Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Ani Mɔ ko Baanyɛ Ale Mɔ Diɛŋtsɛ ni Ŋma Biblia lɛ?

Ani Mɔ ko Baanyɛ Ale Mɔ Diɛŋtsɛ ni Ŋma Biblia lɛ?

Hetoo ni Biblia lɛ kɛhãa

Akɛɛ mɛi babaoo akɛ wɔnyɛŋ wɔle mɛi ni ŋmala Biblia lɛ. Shi bei pii lɛ, Biblia lɛ jieɔ mɔ ni akɛtsu nii kɛŋmala lɛ ashi faŋŋ etsɔɔ. Biblia lɛ hei komɛi jeɔ shishi kɛ wiemɔi tamɔ ‘Nehemia saji nɛ,’ “Yesaia ninaa,” kɛ ‘Yehowa wiemɔ ní ba Yoel ŋɔɔ nɛ.Nehemia 1:1; Yesaia 1:1; Yoel 1:1.

Mɛi ni ŋmala Biblia lɛ ateŋ babaoo tsɔɔ akɛ Yehowa, anɔkwa Nyɔŋmɔ koome lɛ gbɛ́i amli amɛŋmala yɛ, ni lɛ ji mɔ ni hã amɛŋma. Gbalɔi ni ŋmala Hebri Ŋmalɛi lɛ wie fe shii 300 akɛ: “Bɔ ni Yehowa kɛɛ nɛ.” (Amos 1:3; Mika 2:3; Nahum 1:12) Mɛi komɛi hu anine shɛ Yehowa sane lɛ nɔ kɛjɛ bɔfoi aŋɔɔ.Zakaria 1:7, 9.

Mɛi aaafee 40 ŋmala Biblia lɛ, ni ehé amɛ nɔ ni fe afii 1,600 sɔŋŋ. Akɛ amɛteaŋ mɛi komɛi tsu nii kɛŋmala Biblia mli woji fe ekome. Anɔkwa, Biblia lɛ ji wojiatoohe bibioo ko ni woji 66 sɔŋŋ yɔɔ mli. Ehiɛ Hebri Ŋmalɛi lɛ ni atsɛɔ lɛ Kpaŋmɔ Momo lɛ woji 39 lɛ, kɛ Kristofoi A-Hela Ŋmalɛi ni afɔɔ lɛ tsɛmɔ akɛ Kpaŋmɔ Heei lɛ woji 27 lɛ.

 

Ekrokromɛi Hu Nɛ

Ani Biblia lɛ Ja?

Kɛ́ Nyɔŋmɔ ji Biblia lɛ ŋmalɔ lɛ, belɛ esa akɛ esoro Biblia lɛ yɛ woji krokomɛi fɛɛ he.