Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Ani Eja Gbɛ akɛ Kristofoi kɛ Nibii ni Akɛtsĩɔ Hɔ Naa Atsu Nii?

Ani Eja Gbɛ akɛ Kristofoi kɛ Nibii ni Akɛtsĩɔ Hɔ Naa Atsu Nii?

Hetoo ni Biblia lɛ kɛhãa

Yesu fãaa esɛɛnyiɛlɔi lɛ akɛ amɛfɔ loo amɛkafɔ. Asaŋ ekaselɔi lɛ ateŋ mɔ ko kwraa kɛ fãmɔ ni tamɔ nakai hãaa. Nɔ ko pɔtɛɛ ko bɛ Biblia lɛ mli ni tsɔɔ akɛ esaaa akɛ akudɔɔ fɔmɔ. Yɛ sane nɛɛ mli lɛ, wɔbaanyɛ wɔkɛ shishitoo mla ni yɔɔ Romabii 14:12 lɛ atsu nii, ekɛɛ: “Wɔteŋ mɔ fɛɛ mɔ baabu lɛ diɛŋtsɛ ehe akɔntaa ehã Nyɔŋmɔ.

No hewɔ lɛ, gbalashihilɛ mli hefatalɔi yɛ hegbɛ ni amɛkpɛɔ yiŋ akɛ amɛbaafɔ loo amɛfɔŋ. Amɛbaanyɛ amɛkpɛ yiŋ hu yɛ bii abɔ ni amɛbaafɔ, kɛ be ni amɛsumɔɔ ni amɛfɔ lɛ he. Kɛ́ nuu ko kɛ eŋa kpɛ amɛyiŋ akɛ amɛkɛ nibii loo tsofai ni fiteee hɔ ni akɛtsuɔ nii koni akahiɛ hɔ lɛ baatsu nii lɛ, no lɛ amɛ sɔŋŋ amɛsane ni, ni eji amɛ diɛŋtsɛ amɛsɔ̃. Esaaa akɛ mɔ ko kojoɔ amɛ.—Romabii 14:4, 10-13.