Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Yehowa Odasefoi

Ga

Te Mafee Tɛŋŋ Magbe Homwɛk Nɛɛ Fɛɛ Naa?

Te Mafee Tɛŋŋ Magbe Homwɛk Nɛɛ Fɛɛ Naa?

Nɔ ni obaanyɛ ofee

Taomɔ he ko ni obaakase nii yɛ. Esa akɛ efee he ko ni yɔɔ dioo. Kɛ́ ebaahi lɛ, taomɔ okpɔlɔ kɛ sɛi. Kaasu TV.

Be tamɔ okpɔŋɔ ni hiɛ foi—esa akɛ ole bɔ ni akudɔɔ lɛ

Okɛ otii amamɔ ohiɛ. Akɛni oskul lɛ he miihia hewɔ lɛ, kpɛɛ oyiŋ akɛ obaagbe homwɛk lɛ naa klɛŋklɛŋ.

Kaatsi be owo mli. Too be pɔtɛɛ ko kɛhã homwɛk lɛ, ni obɔ mɔdɛŋ oye nɔ.

Too gbɛjianɔ. Esa akɛ ona nɔ ni obaatsu he nii klɛŋklɛŋ, nɔ ni baanyiɛ sɛɛ, kɛ ekrokomɛi hu. Ŋmalamɔ owo wolo nɔ, ni ohã eko fɛɛ eko be ni esa akɛ okɛtsu he nii. Kadimɔ eko fɛɛ eko ni obaagbe naa lɛ.

Jɔɔmɔ ohe fiofio. Kɛ́ ona akɛ ojwɛŋmɔ ebɔi shikpaa nɔŋŋ lɛ, jɔɔmɔ ohe fioo. Shi kaahã osɛɛ gbala shi tsɔ koni obatsa homwɛk lɛ nɔ.

Onijiaŋ akaje wui. Kaimɔ akɛ, bei pii lɛ, srɔto ni kã skulnyo ni bɔɔ mɔdɛŋ kɛ mɔ ni ebɔɔɔ mɔdɛŋ lɛ teŋ ji hiɛmiamɔ, jeee nilee. (Abɛi 10:4) Obaanyɛ oye omanye yɛ skul. Miamɔ ohiɛ waa, ni obaaná he sɛɛ.