Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Te Mafee Tɛŋŋ Makpa Bɔlɛnamɔ He Susumɔ Lɛ?

Te Mafee Tɛŋŋ Makpa Bɔlɛnamɔ He Susumɔ Lɛ?

Nɔ ni obaanyɛ ofee

Kwɛmɔ mɛi ni ohalaa akɛ nanemɛi lɛ jogbaŋŋ. Kɛ́ onanemɛi kɛ oklasbii lɛ bɔi bɔlɛnamɔ he saji awiemɔ, ni okɛ ohe wo sanegbaa lɛ mli lɛ, ebaawa kɛhã bo akɛ obaajie ojwɛŋmɔ yɛ bɔlɛnamɔ nɔ. Bei pii lɛ, kɛ́ eba lɛ nakai lɛ, obaanyɛ otsɔ gbɛ ko nɔ oshi jɛmɛ; shi kaafee lɛ bɔ ni baahã asusu akɛ oobu ohe jalɔ tsɔ, koni akaye ohe fɛo hu.

Ani obaaŋmɛ gbɛ ni vairɔs abote okɔmpiuta mli? Mɛni hewɔ mɔ ni obaaŋmɛ gbɛ koni jeŋba sha he susumɔ ayi ojwɛŋmɔŋ?

Kwa hiɛtserɛjiemɔ ni jeŋba sha yɔɔ mli. Ŋmɛnɛ lɛ, ato hiɛtserɛjiemɔi babaoo ahe gbɛjianɔ bɔ ni teɔ bɔlɛnamɔ henumɔi ni esaaa shi. Mɛɛ ŋaawoo Biblia lɛ kɛhãa? “Nyɛhãa wɔtsuua wɔhe kɛjɛa heloo kɛ mumɔ fɛɛ he muji mli, ni wɔgbe hetsemɔ naa yɛ Nyɔŋmɔ gbeyeishemɔ mli.” (2 Korintobii 7:1) Tsi ohe kwraa kɛjɛ hiɛtserɛjiemɔi ni teɔ bɔlɛnamɔ henumɔi ashi lɛ ahe.

Kaimɔ enɛ: Bɔlɛnamɔ henumɔi lɛ jeee nɔ fɔŋ. Ejaakɛ Nyɔŋmɔ bɔ nuu kɛ yoo koni amɛná bɔlɛnamɔ henumɔ ni mli wa amɛhã amɛhe, ni bɔlɛnamɔ yɛ gbalashihilɛ mli lɛ jeee tɔ̃mɔ. No hewɔ lɛ, kɛ́ onáa bɔlɛnamɔ henumɔ ni mli wa lɛ, kaasusu akɛ yɛ fɔmɔ su naa lɛ ofite, aloo akɛ onyɛŋ ohi shi yɛ jeŋba hetsemɔ naa.

Nɔ ni yɔɔ mli nɔŋŋ ji akɛ: Obaanyɛ ohala nɔ ni osumɔɔ akɛ ojwɛŋ nɔ. Obaanyɛ osusu nibii kpakpai ahe ni oba ojeŋ jogbaŋŋ kɛ́ oosumɔ ni ofee nakai!