Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Yehowa Odasefoi

Ga

Gbele Gbeyeishemɔ—Te Obaafee Tɛŋŋ Oye Nɔ?

Gbele Gbeyeishemɔ—Te Obaafee Tɛŋŋ Oye Nɔ?

Hetoo ni Biblia kɛhãa

Eja jogbaŋŋ akɛ wɔsheɔ henyɛlɔ ni ji gbele lɛ gbeyei, ni wɔfeɔ nɔ fɛɛ nɔ ni wɔɔnyɛ kɛbuɔ wɔwala he. (1 Korintobii 15:26) Kɛ̃lɛ, gbele gbeyeishemɔ ni damɔ amale tsɔɔmɔ loo mumɔi atsɛmɔ hemɔkɛyelii anɔ lɛ ehã mɛi “etsɔmɔ nyɔji yɛ amɛwala be fɛɛ mli.” (Hebribii 2:15) Kɛ́ ole anɔkwale ni kɔɔ gbele he lɛ, obaaye ohe kɛje gbeyei ni asheɔ gbele lɛ he—eji gbeyeishemɔ ko ni haŋ oná miishɛɛ kpakpa ko yɛ shihilɛ mli.Yohane 8:32.

Anɔkwa saji ni kɔɔ gbele he

  • Gbohii lɛ leee nɔ ko nɔ ko. (Lala 146:4) Ehe ehiaaa ni osheɔ gbeyei akɛ kɛ́ ogbo lɛ, abaapiŋ bo ejaakɛ Biblia lɛ kɛ gbele toɔ wɔ ni awɔ he.Lala 13:3; Yohane 11:11-14.

  • Gbohii lɛ nyɛŋ aye wɔ awui. Henyɛlɔi ni yitseiaŋ wala lɛ tete po ewɔ yɛ “gbohii agwabɔɔ lɛ mli.” (Abɛi 21:16) Biblia lɛ kɛɔ akɛ “amɛnyɛɛ jio, amɛwuŋayeli jio, fɛɛ eho etee jeeŋmɔ beebe.”Jajelɔ 9:6.

  • Kɛ́ wɔgboi lɛ, no diɛŋtsɛ etsɔɔɔ akɛ wɔbaŋ shihilɛ mli kwraa ji no. Nyɔŋmɔ baatee mɛi ni egboi lɛ ashi kɛba wala mli ekoŋŋ.Yohane 5:28, 29; Bɔfoi 24:15.

  • Nyɔŋmɔ ewo shi akɛ be ko baaba ni “gbele bɛ dɔŋŋ.” (Kpojiemɔ 21:4) Biblia lɛ wie nakai be lɛ he akɛ: “Jalɔi lɛ, shikpɔŋ lɛ aaatsɔ amɛnɔ̃ ni amɛaahi nɔ daa,” mɔ ko kwraa bɛ ni baashe gbeyei akɛ ebaagbo.—Lala 37:29.