Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kɛ́ Mihe Efee Shoo Hu?

Kɛ́ Mihe Efee Shoo Hu?

Nɔ ni obaanyɛ ofee

1. Okɛ ojwɛŋmɔ ama nibii ni onyɛɔ ofeɔ lɛ anɔ. (2 Korintobii 11:6) Eyɛ mli akɛ ehi akɛ obaale ogbɔjɔmɔi moŋ, kɛ̃lɛ nibii kpakpai pii hu yɛ ni onyɛɔ ofeɔ. Kɛ́ ole nibii ni onyɛɔ ofeɔ lɛ, ebaahã oná hekɛnɔfɔ̃ɔ kɛye susumɔ ni ejaaa ni onáa yɛ ohe lɛ nɔ koni oye shoofeemɔ nɔ. Bi ohe akɛ, ‘Mɛɛ nibii minyɛɔ mifeɔ?’ Susumɔ hesai loo sui kpakpa komɛi ni oyɔɔ lɛ ahe.

2. Ná mɛi krokomɛi ahe miishɛɛ kpakpa. Shishijee lɛ, obaanyɛ oná mɛi fioo komɛi ahe miishɛɛ dã. Oblanyo ko ni atsɛɔ lɛ Jorge lɛ kɛɛ akɛ: “Kɛ́ obi mɛi bɔ ni amɛyɔɔ loo obi amɛ bɔ ni amɛnitsumɔ tee lɛ ehã lɛ, no baahã ole amɛ jogbaŋŋ.

Obaanyɛ otsa gbɛ ni ebakã okɛ onanemɛi ateŋ lɛ

Ŋaawoo: Kaahala otipɛŋfoi pɛ akɛ onanemɛi. Naanyobɔɔ ni mli wa ni Biblia lɛ bɔ he amaniɛ lɛ tee nɔ yɛ mɛi ni eye afii srɔtoi ateŋ, tamɔ Rut kɛ Naomi, David kɛ Yonatan, kɛ Timoteo kɛ Paulo nɛkɛ. (Rut 1:16, 17; 1 Samuel 18:1; 1 Korintobii 4:17) Kaimɔ hu akɛ, mɔ kome pɛ egbaaa sane, no hewɔ lɛ okome okawie trilii. Hiɛ sɔɔ mɛi ni boɔ sane toi jogbaŋŋ lɛ waa. No hewɔ lɛ, kɛ́ ohiɛ gboɔ tete po lɛ, kaimɔ akɛ—jeee bo pɛ obaagba sane lɛ fɛɛ!

3. ‘Naa mli ohã mɛi.(1 Petro 3:8) Kɛ́ okɛ mɔ ko susumɔ kpãaa gbee po lɛ, too otsui shi ni ohã ewie. Okɛ ojwɛŋmɔ amã otii ni okɛ lɛ kpãa gbee yɛ he lɛ anɔ. Kɛ́ onu he akɛ esa akɛ otsɔɔ akɛ okɛ lɛ kpãaa gbee yɛ sane ko he lɛ, okɛ mlihilɛ kɛ ŋaa afee nakai.

Ŋaawoo: Okɛ mɛi awie taakɛ obaasumɔ ni akɛ bo awie lɛ. Kɛ́ okɛ mɛi taa saji anaa loo oyeɔ amɛhe fɛo bɔ ni esaaa, ojɛɔ amɛ loo obuɔ ohe jalɔ kɛbaa mɛi ashi lɛ, no lɛ anyɛŋ abɛŋkɛ bo. Kɛ́ ‘ohã owiemɔ he ba nyam daa’ lɛ, mɛi baasumɔ osane waa.Kolosebii 4:6.

 

Ekrokromɛi Hu Nɛ

Bɔ ni Obaafee Otsu Shoofeemɔ He Nii

Ani shoofeemɔ miihao bo? Okɛ nifeemɔ wolo nɛɛ atsu nii koni ona nɔ ni hã ofee shoo lɛ, kɛ nɔ ni obaafee kɛkpee henumɔ nɛɛ naa.

Namɔ Ji Naanyo Kpakpa?

Ewaaa kwraa akɛ obaaná nanemɛi gbohii, shi te obaafee tɛŋŋ oná naanyo kpakpa?