Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Shikpɔŋ nɔ Toiŋjɔlɛ—Te Ebaafee Tɛŋŋ Eba?

Shikpɔŋ nɔ Toiŋjɔlɛ—Te Ebaafee Tɛŋŋ Eba?

Hetoo ni Biblia lɛ kɛhãa

Jeee adesai amɔdɛŋbɔi baahã toiŋjɔlɛ aba shikpɔŋ lɛ nɔ, moŋ lɛ Nyɔŋmɔ Maŋtsɛyeli lɛ, ni ji ŋwɛi nɔyeli ni Kristo Yesu yeɔ nɔ lɛ kɛ toiŋjɔlɛ nɛɛ baaba. Kwɛmɔ nɔ ni Biblia lɛ tsɔɔ wɔ yɛ hiɛnɔkamɔ ni nɔ bɛ nɛɛ he.

  1. Nyɔŋmɔ baahã ‘tai asɛɛ afo kɛya shikpɔŋ lɛ naagbeehei lɛ,’ ní ekɛhã eshiwoo akɛ ebaahã “mɛi ni feɔ nibii ni sa ehiɛ lɛ aná toiŋjɔlɛ yɛ shikpɔŋ lɛ nɔ” lɛ aba mli!Lala 46:10; Luka 2:14, Good News Translation.

  2. Nyɔŋmɔ Maŋtsɛyeli lɛ baajɛ ŋwɛi eye shikpɔŋ muu lɛ fɛɛ nɔ. (Daniel 7:14) Ákɛ jeŋ muu fɛɛ nɔyeli lɛ, ebaajie maŋhedɔɔ ni ji nɔ titri ni kɛ tai babaoo baa lɛ kɛje shihilɛ mli.

  3. Atsɛɔ Yesu, ni ji Nyɔŋmɔ Maŋtsɛyeli lɛ Nɔyelɔ lɛ akɛ “Hejɔlɛ Lumɔ,” ni ebaakwɛ ni ‘toiŋjɔlɛ sɛɛ akafo kɔkɔɔkɔ.Yesaia 9:6, 7.

  4. Akɛni ‘Yehowa miihi mɛi ni feɔ yiwalɛ nii’ hewɔ lɛ, eŋmɛŋ gbɛ ni mɛi ni etswa amɛfai shi akɛ amɛkpaŋ nɔmɔ lɛ ahi Maŋtsɛyeli lɛ shishi.Lala 11:5; Abɛi 2:22.

  5. Nyɔŋmɔ tsɔɔ e-Maŋtsɛyeli lɛ shishi bii lɛ bɔ ni ahiɔ shi yɛ toiŋjɔlɛ mli. Be ni Biblia lɛ tsɔɔ nibii ni jɛɔ tsɔsemɔ nɛɛ mli kɛbaa lɛ, ekɛɛ akɛ: “Amɛkɛ amɛklantei aaasɔ̃ kɔii ni amɛkɛ amɛkpɔlɔi hu aaasɔ̃ adedai. Jeŋmaŋ ko woŋ klante nɔ eshiŋ jeŋmaŋ ko, ni amɛkaseŋ tawuu dɔŋŋ!Yesaia 2:3, 4.

Amrɔ nɛ po lɛ, Nyɔŋmɔ miitsɔɔ Yehowa Odasefoi akpekpei abɔ ni yɔɔ je lɛŋ fɛɛ lɛ bɔ ni ahiɔ shi yɛ toiŋjɔlɛ mli. (Mateo 5:9) Wɔjɛ wekui srɔtoi babaoo amli yɛ shikpɔji srɔtoi 230 kɛ sɛɛ anɔ moŋ nɛ, shi wɔkpoɔ akɛ wɔkɛ mɛi baawu ta.

Yehowa Odasefoi miikase bɔ ni ahiɔ shi yɛ toiŋjɔlɛ mli ŋmɛnɛ

 

Ekrokromɛi Hu Nɛ

Mɛni Ji Sanekpakpa Lɛ?

Kanemɔ koni ona nɔ ni sanekpakpa ni jɛ Nyɔŋmɔ ŋɔɔ lɛ ji, nɔ hewɔ ni ehe hiaa, kɛ nɔ ni esa akɛ ofee.