Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

Bɔ Ni Wɔkɛ Mɛi Ahe Saji Tsuɔ Nii Wɔhãa Yɛ Jeŋ Fɛɛ

Bɔ Ni Wɔkɛ Mɛi Ahe Saji Tsuɔ Nii Wɔhãa Yɛ Jeŋ Fɛɛ

BƆ NI WƆKƐ MƐI AHE SAJI TSUƆ NII WƆHÃA

Wɛbsait nɛɛ nɔ hei babaoo yɛ ni obaanyɛ oya ni ehe ehiaaa ni orɛjista dã, loo okɛ ohe sane ko awo nɔ kɛhã wɔ. Kɛ̃lɛ, hei komɛi yɛ sait nɛɛ nɔ ni mɛi ni erɛjista, mɛi ni biɔ ni afee nɔ ko ahã amɛ, mɛi ni kɛ aplikeshiŋ fɔm loo gbɛbimɔ woji majeɔ, loo mɛi ni Yehowa Odasefoi asafo ko tsɔɔ jw.org lɛ nɔ ekɛ amɛhe saji majeɔ lɛ pɛ baanyɛ aya jɛmɛ. Ja wɔhã ole ni okpɛlɛ nɔ dani wɔbaanyɛ wɔkɛ ohe saji lɛ afee nɔ ko. Yɛ shihilɛi komɛi amli lɛ, kɛ́ sɛɛ mli lɛ otsake yiŋ ni okpɛ lɛ, wɔbaanyɛ wɔdamɔ mla naa hegbɛ ni wɔyɔɔ lɛ nɔ wɔya nɔ wɔkɛ ohe saji lɛ atsu nii, kɛ́ no kɛ mla naa taomɔ nii kpãa gbee.

Akɛ ohe saji ni okɛwoɔ wɛbsait nɛɛ nɔ lɛ tsuɔ nibii ni akɛɛ bo akɛ akɛbaatsu he nii be ni okɛwoɔ nɔ lɛ pɛ he nii. Nibii nɛɛ ekomɛi nyiɛ sɛɛ nɛɛ:

Akaunt. Be ni ogbeleɔ akaunt yɛ wɛbsait nɛɛ nɔ lɛ, e-mail adrɛs ni okɛhã wɔ lɛ nɔ wɔbaatsɔ wɔkɛ bo ashãra yɛ okaunt lɛ he saji ahe. Akɛ nɔkwɛmɔnɔ lɛ, kɛ́ ohiɛ kpa oyusanem loo opaswɛd nɔ, ni ootao ni wɔye wɔbua bo ni obote okaunt lɛ mli lɛ, e-mail adrɛs lɛ nɔ wɔbaatsɔ wɔye wɔbua bo.

Aplikeshiŋ Fɔm . Obaanyɛ otsɔ wɛbsait nɛɛ nɔ okɛ aplikeshiŋ fɔm ni ji gbɛbimɔ wolo ko amaje, loo osafo lɛ baanyɛ atsɔ wɛbsait nɛɛ nɔ ekɛ aplikeshiŋ fɔm ko amaje ehã bo. Kɛ́ eba lɛ nakai lɛ, wɔkɛ ohe saji ni wɔnine eshɛ nɔ lɛ baatsu aplikeshiŋ fɔm ni okɛmaje lɛ kɛ nibii krokomɛi ni he hiaa wɔnitsumɔ lɛ nɔkwɛlɔi lɛ pɛ ahe nii. Kɛ́ ehe bahia ni atsu ogbɛbimɔ lɛ he nii lɛ, no lɛ akɛ ohe saji ni yɔɔ aplikeshiŋ fɔm lɛ nɔ lɛ baamaje wɔnitsumɔhe niji krokomɛi, loo Yehowa Odasefoi agbɛjianɔtoi ni yɔɔ maji krokomɛi anɔ lɛ.

Oniai. Kɛ́ otsɔ wɔwɛbsait lɛ nɔ otsu onia lɛ, wɔbiɔ ni otsɔɔ wɔ ogbɛ́i kɛ adrɛs ni wɔbaanyɛ wɔtsɔ nɔ wɔkɛ bo ashãra. Bɔ ni afee ni wɔnine ashɛ oniai ni atsɔɔ krɛdit (credit) kaad nɔ akɛmajeɔ lɛ anɔ lɛ, wɔkɛ nitsumɔhei ni akpɛlɛ amɛnɔ akɛ abaanyɛ atsɔ amɛwɛbsait lɛ nɔ awo nibii ahe nyɔmɔ, ní ale akɛ amɛyɛ mlai ni buɔ mɛi ahe saji ahe jogbaŋŋ lɛ tsuɔ nii. Ekolɛ okɛ nibii tamɔ okrɛdit kaad nɔmba loo obank akaunt nɔmba ni he baahia ni akɛtsu onia ni otsu lɛ he nii lɛ baahã wɔ, ni kɛ́ wɔnine shɛ nɔ lɛ, wɔkɛbaamaje nitsumɔhei nɛɛ. Wɔkɛ gbɛi ni atsɔɔ nɔ abuɔ mɛi ahe saji ahe jogbaŋŋ ni Blɔfo tsɛɔ lɛ Payment Card Industry Data Security Standard (“PCI DSS”) lɛ tsuɔ oniai ni otsuɔ lɛ ahe nii. Mɔ ni nine shɛɔ oniai ni okɛmajeɔ lɛ anɔ lɛ kɛ saji fɛɛ ni kɔɔ oniai ni otsuɔ lɛ ahe lɛ toɔ kɛhooo kwraa lɛ afii nyɔŋma. Saji ni wɔkɛtoɔ nɛɛ ekomɛi ji be ni okɛtsu onia lɛ, shika abɔ ni okɛhã, kɛ gbɛ nɔ ni otsɔ otsu onia lɛ. Enɛ hãa wɔnyɛɔ wɔshɛɔ shika he akɔntaabuu taomɔ nii lɛ ahe, ni eyeɔ ebuaa wɔ koni wɔnyɛ wɔhã saji fɛɛ ni obaabi wɔ yɛ nakai be lɛ mli lɛ ahetoo. Wɔbiŋ bo koni otsu oniai krokomɛi ofata nɔ ni otsu momo lɛ he.

Kɛ́ Ootao Saji Krokomɛi Loo Oobi Ni Akɛ Bo Akase Biblia Lɛ. Agbɛnɛ hu, obaanyɛ otsɔ wɔwɛbsait lɛ nɔ obi saji krokomɛi loo obi ni akɛ bo akase Biblia lɛ ni aheee bo shika. Wɔkɛ ohe saji ni wɔnine shɛɔ nɔ kɛtsɔ onibimɔ lɛ nɔ lɛ baatsu nɔ pɛ ni obiɔ ni wɔfee wɔhã bo lɛ he nii. Wɔkɛ ohe saji lɛ baamaje wɔnitsumɔhe niji krokomɛi loo Yehowa Odasefoi agbɛjianɔtoi krokomɛi, kɛ́ no baahã anyɛ atsu onibimɔ lɛ he nii.

Nibii Krokomɛi. Obaanyɛ okɛ ohe saji (tamɔ ogbɛ́i, postal adrɛs, kɛ tɛlifoŋ nɔmba) awo sait nɛɛ nɔ, ni jeee akɛ okɛmiigbele akaunt, okɛ aplikeshiŋ fɔm miimaje, loo okɛmiitsu onia kɛkɛ, shi moŋ kɛhã nibii krokomɛi ahe nitsumɔ hu. Yɛ shihilɛi lɛ eko fɛɛ eko mli lɛ, wɔbaahã ole yiŋtoo hewɔ ni wɔbiɔ ni okɛ ohe saji amaje wɔ lɛ faŋŋ. Wɔkɛ ohe saji lɛ tsuŋ nibii krokomɛi ni wɔhãaa efee faŋŋ ehã bo be ni okɛ ohe saji lɛ hãa wɔ lɛ ahe nii.

Wɔkɛ ohe saji nɛɛ toɔ ni wɔkɛtsuɔ yiŋtoi ahewɔ ni okɛwo wɛbsait nɛɛ nɔ lɛ pɛ ahe nii, ni ehiɔ wɔŋɔɔ bei abɔ pɛ ni ehe baahia kɛhã nakai yiŋtoi lɛ ahe nitsumɔ loo kɛhã yiŋtoi krokomɛi ni sa jogbaŋŋ lɛ ahe nitsumɔ. Yɛ shihilɛi nɛɛ amli lɛ, kɛ́ oshiu ohe saji ni wɔbiɔ ni okɛhã wɔ lɛ eko nɔ lɛ, no lɛ, ekolɛ onyɛŋ oya sait lɛ nɔ hei komɛi, loo wɔnyɛŋ wɔtsu onibimɔ lɛ he nii.

Ohe saji ni wɔnine shɛɔ nɔ yɛ onibimɔ lɛ hewɔ loo yɛ aplikeshiŋ fɔmɔ ko nɔ lɛ baaya mɛi ni tsuɔ mɛi ahe saji ahe nii amɛhãa wɔ kɛ kɔmpiuta he nilelɔi ni kwɛɔ ni sait nɛɛ nɔ nibii kɛ program srɔtoi lɛ atsu nii jogbaŋŋ lɛ aŋɔɔ. Yɛ mɛi nɛɛ asɛɛ lɛ, wɔkɛ ohe saji hãŋ mɔ kroko, ja (1) ehe bahia ni wɔfee nakai kɛtsu nɔ ni obiɔ ni afee ahã bo lɛ he nii, ni ja wɔhã ole enɛ faŋŋ dã; (2) wɔheɔ wɔyeɔ akɛ ehe miihia waa ni wɔkɛ saji ni tamɔ nɛkɛ lɛ ahã bɔ ni afee ni akɛtsu mla naa taomɔ nii ahe nii; (3) amralo lɛ nitsumɔhe ko ni kwɛɔ ni akɛ mla atsu nii lɛ ebi koni amɛnine ashɛ ohe saji lɛ anɔ; loo (4) no baahã wɔkɛtsĩ ojotswaa naa, loo wɔkɛtsu nibii ni kɔɔ sait nɛɛ he lɛ ahe nii. Kɛ́ okɛ wɛbsait nɛɛ tsu nii lɛ, belɛ okpɛlɛɔ nɔ akɛ wɔbaanyɛ wɔkɛ ohe saji ni okɛwoɔ nɔ lɛ ahã mɛi krokomɛi ni wɔwie amɛhe kɛtsɔ hiɛ nɛɛ kɛtsu yiŋtoi nɛɛ pɛ ahe nii. Wɔkɛ ohe saji ni okɛwoɔ wɛbsait nɛɛ nɔ lɛ yeŋ jara, wɔkɛtsakeŋ nɔ ko, ni wɔkɛfaŋ mɔ ko yɛ shihilɛ ko kwraa mli.

WƆKƐ OHE SAJI BAAMAJE MAJI KROKOMƐI

Yɛ jeŋ fɛɛ lɛ, Yehowa Odasefoi ajamɔ gbɛjianɔtoo lɛ yɛ niji yɛ maji krokomɛi anɔ. Kɔmpuitai ni akɛtsuɔ nii akɛ sɛɛva srɔtoi kɛhã wɛbsait nɛɛ ekomɛi yɛ United States of America. Wɔbaanyɛ wɔkɛ ohe saji amaje Yehowa Odasefoi agbɛjianɔtoi ni yɔɔ maji krokomɛi anɔ lɛ ateŋ eko fɛɛ eko, ni ekolɛ esoro maji krokomɛi nɛɛ amlai ni buɔ mɛi ahe saji ahe lɛ yɛ maŋ ni oyɔɔ nɔ amrɔ nɛɛ nɔ lɛ he. Kɛ́ wɔkɛ ohe saji miimaje kɛmiiya maŋ kroko nɔ lɛ, wɔkɛ tɛknɔlɔji srɔtoi ni atsɔɔ nɔ abuɔ mɛi ahe saji ahe jogbaŋŋ lɛ tsuɔ nii kɛbuɔ ohe saji ahe. Wɔmiikpa gbɛ akɛ gbɛjianɔtoi fɛɛ ni Yehowa Odasefoi kɛtsuɔ nii lɛ kɛ mɛi fɛɛ ni yeɔ amɛbuaa amɛnitsumɔ lɛ kɛ wɔmlai kɛ gbɛtsɔɔmɔi ni kɔɔ mɛi ahe saji ahebuu he lɛ baatsu nii.

Kɛ́ oba wɔwɛbsait nɛɛ nɔ ni okɛ wɔ shãra yɛ nɔ lɛ, no tsɔɔ akɛ okpɛlɛɔ nɔ akɛ wɔbaanyɛ wɔkɛ ohe saji lɛ amaje mɛi krokomɛi yɛ maji krokomɛi anɔ.

HEGBƐI NI OYƆƆ

Be fɛɛ be ni wɔkɛ ohe saji baafee nɔ ko lɛ, wɔkwɛɔ akɛ ohe saji lɛ ja koni wɔnyɛ wɔkɛtsu yiŋtoi ahewɔ ni okɛhã wɔ lɛ ahe nii. Obaanyɛ oná hegbɛi ni nyiɛ sɛɛ nɛɛ yɛ ohe saji ni okɛhã wɔ lɛ hewɔ, shi enɛ baadamɔ maŋ nɔ ni oyɔɔ, kɛ mɛi ahe saji ahebuu mlai ni akɛtsuɔ nii yɛ jɛmɛ lɛ nɔ:

  • Obaanyɛ obi ohe saji ni aheɔ lɛ kɛ bɔ ni akɛtsuɔ nii ahãa lɛ he sane bɔ ni kɛ maŋ ni oyɔɔ nɔ lɛ mlai kpãa gbee;

  • Kɛ́ ona akɛ ohe saji ni okɛhã wɔ lɛ ejaaa loo eshɛɛɛ lɛ, obaanyɛ obi ni wɔhã onine ashɛ nɔ ekoŋŋ, loo wɔfee tsakemɔ yɛ mli, loo wɔtsĩ naa, loo wɔjie yɛ wɔnibii amli;

  • Obaanyɛ obi ni wɔkɛ ohe saji lɛ akpa nitsumɔ, kɛ́ oyɛ yiŋtoi kpakpai komɛi ahewɔ ni esa akɛ ofee nakai.

Kɛ́ maŋ nɔ ni oyɔɔ lɛ yɛ mlai ni buɔ mɛi ahe saji ahe, ni ootao ni ona ohe saji, ofee tsakemɔi yɛ mli, loo odiliti lɛ, obaanyɛ ona maŋ ni oyɔɔ nɔ lɛ adrɛs kɛ tɛlifoŋ nɔmba yɛ sait lɛ nɔ fã ni ji Mɛi Ahe Saji Ahebuu​—Adrɛs Kɛ Tɛlifoŋ Nɔmba.

Kɛ́ wɔnine shɛ wolo ko ni oŋma kɛmiibi koni wɔhã onine ashɛ ohe sane ko ni okɛhã wɔ lɛ nɔ, wɔfee tsakemɔ ko yɛ mli, loo wɔjie yɛ wɔnibii amli lɛ, mɔ ni baatsu onibimɔ lɛ he nii lɛ baakwɛ osane lɛ mli jogbaŋŋ; ebaasusu he ekwɛ bɔ ni kɛ́ atsu he nii lɛ ebaaye ebua bo kɛ bɔ ni ebaanyɛ esa hegbɛ kɛ heyeli ni Yehowa Odasefoi agbɛjianɔtoo lɛ yɔɔ akɛ etsu ejamɔ nifeemɔi ahe nii lɛ he. Agbɛnɛ hu, wɔbaahã nitsumɔhei krokomɛi ni wɔhãa amɛtsuɔ nibii komɛi ahe nii amɛhãa wɔ lɛ ale.

Ofainɛ kadimɔ akɛ, kɛ́ mla ŋmɛɔ gbɛ dani atsu onibimɔ lɛ he nii, loo yɛ mla saji komɛi ahewɔ lɛ, ebaabi ni akɛ ohe saji lɛ ato lɛ, no lɛ wɔjieŋ yɛ wɔnibii amli. Akɛ nɔkwɛmɔnɔ lɛ, Yehowa Odasefoi ajamɔ gbɛjianɔtoo lɛ sumɔɔ ni aŋkroaŋkroi ni ji Yehowa Odasefoi lɛ ahe saji akã he ahi amɛnibii amli. Kɛ́ wɔjie saji nɛɛ yɛ wɔnibii amli lɛ, ebaagba wɔjamɔŋ hemɔkɛyelii kɛ nifeemɔi lɛ anaa. Ja mla naa hegbɛ ni oyabɔ amɛ sane lɛ efã wɔ ni wɔjie ohe saji kɛjɛ wɔnibii amli loo be ni wɔyɔɔ hegbɛ akɛ wɔhã ohe sane ahi wɔŋɔɔ lɛ eshɛ dani wɔbaanyɛ wɔtsu onibimɔ lɛ he nii. Kɛ́ oosumɔ lɛ, obaanyɛ oyabɔ nitsumɔhe ni buɔ mɛi ahe saji ahe ni yɔɔ maŋ ni oyɔɔ nɔ lɛ amaniɛ akɛ osumɔŋ ni akɛ ohe saji ni otsɔ wɛbsait nɛɛ nɔ okɛhã lɛ atsu nii dɔŋŋ.