Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

JW LIBRARY

Bɔ ni Obaafee Oŋɔ Woji kɛ Nibii kɛ Bɔ ni Obaato Amɛhe Gbɛjianɔ—Kɛhã Android

Bɔ ni Obaafee Oŋɔ Woji kɛ Nibii kɛ Bɔ ni Obaato Amɛhe Gbɛjianɔ—Kɛhã Android

Ayɛ woji, broshuɔi, trati, kɛ vidioi ohai abɔ ni obaanyɛ okane loo okwɛ yɛ JW Library lɛ nɔ kɛ́ obɛ Intanɛt lɛ nɔ po.

Nyiɛmɔ gbɛtsɔɔmɔi nɛɛ asɛɛ koni ona bɔ ni obaafee oŋɔ woji kɛ nibii, kɛ bɔ ni obaafee oto amɛhe gbɛjianɔ:

 Bɔ ni Obaafee Oŋɔ Woji kɛ Nibii

Kɛ́ oyɛ Intanɛt lɛ nɔ lɛ, obaanyɛ oŋɔ woji kɛ nibii ni osumɔɔ owo omobail foŋ loo tablɛt lɛ nɔ koni okane loo okwɛ sɛɛ mli kɛ́ obɛ Intanɛt lɛ nɔ.

  • Nyɛɛ ofoŋ loo tablɛt lɛ abɛkugbɛ kɛba ninejurɔgbɛ, ni onyɛ Publications lɛ nɔ koni ona woji kɛ nibii lɛ.

  • Nyɛɛ Languages (Wiemɔi) okadi lɛ nɔ koni ona wiemɔi fɛɛ ni afee woji kɛ nibii yɛ mli lɛ. Halamɔ wiemɔ ni osumɔɔ. Bei pii lɛ, obaana wiemɔi ni okɛfɔɔ nitsumɔ lɛ yɛ ŋwɛigbɛ. Aloo obaanyɛ otaipi wiemɔ lɛ gbɛ́i kɛtao.

Gbɛi srɔtoi yɛ ni obaanyɛ otsɔ nɔ otao woji kɛ nibii yɛ JW Library lɛ nɔ.

Fã nɛɛ, ni ji By Type lɛ, hãa onaa woji kɛ nibii yɛ wiemɔ ni ohala lɛ mli; ato naa yɛ henɔi amli, tamɔ woji, trati, loo vidioi. Ekomɛi yɛ ni kɛ́ onyɛ nɔ lɛ, obaana nibii ni yɔɔ shishi lɛ koni ohala nɔ ni otaoɔ. Eko tamɔ Buu-Mɔɔ lɛ nɛkɛ, obaana akɛ ato naa yɛ afii anaa, kɛ vidioi lɛ hu yɛ kui amli. Kɛ́ onyɛ All Types lɛ nɔ lɛ ekɛ bo baaya shishijee.

Fã ni ji What’s New lɛ hãa onaa nibii hei ni yɔɔ wiemɔ ni ohala lɛ mli ni akɛwo nɔ nyɛsɛɛ nɛɛ.

Akɛ atatu okadi ko ekadi woji kɛ nibii ni oŋɔko lɛ. Nyɛɛ wolo loo nibii lɛ eko nɔ koni oŋɔ eko. Kɛ́ oŋɔ wolo loo nibii lɛ eko owo ofoŋ loo tablɛt lɛ nɔ nɔŋŋ pɛ lɛ, atatu okadi lɛ laajeɔ. Nyɛɛ wolo lɛ nɔ ekoŋŋ koni onyɛ okane.

Fã ni ji Downloaded lɛ hãa onaa woji kɛ nibii fɛɛ ni oŋɔ owo ofoŋ loo tablɛt lɛ nɔ. Obaanyɛ oto nibii nɛɛ anaa yɛ Frequently Used (Nɔ ni Okɛfɔɔ Nitsumɔ), Rarely Used (Nɔ ni Okɛfɔɔɔ Nitsumɔ), loo Largest Size (Edalɛ) naa.

Bɔ ni Obaafee Ojie nɔ ko Kɛje Nɔ

 Kɛ́ wolo loo nibii lɛ eko he ehiaaa bo dɔŋŋ, aloo ootao oná gbɛ yɛ ofoŋ loo tablɛt lɛ nɔ lɛ, obaanyɛ ojie loo odilit yɛ nɔ.

Nyɛɛ ofoŋ loo tablɛt lɛ abɛkugbɛ kɛba ninejurɔgbɛ, ni onyɛ Publications, no sɛɛ lɛ nyɛɛ fã ni nɔ ni otaoɔ ojie lɛ yɔɔ lɛ nɔ (akɛ nɔkwɛmɔnɔ lɛ, nyɛɛ Books) koni ona nibii ni yɔɔ jɛmɛ lɛ. No sɛɛ lɛ, nyɛɛ kpɔbii etɛ nɛɛ, ni ji More, ni yɔɔ nɔ ni otaoɔ ojie lɛ naa lɛ, ni onyɛ Delete.

Kɛ́ ootao oná gbɛ saŋŋ yɛ ofoŋ loo tablɛt lɛ nɔ lɛ, obaanyɛ ojie woji kɛ nibii ni okɛfɔɔɔ nitsumɔ loo amɛdara tsɔ lɛ yɛ nɔ. Nyɛɛ ofoŋ loo tablɛt lɛ abɛkugbɛ kɛba ninejurɔgbɛ, ni onyɛ Publications. Yaa fã ni ji Downloaded lɛ; no sɛɛ lɛ nyɛɛ okadi nɛɛ nɔ, ni onyɛ Rarely Used loo Largest Size koni nomɛi abaye klɛŋklɛŋ. Jiemɔ woji loo nibii ni osumɔɔɔ dɔŋŋ lɛ yɛ nɔ.

Bɔ ni Obaafee Ona Wolo ko Kɛji Afee Tsakemɔ ko Yɛ Mli

 Yɛ be kɛ beiaŋ lɛ, abaanyɛ afee tsakemɔ fioo ko yɛ wolo ko ni oŋɔ momo lɛ mli.

Kɛ́ afee tsakemɔ ko yɛ wolo ko mli lɛ, akɛ okadi nɛɛ ni tamɔ aroi enyɔ lɛ kadiɔ lɛ. Kɛ́ onyɛ wolo lɛ nɔ lɛ, obaana sane ko ni tsɔɔ akɛ afee tsakemɔ yɛ wolo lɛ mli. Nyɛɛ Download lɛ nɔ koni oŋɔ nɔ ni afee tsakemɔ yɛ mli lɛ, aloo nyɛɛ Later lɛ nɔ koni okane nɔ ni oyɔɔ momo lɛ nɔŋŋ.

Kɛ́ ootao ona akɛ afee tsakemɔ ko yɛ woji ni oŋɔ lɛ eko mli lɛ, nyɛɛ ofoŋ loo tablɛt lɛ abɛkugbɛ kɛba ninejurɔgbɛ; nyɛɛ Publications lɛ nɔ. Kɛ́ afee tsakemɔ ko yɛ wolo lɛ eko mli lɛ, obaana fã ni ji Pending Updates. Nyɛɛ nɔ koni ona woji loo nibii fɛɛ ni afee tsakemɔi yɛ mli lɛ. Kɛ́ ootao oŋɔ ekome pɛ lɛ, nyɛɛ no nɔ, shi kɛ́ ootao oŋɔ fɛɛ lɛ, nyɛɛ okadi nɛɛ (Update All) nɔ.

Nibii nɛɛ yɛ JW Library 1.4 ni ajie lɛ kpo yɛ February 2015 lɛ mli; etsuɔ ni yɛ Android 2.3 loo nɔ ni yɛ hiɛ fe nakai lɛ nɔ. Kɛ́ onaaa nibii nɛɛ yɛ JW Library ni oyɔɔ amrɔ nɛɛ lɛ nɔ lɛ, ofainɛ ni onyiɛ gbɛtsɔɔmɔi ni atsɔɔ yɛ sane ni ji, Bɔ ni Obaafee Oná JW Library lɛ He Nibii Hei lɛ mli ni jeɔ kpo yɛ vidio ni ji “Okɛ JW Library lɛ Atsu Nii—Kɛhã Android” lɛ mli lɛ sɛɛ.