Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Yehowa Odasefoi

Ga

Ani Yesu Wala Shihilɛ He Saji ni Ja Yɛ Biblia lɛ Mli?

Ani Yesu Wala Shihilɛ He Saji ni Ja Yɛ Biblia lɛ Mli?

Hetoo ni Biblia lɛ Kɛhãa

Biblia ŋmalɔ Luka ŋma yɛ emaniɛbɔɔ ni kɔɔ Yesu wala shihilɛ he lɛ mli akɛ: “Mitao nibii fɛɛ naa fitsofitso kɛjɛ shishijee.Luka 1:3.

Mɛi komɛi kɛɛ akɛ, atsake Yesu wala shihilɛ he amaniɛbɔɔ ni aŋmala yɛ Sanekpakpai lɛ amli—nibii ni Mateo, Marko, Luka, kɛ Yohane ni hi shi yɛ ebeaŋ lɛ ŋmala—lɛ ahiɛ yɛ aaafee afi 400 afiiaŋ [Afi 300 Ŋ.B.].

Kɛ̃lɛ, ayana Yohane Sanekpakpa wolo lɛ fã ko yɛ Egipt yɛ afi 2000 shishijee mli.. Amrɔ nɛɛ abale lɛ akɛ Papyrus Rylands 457 (P52) ni akɛto John Rylands Library, ni yɔɔ Manchester, England lɛ. Nɔ ni yɔɔ wolo lɛ mli ji Yohane 18:31-33, 37, 38 ni jeɔ kpo yɛ Bibliai ni wɔyɔɔ ŋmɛnɛ lɛ amli lɛ.

Enɛ ji Kristofoi A-Hela Ŋmalɛi lɛ amli wolokpo lɛ fã ko ni etsɛ fe fɛɛ ni ale. Woloŋlelɔi saŋŋ heɔ amɛyeɔ akɛ aŋma aaafee afi 125 Ŋ.B., aaafee afii 25 loo nɔ sɛɛ be ni aŋma wolo lɛ klɛŋklɛŋ lɛ. Etamɔ nɔ ni wolokpo lɛ mli niŋmai lɛ fɛɛ kɛ wolokpoi krokomɛi ni ba sɛɛ mli lɛ amli niŋmai kpãa gbee.