Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

JW LIBRARY

Bɔ ni Obaato He Gbɛjianɔ Kɛhã Nikanemɔ​—Kɛhã Android

Bɔ ni Obaato He Gbɛjianɔ Kɛhã Nikanemɔ​—Kɛhã Android

Ato nibii srɔtoi ahe gbɛjianɔ yɛ JW Library lɛ mli koni ehã nikanemɔ afee miishɛɛ. Kɛ́ ogbele ŋmalɛ loo sane ko ni obaakane lɛ, obaana nibii nɛɛ yɛ ŋwɛigbɛ, yɛ ninejurɔgbɛ.

Esa akɛ onyɛ kpɔbii etɛ ni ji More lɛ nɔ, koni ona nibii ni atsɔɔ nɛɛ ekomɛi.

Nyiɛmɔ gbɛtsɔɔmɔi nɛɛ asɛɛ kɛto JW LIBRARY he gbɛjianɔ kɛhã nikanemɔ:

 Tsakemɔ Wiemɔ

Obaanyɛ otsake ŋmalɛ loo sane ni okaneɔ amrɔ nɛɛ kɛya wiemɔ kroko mli.

  • Nyɛɛ Languages (Wiemɔi) okadi lɛ nɔ koni ona wiemɔi fɛɛ ni sane ni okaneɔ amrɔ nɛɛ lɛ yɔɔ mli. Obaana wiemɔi ni okɛfɔɔ nitsumɔ lɛ yɛ ŋwɛigbɛ. Kɛ́ Buu-Mɔɔ okaneɔ lɛ, kɛ́ onyɛ wiemɔ okadi lɛ nɔ lɛ, obaana Watchtower Simplified Edition lɛ hu yɛ biɛ. Obaanyɛ otaipi wiemɔ lɛ gbɛ́i hu kɛtao.

  • Obaana akɛ, akɛ atatu okadi ko ekadi wiemɔi ni oŋɔko lɛ. Nyɛɛ wiemɔi lɛ eko nɔ koni oŋɔ wolo lɛ. Kɛ́ oŋɔ wolo lɛ eko owo ofoŋ loo tablɛt lɛ nɔ nɔŋŋ pɛ lɛ, atatu okadi lɛ laajeɔ. Nyɛɛ wolo lɛ nɔ ekoŋŋ koni ogbele ni okane.

 Tsakemɔ Niŋmai lɛ Adaramɔ

Be ni okaneɔ wolo lɛ, obaanyɛ otsake niŋmai lɛ adaramɔ bɔ ni baahi ahã bo kɛhã ekanemɔ.

Nyɛɛ Text Settings (Niŋmai lɛ adaramɔ) lɛ nɔ; no sɛɛ lɛ, tsi kpɔ nɛɛ kɛya hiɛ loo sɛɛ kɛtsake niŋmai lɛ adaramɔ. Bɔ ni obaana niŋmai lɛ adaramɔ lɛ, nakai ebaapue yɛ JW Library lɛ nɔ woji lɛ fɛɛ mli.

 Hã Epue kɛ Emli Okadii Loo Niŋmai

Yɛ woji lɛ ekomɛi amli lɛ, obaanyɛ ohã saji lɛ apue kɛ emli okadii kɛ mfonirii lɛ fɛɛ, loo epue ni okadii kɛ mfonirii lɛ ekomɛi bɛ mli. Nyɛɛ okadi nɛɛ nɔ kɛtsake bɔ ni obaasumɔ ni ona lɛ ohã.

  • Hã Epue kɛ Emli Okadii: Kɛ́ otsake lɛ, ni epue ni okadii kɛ mfonirii yɛ mli lɛ, ehãa onaa lɛ bɔ ni aprinti lɛ lɛ pɛpɛɛpɛ. Mɛi komɛi baasumɔ lɛ nakai yɛ woji tamɔ lalawolo lɛ gbɛfaŋ; koni amɛna lala lɛ mli okadii kɛ gbɛtsɔɔmɔi lɛ.

  • Hã Epue kɛ Emli Niŋmai: Kɛ́ ohã epue bɔ ni okadii kɛ mfoniri bɛ mli lɛ, no lɛ obaanyɛ onyɛ ŋmalɛi lɛ anɔ, ni ona emli wiemɔi lɛ yɛ niŋmai adaramɔ ni ohala lɛ naa.

 Open in (Gbelemɔ yɛ) . . .

Fã ni ji Open in . . . lɛ hãa onyɛɔ ogbeleɔ JW Library lɛ nɔ sane ni okaneɔ lɛ yɛ he kroko hu.

Nyɛɛ Open in . . . lɛ nɔ koni ona hei krokomɛi hu ni obaanyɛ ona sane lɛ yɛ. Ákɛ nɔkwɛmɔnɔ lɛ, obaanyɛ onyɛ Open in Online Library lɛ nɔ koni egbele baafa ni okaneɔ amrɔ nɛɛ ehã bo yɛ Buu-Mɔɔ INTANƐT NƆ WOJI ATOOHE lɛ nɔ.

 Too Bibliai lɛ Ahe Gbɛjianɔ

Kɛ́ ookane wolo ko, ni onyɛ ŋmalɛ ko nɔ lɛ, ehãa onaa ŋmalɛ lɛ mli saji lɛ. Nyɛɛ Customize, ni yɔɔ ŋmalɛi lɛ ashishi lɛ nɔ koni ohala Bibliai ni oŋɔ lɛ ateŋ nɔ ni obaasumɔ ni okɛfata nɔ ni yɔɔ jɛmɛ lɛ he.

Nyɛɛ Add loo Remove ni ji okadii ni yɔɔ Bibliai lɛ anaa lɛ eko nɔ koni ejie Biblia lɛ yɛ jɛmɛ loo ekɛ eko afata he. Nyɛɛ Bibliai lɛ anɔ ni ogbala kɛbashi loo okɛya ŋwɛi ni okɛtsake bɔ ni ato naa ahã lɛ.

Kwɛmɔ vidio ni ji “Bɔ ni Obaafee Oŋɔ Bibliai ni Oto Amɛhe Gbɛjianɔ​—Kɛhã Android” lɛ koni ona bɔ ni obaafee oŋɔ Bibliai krokomɛi ofata nɔ ni oyɔɔ yɛ JW Library nɔ lɛ ahe.

Nibii nɛɛ yɛ JW Library 1.4 ni ajie lɛ kpo yɛ February 2015 lɛ mli; etsuɔ ni yɛ Android 2.3 loo nɔ ni yɛ hiɛ fe nakai lɛ nɔ. Kɛ́ onaaa nibii nɛɛ yɛ JW Library ni oyɔɔ amrɔ nɛɛ lɛ nɔ lɛ, ofainɛ ni onyiɛ gbɛtsɔɔmɔi ni atsɔɔ yɛ sane ni ji, Bɔ ni Obaafee Oná JW Library lɛ He Nibii Hei lɛ mli ni jeɔ kpo yɛ vidio ni ji “Okɛ JW Library lɛ Atsu Nii​—Kɛhã Android” lɛ mli lɛ sɛɛ.