Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Mɛni Kooloo Awuiyelɔ ni Yɔɔ Yitsei Kpawo ni Awie Ehe yɛ Kpojiemɔ Yitso 13 lɛ Damɔ Shi Kɛhã?

Mɛni Kooloo Awuiyelɔ ni Yɔɔ Yitsei Kpawo ni Awie Ehe yɛ Kpojiemɔ Yitso 13 lɛ Damɔ Shi Kɛhã?

Hetoo ni Biblia lɛ kɛhãa

Kooloo awuiyelɔ ni yɔɔ yitsei kpawo ni awie ehe yɛ Kpojiemɔ 13:1 lɛ damɔ shi kɛhã jeŋ fɛɛ maŋkwramɔŋ gbɛjianɔtoo.

  • Eyɛ hewalɛ, hegbɛ, kɛ maŋtsɛ sɛi, ni tsɔɔ akɛ eji maŋkwramɔŋ gbɛjianɔtoo.Kpojiemɔ 13:2.

  • Eyeɔ “weku fɛɛ weku kɛ gbɔmɛi srɔtoi fɛɛ kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ nɔ,” no hewɔ lɛ, eyɛ hegbɛ fe maŋ kome nɔ maŋkwramɔŋ nɔyeli.Kpojiemɔ 13:7.

  • Ehiɛ kooloi ejwɛ ni awie amɛhe yɛ Daniel 7:2-8 lɛ asui lɛ fɛɛ eko, ni anaa lɛ tamɔ kootsɛ, eyɛ oshishibrishi naji, jata naabu, kɛ aklontoi nyɔŋma. Abayɔse kooloi ni yɔɔ Daniel gbalɛ lɛ mli lɛ akɛ maŋtsɛmɛi pɔtɛɛ komɛi, aloo maŋkwramɔŋ nɔyelii ni eko nyiɛɔ eko sɛɛ kɛyeɔ maji anɔ. (Daniel 7:17, 23) No hewɔ lɛ, kooloo awuiyelɔ ni yɔɔ Kpojiemɔ yitso 13 lɛ, feɔ maŋkwramɔŋ gbɛjianɔtoi fɛɛ ni efee ekome he mfoniri.

  • Eje kpo “kɛjɛ ŋshɔ lɛ” ni ji, adesai akuu ni efee hamahama lɛ mli; mɛnɛɛmɛi ji adesai anɔyeli lɛ ajɛɛhe.Kpojiemɔ 13:1; Yesaia 17:12, 13.

  • Biblia lɛ tsɔɔ mli akɛ kooloo lɛ yibɔ okadi aloo egbɛ́i—666—lɛ ji “gbɔmɔ yibɔ.” (Kpojiemɔ 13:17, 18) [Link “number, or name, of the beast—666” to the BQA “What Does 666 Mean?”] Enɛ hãa wɔnaa akɛ kooloo ni awie ehe yɛ Kpojiemɔ yitso 13 lɛ ji adesa gbɛjianɔtoo, shi ejeee mumɔ aloo daimonio gbɛjianɔtoo ko.

Eyɛ mli akɛ majimaji kɛ amɛhe kpãaa gbee yɛ nibii babaoo amli moŋ, kɛ̃lɛ amɛfeɔ ekome kɛbuɔ amɛhegbɛ lɛ he moŋ fe ni amɛbaaŋɔ amɛhe amɛwo Nyɔŋmɔ Maŋtsɛyeli nɔyeli lɛ shishi. (Lala 2:2) Amɛbaafee ekome ni amɛkɛ Nyɔŋmɔ tai ni Yesu Kristo ji amɛhiɛnyiɛlɔ lɛ ayawu yɛ Harmagedon, shi nɔ ni baajɛ mli aba ji abaakpata majimaji lɛ ahiɛ shi kome.Kpojiemɔ 16:14, 16; 19:19, 20.

“Akolontoi nyɔŋma kɛ yitsei kpawo”

Biblia lɛ kɛ yibɔi komɛi tsuɔ nii yɛ okadifeemɔ mli. Ákɛ nɔkwɛmɔnɔ lɛ, yibɔ ni ji nyɔŋma kɛ yibɔ ni ji kpawo feɔ nɔ ko ni eye muu he mfoniri. [Link “numbers are used as symbols in the Bible” to BQA “What Do Numbers Mean in the Bible?”] Nɔ ko ni baaye ebua wɔ ni wɔle nɔ pɔtɛɛ ni kooloo ni awie ehe yɛ Kpojiemɔ yitso 13 lɛ “akolontoi nyɔŋma kɛ yitsei kpawo” lɛ damɔ shi kɛhã lɛ ji “kooloo awuiyelɔ lɛ amaga lɛ.” Lɛ awie ehe sɛɛ mli yɛ Kpojiemɔ lɛ mli akɛ kooloo awuiyelɔ ko ni tsuɔ fɔɔ ni yɔɔ yitsei kpawo kɛ aklontoi nyɔŋma lɛ. (Kpojiemɔ 13:1, 14, 15; 17:3) Biblia lɛ tsɔɔ akɛ kooloo ni tsuɔ fɔɔ nɛɛ yitsei kpawo lɛ damɔ shi kɛhã “maŋtsɛmɛi kpawo” aloo nɔyelii.Kpojiemɔ 17:9, 10.

Nakai nɔŋŋ, kooloo ni awie ehe yɛ Kpojiemɔ yitso 13 kuku 1 lɛ yitsei kpawo lɛ damɔ shi kɛhã nɔyelii kpawo: maŋkwramɔ nɔyelii titrii ni eye adesai anɔ yɛ yinɔsane fɛɛ mli ni amɛnyiɛ hiɛ kɛwa Nyɔŋmɔ webii lɛ ayi ji Ejipt, Ashur, Babilon, Medo-Persia, Hela, Roma kɛ Anglo-Amerika. Kɛ́ wɔmu sane naa akɛ aklontoi nyɔŋma lɛ damɔ shi kɛhã maji anɔ nɔyelii—bibii kɛ agboi—fɛɛ lɛ, belɛ, maŋtsɛfaii ni bumɔ aklontoi lɛ tsɔɔ akɛ, maji lɛ eko fɛɛ eko kɛ jeŋ hewalɛ ni yɔɔ lɛ miiye nɔ yɛ be kome too lɛ nɔŋŋ mli.

Ekrokromɛi Hu Nɛ

Ani “Naagbee Gbii lɛ” Amli Wɔyɔɔ Lɛ?

Kanemɔ koni ona bɔ ni mɛi anifeemɔi kɛ amɛjeŋba maa nɔ mi akɛ wɔyɛ “naagbee gbii lɛ” ni Biblia lɛ gba fɔ̃ shi lɛ mli.