Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

JW.ORG WƐBSAITI

Bɔ ni Obaafee Ona Woji kɛ Nibii ni Otaoɔ

Bɔ ni Obaafee Ona Woji kɛ Nibii ni Otaoɔ

Ayɛ nibii ohai abɔ yɛ jw.org lɛ nɔ fã ni ji WOJI KƐ NIBII lɛ; nibii nɛɛ ji woji ni abaanyɛ akane yɛ henɔi srɔtoi amli, woji kɛ nibii ni abaanyɛ atswa abo toi, kɛ vidioi. Okɛ gbɛtsɔɔmɔi ni nyiɛ sɛɛ nɛɛ atsu nii kɛna woji loo nibii ni otaoɔ lɛ.

 Bɔ ni Obaafee Okɛ Saneyitso Pɔtɛɛ ko Atao Woji kɛ Nibii

Kɛ́ ole wolo lɛ saneyitso muu lɛ fɛɛ loo efã ko lɛ, nyiɛmɔ gbɛtsɔɔmɔ ni yɔɔ shishi nɛɛ sɛɛ kɛtao lɛ oya.

Yaa WOJI KƐ NIBII > WOJI KƐ WOJI BIBII.

  • Klikimɔ he ni aŋma Nibii Fɛɛ lɛ, koni otaipi wolo ni otaoɔ lɛ saneyitso lɛ mli wiemɔ ko. Ákɛ nɔkwɛmɔnɔ lɛ, kɛ́ ootao Biblia lɛ Tsɔɔ wolo lɛ, taipimɔ “tsɔɔ.” Obaana woji pɛ ni wiemɔ ni ji “tsɔɔ” yɔɔ amɛgbɛ́i amli. Halamɔ wolo ni otaoɔ lɛ saneyitso lɛ.

  • Klikimɔ Taomɔ.

 Bɔ ni Obaafee Ona Magazin Pɔtɛɛ ko ni Otaoɔ

Yaa WOJI KƐ NIBII > MAGAZIN.

Kɛ́ fã nɛɛ gbele lɛ, obaana Awake! Buu-Mɔɔ lɛ (Maŋbii anɔ lɛ) ehei kwraa srɔtoi ejwɛ yɛ ŋwɛigbɛ. (Amrɔ nɛɛ abɛ Awake! yɛ Ga wiemɔ mli); no sɛɛ lɛ obaana Buu-Mɔɔ ni ji Nikasemɔ Nɔ lɛ kpaanyɔ. (Yɛ wiemɔi komɛi amli lɛ, obaana Nikasemɔ Nɔ lɛ henɔ kroko yɛ wiemɔ ni yɔɔ mlɛo mli.) Kɛ́ ootao magazin pɔtɛɛ ko lɛ, okɛ gbɛtsɔɔmɔi ni nyiɛ sɛɛ nɛɛ atsu nii:

  • Halamɔ magazin henɔ ni otaoɔ lɛ kɛ afi lɛ yɛ he ni aŋma Taomɔ lɛ masɛi.

  •   Klikimɔ he ni aŋma Taomɔ lɛ.

Bɔ ni Obaafee Ona Henɔi Srɔtoi Amli ni Wolo ko Yɔɔ

Woji kɛ nibii lɛ pueɔ yɛ gbɛi srɔtoi enyɔ nɔ—liamɔi ejwɛ ejwɛ kɛ liamɔ kome kɛyi shi.

Klikimɔ Ejwɛ Ejwɛ kɛna woji kɛ nibii lɛ ni ato naa liamɔi ejwɛ ejwɛ. Nakai ji bɔ ni obaana lɛ be fɛɛ be ni obaaya saiti lɛ nɔ.

Ejwɛ Ejwɛ lɛ hãa onaa wolo lɛ sɛɛ, okadii ni aklikiɔ kɛŋɔɔ nibii lɛ, kɛ wolo loo nibii lɛ eko fɛɛ eko saneyitso. Okɛ omaus lɛ anyiɛ okadii ni aklikiɔ kɛŋɔɔ nibii lɛ anɔ (aloo nyɛɛ nɔ yɛ omobail foŋ loo ehenɔ lɛ nɔ) koni ona wolo lɛ henɔi fɛɛ ni yɔɔ (nɔ ni akaneɔ aloo atswaa aboɔ toi).

Klikimɔ Liamɔ Kome Kɛyi Shi okadi lɛ kɛtsake nibii lɛ apuemɔ.

Liamɔ Kome Kɛyi Shi lɛ hãa onaa woji kɛ nibii lɛ ahenɔi srɔtoi fɛɛ ni yɔɔ.

Afee woji lɛ ekomɛi hu yɛ henɔi krokomɛi amli, tamɔ niŋmai agboi nɛkɛ. Klikimɔ wolo lɛ henɔ (ekolɛ PDF lɛ) kɛna eniŋmai agboi lɛ kɛ bɔ ni ebaa daa lɛ. Klikimɔ emli nɔ ni osumɔɔ kɛŋɔ eko.

 Bɔ ni Obaafee Okɛ Wolo ko Mli Sane Pɔtɛɛ ko Atao Wolo Lɛ

Kɛ́ afee wolo ko bɔ ni abaanyɛ akane tɛɛ yɛ wɛb saiti lɛ nɔ lɛ, okɛ Saiti lɛ Nɔ Nitaomɔ lɛ atsu nii kɛtao saneyitso ni sane ni otaoɔ lɛ wieɔ he lɛ.

Klikimɔ Taomɔ okadi lɛ. Ebaagbele adeka ko koni otaipi wiemɔ loo sane ni otaoɔ lɛ, no sɛɛ lɛ klikimɔ Taomɔ okadi lɛ. Kɛ́ ole wiemɔi pɔtɛɛ komɛi yɛ sane ni otaoɔ lɛ mli lɛ, taipimɔ fɛɛ. Enɛ baahã ona saneyitso loo sane mli ni nɔ pɔtɛɛ ni otaoɔ lɛ yɔɔ yɛ nibii ni baapue lɛ amli.

Obaanyɛ okɛ gbɛtsɔɔmɔi ni nyiɛ sɛɛ nɛɛ atsu nii kɛgbɔ nibii ni baaje kpo lɛ anɔ:

  • Klikimɔ Mɛni Hu Matsɔɔ? aloo Nibii Kroko Hu ni Manyɛ Matsɔɔ.

  • Kwɛmɔ he ni aŋma Ato Naa lɛ shishi, halamɔ Woji kɛ Nibii.

  • Klikimɔ Taomɔ.