔ Yɛ, ni ona hɛdfoŋ okadi yɛ wiemɔi lɛ ekomɛi abɛkugbɛ lɛ, no tsɔɔ akɛ arikɔdi sane lɛ yɛ nakai wiemɔi lɛ amli bɔ ni obaanyɛ otswa ni obo toi.

Kɛ́ ogbele sane ko, ni sɛɛ mli lɛ okliki Kanemɔ Yɛ, kɛhala wiemɔ kroko lɛ, sane lɛ pɛ baatsake kɛya wiemɔ ni ohala lɛ mli. Saiti lɛ nɔ saji krokomɛi lɛ tsakeŋ.

Gbɛ 2: Kɛ́ ookane sane ko, shi onaaa he ko ni aŋma Kanemɔ Yɛ, ni obaakliki kɛtsake wiemɔ lɛ, no lɛ kwɛmɔ saiti lɛ ninejurɔ ŋwɛigbɛ koni okliki Saiti lɛ Wiemɔ kɛhala wiemɔ ni obaasumɔ ni ona sane lɛ yɛ mli. Kɛ́ sane ni okaneɔ lɛ yɛ wiemɔ ni ohala lɛ mli lɛ, obaana. Kɛ́ sane lɛ bɛ wiemɔ ni ohala lɛ mli lɛ, akɛ bo baaya wiemɔ ni ohala lɛ wɛbsaiti lɛ shishijee.

 Bɔ ni Obaafee Ona Woji kɛ Nibii yɛ Wiemɔ Kroko Mli

KLIKIMƆ WOJI KƐ NIBII > NIBII NI AKƐWO NƆ. Klikimɔ he ni aŋma Miitao lɛ kɛhala wiemɔ ni osumɔɔ, koni okliki Taomɔ.

Okɛ nibii ni nyiɛ sɛɛ nɛɛ ateŋ ekome atsu nii kɛtao wiemɔ ni osumɔɔ lɛ koni ekatɔ bo kwraa:

  • Halamɔ wiemɔ ni osumɔɔ: Kɛ́ okliki Halamɔ Wiemɔ okadi lɛ, obaana wiemɔi ni ohala nyɛsɛɛ nɛɛ ateŋ ejwɛ yɛ ŋwɛigbɛ.

  • Taipimɔ wiemɔ lɛ gbɛ́i: Taipimɔ wiemɔ lɛ gbɛ́i mli niŋmai lɛ fioo yɛ owiemɔ lɛ mli, aloo yɛ wiemɔ ni otaoɔ lɛ mli. Ákɛ nɔkwɛmɔnɔ lɛ, kɛ́ osaiti lɛ wiemɔ ji Blɔfo (English) lɛ, ni ootao ona woji kɛ nibii yɛ German wiemɔ mli lɛ, obaanyɛ otaipi “German” loo “Deutsch.” Kɛ́ obɔi taipimɔ nɔŋŋ lɛ, etseɔ wiemɔi ni yɔɔ shishigbɛ lɛ anɔ, ni eshwɛɔ fioo ko pɛ ni obaahala wiemɔ ni otaoɔ lɛ yɛ mli.

Kɛ́ ayɛ woji kɛ nibii pii yɛ wiemɔ ni ohala lɛ mli lɛ, obaana fioo ko pɛ yɛ fã ni ji NIBII NI AKƐWO NƆ lɛ. Kɛ́ ootao ona woji kɛ nibii krokomɛi yɛ wiemɔ ni ohala lɛ mli lɛ, klikimɔ NIBII NI AKƐWO NƆ lɛ shishi nibii lɛ eko nɔ, (eko ji WOJI KƐ WOJI BIBII loo MAGAZIN) koni ona woji kɛ nibii krokomɛi ni ayɔɔ yɛ wiemɔ ni ohala lɛ mli lɛ.

Kɛ́ wolo loo nɔ ni otaoɔ lɛ eko bɛ wiemɔ ni ohala lɛ mli lɛ, abaatsɔɔ bo he ko ni kɛ́ okliki lɛ, obaaná woji loo nibii krokomɛi yɛ wiemɔ ni ohala lɛ mli.