Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Yehowa Odasefoi

Ga

Ani Adesai Anilee Yɔɔ Biblia lɛ Mli?

Ani Adesai Anilee Yɔɔ Biblia lɛ Mli?

Hetoo ni Biblia lɛ Kɛhãa

Nilee wiemɔi babaoo yɛ Biblia lɛ, ni atsɛɔ lɛ Ŋmalɛ Krɔŋkrɔŋ lɛ mli. Kɛ̃lɛ, kadimɔ nɔ ni Biblia lɛ diɛŋtsɛ kɛɔ yɛ ehe: ‘Ŋmalɛ fɛɛ ŋmalɛ jɛ Nyɔŋmɔ Mumɔ lɛŋ.’ (2 Timoteo 3:16) Odaseyelii babaoo yɛ ni maa nakai sane lɛ nɔ mi. Susumɔ odaseyelii ni nyiɛ sɛɛ nɛɛ ahe okwɛ:

  • Mɔ ko nyɛko eje bɔ ni Biblia lɛ ja yɛ yinɔsane naa lɛ he ŋwane ni eye omanye.

  • Hii anɔkwafoi ji mɛi ni akɛtsu nii kɛŋma Biblia lɛ, ni amɛjɛ tsui krɔŋŋ mli amɛfee amɛŋmala saji lɛ. Bɔ ni amɛshiuuu saji anɔ lɛ hãa anaa akɛ nibii ni amɛŋmala lɛ fɛɛ ji anɔkwale.

  • Biblia muu lɛ fɛɛ hiɛ saneyitso kome pɛ: Nyɔŋmɔ yɛ hegbɛ akɛ eyeɔ adesai anɔ, ni ebaatsɔ eŋwɛi Maŋtsɛyeli lɛ nɔ ehã eyiŋtoi aba mli.

  • Eyɛ mli akɛ aŋma Biblia lɛ afii akpei komɛi ni eho nɛ moŋ, shi jeŋ shikpámɔ mli susumɔi ni ejaaa ni mɛi babaoo yɔɔ lɛ eko kwraa bɛ Biblia lɛ mli.

  • Yinɔsane mli odaseyeli ni aŋma afɔ shi lɛ maa nɔ mi akɛ Biblia gbalɛi, loo nibii ni ewie akɛ ebaaba lɛ eba mli pɛpɛɛpɛ.