Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Ni Kɛ́ Aanyɛ Minɔ Koni Maná Bɔlɛ Hu?

Ni Kɛ́ Aanyɛ Minɔ Koni Maná Bɔlɛ Hu?

Ekolɛ, obaabi akɛ “Bɛ ebaahi akɛ makpɛlɛ nɔ koni sane ajɔ. Bɛ mɔ fɛɛ mɔ kwraa miiná bɔlɛ?”

Gbee blɛoo ni Osusu nii ahe okwɛ!

Anɔkwa sane: Jeee anɔkwale akɛ mɔ fɛɛ mɔ miiná bɔlɛ.

Anɔkwa, ekolɛ okane saji ni tsɔɔ akɛ mɛi ni kɛ amɛhe woɔ mli lɛ ayi fa waa. Ákɛ nɔkwɛmɔnɔ lɛ, amaniɛbɔɔ ko ni jɛ Amerika lɛ tsɔɔ akɛ be ni oblahii kɛ oblayei ni yɔɔ jɛmɛ lɛ baakɛɛ amɛgbeɔ Sɛkɛndre skul naa lɛ, mɛi 2 yɛ mɛi 3 mli ená bɔlɛ. Enɛ hu tsɔɔ akɛ mɛi 3 lɛ ateŋ 1, ni ji mɛi saŋŋ, kɛ amɛhe wooo bɔlɛnamɔ mli.

Ni mɛi ni kɛ amɛhe woɔ mli lɛ hu? Niiamlitaomɔ ema nɔ mi akɛ oblahii kɛ oblayei nɛɛ kɛ naagbai ni nyiɛ sɛɛ ekomɛi kpeɔ.

Piŋmɔi. Oblahii kɛ oblayei ni náa bɔlɛ be ni amɛboteko gbalashihilɛ mli lɛ ewie akɛ, sɛɛ mli lɛ amɛshwa amɛhe waa akɛ amɛfee nakai.

Bɔlɛnamɔ ni tsɔɔ gbalashihilɛ hiɛ haa mɔ ko bafeɔ tamɔ Nitɛŋmɔ fɛfɛo ko ni akɛfee tako kɛfɔ̃ shi ni akɛ naneshishi shwishwiaa nɔ

Aheee mɔ lɛ ayeee. Be ni amɛná bɔlɛ amɛgbe naa sɛɛ lɛ, amɛteŋ mɔ fɛɛ mɔ biɔ ehe akɛ ‘Namɔ hu tsiɛ yoo loo tsiɛ nuu nɛɛ kɛná bɔlɛ?’

Asomoaŋ jeee nakai ni. Yɛ oblayei babaoo agbɛfaŋ lɛ, kulɛ amɛbaasumɔ hii ni baabu amɛhe, jeee hii ni kɛ amɛ baagbe amɛkɔnɔ. Oblahii babaoo hu yɔseɔ sɛɛ mli akɛ amɛsumɔɔ yoo krokomɛi moŋ fe yoo ni kpɛlɛ ni amɛkɛ amɛ ná bɔlɛ lɛ.

Sane lɛ nɔŋŋ ji akɛ: Ogbɔmɔtso lɛ jara wa waa bɔ ni esaaa akɛ okɛ nɔ ko kwraa tsakeɔ. Ye Nyɔŋmɔ mlai ni teɔ shi ewoɔ bɔlɛnamɔ ni tsɔɔ gbalashihilɛ hiɛ lɛ nɔ koni okɛtsɔɔ akɛ obaa oje jogbaŋŋ. Kɛkɛ lɛ, wɔsɛɛ ko kɛ́ obote gbalashihilɛ mli lɛ, obaanyɛ okɛ ohefatalɔ lɛ aná bɔlɛ. Ni obaaná mli miishɛɛ kɛmɔ shi jogbaŋŋ—kɛfata he lɛ, onáŋ naagbai, heshwamɔ, kɛ gbeyeishemɔi ni jɛɔ bɔlɛnamɔ ni tsɔɔ gbalashihilɛ mli baa lɛ eko kwraa. Abɛi 7:22, 23; 1 Korintobii 7:3.