Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Yehowa Odasefoi

Ga

Mɛi Ahe Saji Ahe Mlai

Mɛi Ahe Saji Ahe Mlai

Yɛ Biblia mli shishitoo mlai ni Yehowa Odasefoi asafo lɛ yeɔ nɔ lɛ hewɔ lɛ, ekɛ mɛi ahe saji ni enine shɛɔ nɔ lɛ tsuuu nii bɔ ni ebaagba mɔ lɛ naa. Asafo lɛ le akɛ esaaa akɛ ejuɔ shi etaoɔ mɛi ahe saji, shi esa akɛ ekɛ mɛi lɛ diɛŋtsɛ awie koni enine ashɛ amɛhe saji ni he hiaa ni etaoɔ lɛ nɔ. Enɛ yeɔ ebuaa asafo lɛ ni enyɛɔ etsuɔ Yehowa Odasefoi ahiamɔ nii ahe nii, ni enyɛɔ etsuɔ sɔ̃ ni kã enɔ akɛ jamɔ lɛ he nii; ni ehãa enyɛɔ ekɛ yelikɛbuamɔi srɔtoi hãa mɛi. Asafo lɛ buɔ mɛi ahe saji fɛɛ ni amɛkɛhãa lɛ lɛ he jogbaŋŋ koni ekayaje mɛi ni esaaa akɛ amɛnine shɛɔ nɔ lɛ adɛŋ. (Abɛi 15:22; 25:9) Asafo lɛ le akɛ esaaa akɛ ehãa mɔ fɛɛ mɔ kɛkɛ leɔ mɛi ahe saji ni enine shɛɔ nɔ lɛ; ni ebuɔ enɛ akɛ eji hiɛdɔɔ sane.​—Abɛi 20:19.

Maji srɔtoi ewo mlai ni kɔɔ bɔ ni esa akɛ akɛ mɛi ahe saji ni nine shɛɔ nɔ lɛ atsu nii ahã lɛ he, koni akɛ mɛi lɛ ahe saji lɛ akatsu nii bɔ ni ebaagba mɛi lɛ anaa. Ale Yehowa Odasefoi asafo lɛ kɛjɛ jeeŋmɔ akɛ, be ni awoko nɛkɛ mlai nɛɛ beebe po lɛ, ekɛ mɛi ahe saji ni enine shɛɔ nɔ lɛ tsuuu nii bɔ ni ebaagba mɛi lɛ anaa, ni ehãaa mɔ fɛɛ mɔ kɛkɛ ale saji nɛɛ. Yehowa Odasefoi asafo lɛ baaya nɔ ebu mɛi ahe saji ni amɛkɛhãa lɛ lɛ he, taakɛ efeɔ momo lɛ, yɛ bɔ ni atsɔɔ yɛ sane nɛɛ mli lɛ naa.

Mɛi Ahe ni Ekɔɔ

Sane nɛɛ kɔɔ Yehowa Odasefoi asafo muu lɛ fɛɛ he; Yehowa Odasefoi anitsumɔhe niji ni yɔɔ je lɛŋ hei srɔtoi fɛɛ lɛ damɔ Yehowa Odasefoi lɛ anajiaŋ.

Mɛi Ahe Saji Ahebuu

Yehowa Odasefoi asafo lɛ kuraa mɛi ahe saji ni enine shɛɔ nɔ lɛ bɔ ni kɛ shishitoo mlai ni nyiɛ sɛɛ nɛɛ kpãa gbee:

  1. Abaatsu mɛi ahe saji ni nine shɛɔ nɔ lɛ ahe nii jogbaŋŋ bɔ ni kɛ mla kpãa gbee, ní egbaŋ mɔ he ni ekɔɔ lɛ hu naa.

  2. Abaatsɔ gbɛ ni ja nɔ aná mɛi ahe saji, atsu he nii bɔ ni sa, koni akɛtsu Yehowa Odasefoi ajamɔ lɛ, kɛ nibii ni asafo lɛ feɔ kɛyeɔ ebuaa mɛi lɛ ahe nii.

  3. Abaakwɛ koni mɛi ahe saji ni nine baashɛ nɔ lɛ afee nɔ ni ja, ni kɛ́ tsakemɔ ko ba yɛ saji lɛ eko he lɛ, abaatsu he nii. Kɛ́ asafo lɛ ná le akɛ nɔ ko ejaaa yɛ saji lɛ eko he lɛ, ebaatsu he nii oya nɔŋŋ.

  4. Asafo lɛ baahã mɛi ahe saji ni enine eshɛ nɔ lɛ ahi edɛŋ bei abɔ pɛ ni amɛhe baahia kɛtsu asafo lɛ yiŋtoi ahe nii.

  5. Abaabɔ mɔdɛŋ akwɛ koni akɛ mɛi ahe saji ni nine shɛɔ nɔ lɛ atsu nii bɔ ni egbaŋ mɛi lɛ anaa.

  6. Asafo lɛ baafee nibii ni sa kɛkwɛ koni mɛi ni bɛ hegbɛ akɛ amɛnine shɛɔ mɛi ahe saji nɛɛ anɔ lɛ anine akashɛ nɔ. Kɛfata he lɛ, asafo lɛ baakwɛ koni akagbɛ saji nɛɛ ashwã bɔ ni kɛ mla kpãaa gbee. Akɛ paswɛd srɔtoi ewo kɔmpiutai fɛɛ ni akɛ mɛi ahe saji ni nine shɛɔ nɔ lɛ woɔ nɔ lɛ anɔ; ni mɛi ni yɔɔ hegbɛ akɛ amɛnine shɛɔ saji nɛɛ anɔ lɛ pɛ ni le nakai paswɛd srɔtoi lɛ. Kɛ́ akpa nitsumɔ, loo yɛ gbii ni atsuuu nii anɔ lɛ, aŋamɔɔ ɔfis srɔtoi lɛ, ni mɛi ni ahã amɛ hegbɛ akɛ amɛbaanyɛ amɛbote jɛmɛ lɛ pɛ nyɛɔ amɛyaa jɛmɛ.

  7. Kɛ́ asafo lɛ nitsumɔhe nine ko nine shɛ mɔ ko he sane nɔ lɛ, ekɛmajeŋ asafo lɛ nitsumɔhe nine kroko, ja ehe ebahia ni efee nakai koni anyɛ atsu Yehowa Odasefoi asafo lɛ jamɔ kɛ nibii ni efeɔ kɛyeɔ ebuaa mɛi lɛ ahe nii. Mɛi fɛɛ ni ebatsɔmɔ Yehowa Odasefoi, ní amɛmiisumɔ ni ale amɛ nakai lɛ, kɛ no feemɔ etsɔɔ akɛ amɛkpɛlɛɔ asafo lɛ jamɔ nifeemɔi kɛ nibii krokomɛi ni efeɔ kɛyeɔ ebuaa mɛi krokomɛi lɛ anɔ, ni amɛfiɔ sɛɛ.

Mɔ ni kɛ Ehe Sane Hãa lɛ Hegbɛi

  1. Yɛ Yehowa Odasefoi agbɛtsɔɔmɔi ni yɔɔ sane ni okaneɔ nɛɛ mli lɛ anaa lɛ, mɔ ni kɛ ehe sane ko ehã lɛ yɛ hegbɛ akɛ ebiɔ koni afee tsakemɔ yɛ sane lɛ mli, loo ajie sane lɛ kwraa yɛ nibii anɔ ni akɛto lɛ amli.

  2. Esa akɛ mɔ fɛɛ mɔ ni baabi koni wɔfee tsakemɔ ko yɛ sane ko ni wɔnine eshɛ nɔ lɛ mli loo wɔjie kwraa yɛ nibii anɔ ni akɛto lɛ amli lɛ, ahã wɔ nibii ni baahã wɔná nɔmimaa yɛ mɔ tuuntu ni eji lɛ he.

  3. Kɛ́ mɔ ko kɛ ehe saji hã wɔ, ni sɛɛ mli lɛ ebi koni enine ashɛ nɔ ekoŋŋ, loo wɔfee tsakemɔ yɛ sane lɛ mli, loo wɔjie yɛ nibii anɔ ni akɛto lɛ amli lɛ, Yehowa Odasefoi asafo lɛ baaŋmɛ enibimɔ lɛ akwɛ akɛ, kɛ́ afee nɔ ni mɔ lɛ biɔ ni afee lɛ, te ebaasa Yehowa Odasefoi asafo lɛ he ehã tɛŋŋ? Kɛ́ esaŋ hegbɛ ni asafo lɛ yɔɔ akɛ etsuɔ ejamɔ nifeemɔi kɛ nibii krokomɛi ahe nii lɛ he yɛ gbɛ fɔŋ ko nɔ lɛ, no lɛ abaakpɛlɛ mɔ lɛ nibimɔ lɛ nɔ. Shi kɛ́ enibimɔ lɛ baasa asafo lɛ he yɛ gbɛ fɔŋ ko nɔ lɛ, no lɛ akpɛlɛŋ nɔ.

  4. Kɛ́ aŋkroaŋkroi kɛ amɛhe saji akɛ Yehowa Odasefoi hã Yehowa Odasefoi asafo lɛ, asafo lɛ sumɔɔ akɛ ekɛ saji nɛɛ ato kwraa. Kɛ́ asafo lɛ jie saji nɛɛ lɛ, ebaasa asafo lɛ jamɔŋ hemɔkɛyelii kɛ nifeemɔi ahe.

Abaanyɛ Abi Koni Akwɛ Sane lɛ Mli Ekoŋŋ

Kɛ́ mɔ ko nuɔ he akɛ akɛ lɛ yeko jogbaŋŋ lɛ, ebaanyɛ eŋma wolo eyahã Nitsumɔhe Nine Ajinafoi Akuu lɛ akɛ eesumɔ koni amɛkwɛ sane lɛ mli ekoŋŋ. Esa akɛ ehã amɛnine ashɛ wolo ni eŋma lɛ nɔ dani otsii enyɔ aho; otsii enyɔ nɛɛ jeɔ shishi kɛjɛ be ni shihilɛ ni hã enuɔ he akɛ akɛ lɛ yeko jogbaŋŋ lɛ ba.