Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Yehowa Odasefoi

Ga

Te Mafee Tɛŋŋ Maye Kaa Nɔ Lɛ?

Te Mafee Tɛŋŋ Maye Kaa Nɔ Lɛ?

Nɔ ni obaanyɛ ofee

Klɛŋklɛŋ lɛ, hã ehi ojwɛŋmɔŋ akɛ bo obaatere nibii ni ofeɔ lɛ ahe sɔ̃—ekɔɔɔ he eko nɔ ni onanemɛi feɔ.

Nɔ ni ji nyɔ lɛ, esa akɛ ole nɔnyɛɛ ni náa onɔ hewalɛ waa lɛ.

No sɛɛ lɛ, bi ohe akɛ, ‘Mɛɛ be nɔnyɛɛ nɛɛ baanyɛ aba?’ (Be ni miyɔɔ skul? Nitsumɔhe? He kroko?) Kɛ́ ole be ni nɔnyɛɛ lɛ baanyɛ aba lɛ, no baaye abua bo koni ojo naa foi kwraa.

Agbɛnɛ, esa akɛ ofee he nɔ ko. Nɔ ni he hiaa klɛŋklɛŋ ji, ní ole bɔ ni obaafee oba nɔnyɛɛ lɛ shi loo ojo naa foi kwraa. (Nɔkwɛmɔnɔ: Kɛ́ efɔɔ kaa akɛ kɛ́ nyɛkpa skul lɛ, okɛ oklasbii ni woɔ bo hewalɛ koni oshɛre zigarɛt lɛ kpeɔ yɛ gbɛ ni otsɔɔ nɔ lɛ nɔ lɛ, esa akɛ okpa nakai gbɛ lɛ nɔ tsɔmɔ.) Anɔkwa shiishi: “Nanemɛi” ni nyɛɔ onɔ koni ofee nibii gbohii lɛ jeee nanemɛi kpakpai.

Kɛ́ oŋmɛɛ ohe ohã kaa lɛ, obatsɔɔ nyɔŋ ohãa nibii ni oshweɔ

Kɛ̃lɛ, jeee nɔnyɛi lɛ fɛɛ obaanyɛ ojo naa foi. Bɔ fɛɛ bɔ ni fee lɛ, okɛ nɔnyɛɛ ko ni naa wa baakpe kɛ̃—titri lɛ, be ni okpaaa gbɛ. Mɛni obaanyɛ ofee yɛ he?

Nɔ ni he hiaa ji ní obaasaa ohe oto!

Kadimɔ akɛ: Yesu le eshidaamɔ yɛ jeŋba gbɛfaŋ. Etswa efai shi akɛ ebaabo e-Tsɛ toi be fɛɛ be. (Yohane 8:28, 29) Nɔ ni he hiaa ji ní obaatsɔ hiɛ ole oshidaamɔ.

Nifeemɔ. Kwɛmɔ akɛ obaana yiŋtoi enyɔ ahewɔ ni esa akɛ oye nɔnyɛɛ ni okɛfɔɔ kpee lɛ nɔ lo, koni no sɛɛ lɛ otao nibii enyɔ komɛi ni obaanyɛ ofee koni eye ebua bo kɛkpee naa.

Mɛni hewɔ esa akɛ ohã mɛi anyɛ onɔ koni ofee nibii ni ejaaa? Ná ekãa kɛfee nɔ ni ole akɛ eja. (Kolosebii 3:5) No sɛɛ lɛ, yaa nɔ osɔle koni Nyɔŋmɔ aye abua bo ni ofee nɔ ni ja.Mateo 6:13.

Ekrokomɛi Hu Nɛ

SAJI NI OBLAHII KƐ OBLAYEI BIƆ

Ani Aanyɛ Onɔ Koni Oná Bɔlɛ?

Ani esa akɛ okpɛlɛ ni akɛ bo aná bɔlɛ be ni okɛ mɔ lɛ boteko gbalashihilɛ mli? Aso oshwaŋ ohe?