Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

OBLAHII KƐ OBLAYEI BIƆ AKƐ

Ani Mifee Klalo Kɛhã Gbãla?

Ani Mifee Klalo Kɛhã Gbãla?

Dani obaanyɛ ohã sanebimɔ nɛɛ hetoo lɛ, esa akɛ ole ohe jogbaŋŋ. Ákɛ nɔkwɛmɔnɔ lɛ, susumɔ nibii ni nyiɛ sɛɛ nɛɛ ahe okwɛ:

Mɛi kɛ Shãramɔ

Te okɛ ofɔlɔi kɛ onyɛmimɛi yeɔ ohãa tɛŋŋ? Ani efɔɔ kãa akɛ onáaa tsui ohãaa amɛ, ni bei komɛi kɛ́ obaatsɔɔ ojwɛŋmɔ yɛ sane ko he lɛ, otsirɛɔ Ga yisɛɛ ohãa amɛ loo ojɛɔ amɛ po? Mɛni amɛbaakɛɛ yɛ ojeŋba nɛɛ he? Bɔ ni okɛ owekumɛi yeɔ ohãa lɛ hãa anaa bɔ ni okɛ ohefatalɔ baaye ahã.Efesobii 4:31.

Onifeemɔ

Ani onáa jwɛŋmɔ ni ja loo jwɛŋmɔ ni ejaaa? Ani okpɛlɛɔ mɛi asusumɔi anɔ aloo be fɛɛ be lɛ, oyeɔ otsui naa sane—afee nibii bɔ ni osumɔɔ? Kɛ́ okɛ nɔnyɛɛ miikpe lɛ, obaanyɛ oŋmɛ diŋŋ? Ani otoɔ otsui shi? Kɛ́ owo Nyɔŋmɔ mumɔ lɛ yibii lɛ bianɛ lɛ, ebaaye ebua bo ni wɔsɛɛ lɛ, otsɔ wu loo ŋa kpakpa.Galatabii 5:22, 23.

Shika He Gbɛjianɔtoo

Ani ohiɛɔ shika jogbaŋŋ? Ani ofɔɔ nyɔmɔ mɔmɔ? Ani onyɛɔ otsɛɔ yɛ nitsumɔ ko mli? Kɛ́ otsɛɛɛ lɛ, mɛni hewɔ? Ani nitsumɔ lɛ hewɔ? Nitsumɔtsɛ lɛ? Aloo ekolɛ ohiɛ subaŋ loo jeŋba ko ni ebaabi ni otsu he nii? Kɛ́ onyɛɛɛ okwɛ oshika nɔ lɛ, te obaafee tɛŋŋ okwɛ weku shika nɔ lɛ?1 Timoteo 5:8.

Wekukpaa ni Kã Okɛ Yehowa Teŋ

Kɛ́ Yehowa Odasefonyo ji bo lɛ, mɛni ofeɔ koni onyɛ obaa okɛ Yehowa teŋ wekukpaa kpakpa yi? Ani obɔɔ mɔdɛŋ koni okane Nyɔŋmɔ Wiemɔ lɛ, oya shiɛmɔ, loo ni okɛ ohe awo Kristofoi akpeei ashishi nifeemɔi amli? Esa akɛ wekukpaa kpakpa akã okɛ Yehowa teŋ, ni no ji nɔ ni esa akɛ mɔ ni okɛbaahi shi lɛ aná.Jajelɔ 4:9, 10.

Kɛ́ otee nɔ ole ohe jogbaŋŋ lɛ, ebaaye ebua bo ní oná mɔ ko ni kɛ ejwɛŋmɔ baama onyɛmɔi anɔ moŋ fe ogbɔjɔmɔi anɔ.