Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Yehowa Odasefoi

Ga

Mla Saji ni Esa akɛ Okadi

Mla Saji ni Esa akɛ Okadi

Mlai ni Yɔɔ He

© 2014 Watch Tower Bible and Tract Society of Pennsylvania, Inc. All rights reserved.

Watchtower Bible and Tract Society of New York, Inc. (“Watchtower”) lɛ ji mɛi ni fee Wɛbsaiti nɛɛ, ni amɛ nɔŋŋ amɛkuraa saiti nɛɛ. Kɛ́ okadi ko etsɔɔɔ lɛ, belɛ niŋmai lɛ fɛɛ kɛ saji fɛɛ ni yɔɔ Wɛbsaiti nɛɛ nɔ lɛ ji Watch Tower Bible and Tract Society of Pennsylvania, Inc. lɛ nɔ.

Nitsumɔi Akadimɔnii

Adobe, Adobe okadi lɛ, Acrobat, kɛ Acrobat okadi lɛ ji Adobe Systems Incorporated kadimɔnii ni akɛwo mla shishi. iTunes kɛ iPod ji Apple Inc. lɛ kadimɔnii ni akɛwo mla shishi. Kadimɔnii krokomɛi fɛɛ kɛ kadimɔnii ni akɛwo mla shishi lɛ ji mɛi ni amɛgbɛ́i kã nɔ lɛ anɔ.

Mlai ni Yɔɔ He kɛ Hegbɛ ni Oyɔɔ akɛ Okɛ Wɛbsaiti Nɛɛ Atsu Nii

Mlai ni Yɔɔ He nɛɛ tsɔɔ bɔ ni esa akɛ okɛ wɛbsaiti nɛɛ atsu nii ahã. Kɛ́ oba wɛbsaiti nɛɛ nɔ lɛ, no tsɔɔ akɛ okpɛlɛɔ Mlai ni Yɔɔ He lɛ mli saji lɛ fɛɛ anɔ. Kɛ́ okɛ Mlai ni Yɔɔ He nɛɛ mli saji nɛɛ loo efã ko kpãaa gbee, belɛ esaaa akɛ obaa wɛbsaiti nɛɛ nɔ loo okɛtsuɔ nii.

Mɛni baatsɔɔ akɛ okɛ saiti nɛɛ miitsu nii jogbaŋŋ? Obaanyɛ okwɛ nibii ni yɔɔ nɔ lɛ, oŋɔ mfonirii, woji kɛ nibii, lalai, kɛ vidioi yɛ saiti nɛɛ nɔ ohã ohe, kɛ nibii ni jeee jarayeli nifeemɔi. Ni esa akɛ bɔ ni okɛbaatsu nii ohã lɛ kɛ gbɛtsɔɔmɔi ni akɛhã yɛ shishigbɛ nɛɛ, kɛ saiti nɛɛ nɔ hei krokomɛi yɛ Mlai ni Yɔɔ He lɛ mli lɛ akpã kpee. No hewɔ lɛ:

  • Onyɛŋ okɛ saiti nɛɛ nɔ nibii lɛ awo intanɛt lɛ nɔ (onyɛŋ okɛwo wɛbsaiti ko, loo fesbuk kɛ ehenɔi lɛ eko kwraa nɔ);

  • Onyɛŋ okɛ wɛbsaiti nɛɛ nɔ nibii lɛ afata sɔftwɛɛ ko he, loo okɛfee sɔftwɛɛ he nɔ ko;

  • Onyɛŋ oŋɔ saiti nɛɛ nɔ nibii lɛ eko ofee saiti kroko, loo okɔpe enɔ nibii lɛ eko kɛhã jarayeli nifeemɔ ko aloo shika taomɔ (kɛjeee sɛɛnamɔ po hewɔ ofeɔ nakai); asaŋ esaaa akɛ ojaraa wɛbsaiti nɛɛ nɔ kɔmpiuta sɔftwɛɛ srɔtoi lɛ ahe nɔ ko, loo okɛwoɔ kɔmpiutai krokomɛi anɔ yɛ gbɛ ko kwraa nɔ;

  • Onyɛŋ oba saiti nɛɛ nɔ kɛ jwɛŋmɔ akɛ obaaŋɔ niŋmai kɛ nibii ni adamɔ nɔ afee saiti nɛɛ (source code), loo oŋɔ ni ojara ohã mɛi yɛ gbɛ ko kwraa nɔ, loo okɛfee nɔ ko ni kɔɔ wɛbsaiti nɛɛ he;

  • Onyɛŋ okɛ wɛbsaiti nɛɛ loo enɔ nibii lɛ atsu nii yɛ gbɛ ni esaaa nɔ; eko ji ni obaatsɔ gbɛ kroko nɔ okɛtsu nii bɔ ni ekɛ saiti nɛɛ he gbɛtsɔɔmɔi lɛ kpãaa gbee;

  • Onyɛŋ okɛ wɛbsaiti nɛɛ atsu nii bɔ ni baahã efite loo ehã enɔ yaa awa; asaŋ esaaa akɛ okɛtsuɔ nii bɔ ni baahã ete shi ewo mla loo okɛtsu juu kɛ fɔ̃ nɔ ko aloo okɛtsu yiŋtoo gbonyo ko he nii;

  • Onyɛŋ okɛ wɛbsaiti nɛɛ atsu yiŋtoo ko kwraa he nii kɛye jara.

Kɛ́ Oku Mlai ni Yɔɔ He lɛ Eko Mli

Ekɔɔɔ he eko mɔ ni oji lɛ, kɛ́ oku wɛbsaiti nɛɛ Mlai ni Yɔɔ He lɛ eko mli yɛ gbɛ ko nɔ lɛ, Watchtower baanyɛ ekɛ bo aye bɔ ni esumɔɔ yɛ mla naa, asaŋ ebaanyɛ ehé hegbɛ ni oyɔɔ akɛ obaa wɛbsaiti nɛɛ nɔ lɛ yɛ odɛŋ loo etsĩ okɔmpiuta lɛ adrɛs (IP address) lɛ gbɛ koni okanyɛ oba wɛbsaiti nɛɛ nɔ, loo Watchtower baanyɛ ahã mɛi ni hãa bo intanɛt nɔ hegbɛ lɛ atsĩ onaa koni okanyɛ oba wɛbsaiti nɛɛ nɔ; ni Watchtower baanyɛ asama bo kɛfata he hu.

Tsakemɔi

Watchtower baanyɛ atsake Mlai ni Yɔɔ He nɛɛ ahiɛ yɛ be kɛ beaŋ. Kɛ́ atsake Mlai ni Yɔɔ He lɛ hiɛ ni akɛwo wɛbsaiti nɛɛ nɔ nɔŋŋ lɛ, belɛ ebɔi nitsumɔ ji no. Ofainɛ fɔɔ Mla ni Yɔɔ He lɛ mli kwɛmɔ yɛ be kɛ beaŋ koni ole tsakemɔi hei ni baa lɛ.

Mla lɛ kɛ Maŋ Nɔ ni Abaatsu He Nii Yɛ

Maŋtiase ni ji New York, ni yɔɔ U.S.A. lɛ ji mɛi ni baatsu Mlai ni Yɔɔ He nɛɛ ahe nii, ni amɛbaatsɔɔ shishi bɔ ni eteŋ shi ewoŋ mlai krokomɛi. Kɛ́ mɔ ko ku Mlai ni Yɔɔ He nɛɛ eko mli lɛ, abaasama lɛ ahã saneyelihe ni kwɛɔ New York maŋtiase, ni yɔɔ U.S.A. lɛ nɔ lɛ.

Kɛ́ Afo Mlai ni Yɔɔ He Nɛɛ Fã Ko Mli

Kɛ́ saneyelihe ko ni amuɔ afɔ̃ɔ enɔ lɛ bua akɛ, ena naagba ko yɛ Mlai ni Yɔɔ He lɛ mli sane ko he, ni no hewɔ lɛ, atswa nakai sane lɛ afɔ̃, aloo ebuuu nakai sane lɛ, no etsɔŋ akɛ naagba yɛ Mlai ni Yɔɔ He lɛ mli saji krokomɛi lɛ ahe. Emli saji krokomɛi lɛ baakã he atsu nii. Kɛ́ mɔ ko ku wɛbsaiti nɛɛ Mlai ni Yɔɔ He lɛ eku mli, ni Watchtower samako lɛ lɛ, no etsɔɔɔ akɛ akɛ Mlai ni Yɔɔ He ekpa nitsumɔ aloo Mlai lɛ tsuuu nii dɔŋŋ.

Gbeekpamɔ Nɛɛ Fɛɛ

Mlai ni Yɔɔ He nɛɛ ji nɔ ni feɔ gbeekpamɔ fɛɛ ni kã bo kɛ Watchtower lɛ teŋ yɛ bɔ ni esa akɛ okɛ wɛbsaiti nɛɛ atsu nii ahã lɛ he, ni etekeɔ gbeekpamɔi fɛɛ ni eho, ni kã bo kɛ Watchtower teŋ yɛ saiti nɛɛ kɛnitsumɔ mli.