Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Ani Ato Be ni Wɔkɛbaagbo Afɔ̃ Shi?

Ani Ato Be ni Wɔkɛbaagbo Afɔ̃ Shi?

Hetoo ni Biblia lɛ kɛhãa

Dabi, atoko be ni wɔkɛbaagbo. Biblia lɛ fiii nɔ ni atsɛɔ lɛ shɛɛ mli sane lɛ sɛɛ, moŋ lɛ, etsɔɔ akɛ bei pii lɛ, ‘nibii ni baa mɔ nɔ trukaa’ lɛ ji nɔ ni kɛ gbele baa.Jajelɔ 9:11, NW.

Ani Biblia lɛ ekɛɛɛ akɛ “gbele be yɛ”?

Eji anɔkwale, Jajelɔ 3:2 lɛ kɛɔ akɛ, “fɔmɔ be yɛ, ni gbele be hu yɛ; tɛomɔ be yɛ, ni nɔ ni atɛo lɛ fãamɔ be hu yɛ.” Shi kɛ́ wɔkwɛ sane tsɔ ŋmalɛ nɛɛ hiɛ kɛ no sɛɛ lɛ, ehãa wɔnaa akɛ Biblia lɛ miiwie shihilɛ mli nibii ni yaa nɔ daa lɛ ahe. (Jajelɔ 3:1- 8) Bɔ ni Nyɔŋmɔ enyɛɛɛ okwaafonyo ko nɔ koni edu dumɔwu yɛ gbi pɔtɛɛ ko nɔ lɛ, nakai nɔŋŋ etoko be pɔtɛɛ ni esa akɛ mɔ ko kɛgbo. Moŋ lɛ, oti lɛ ji, esaaa akɛ wɔhãa shihilɛ mli nibii ni he ehiaaa tsɔ lɛ heɔ wɔjwɛŋmɔ aahu akɛ wɔhiɛ baakpa wɔ-Bɔlɔ lɛ nɔ.Jajelɔ 3:11; 12:1, 13.

Wɔwala sɛɛ baanyɛ atsɛ

Eyɛ mli akɛ nibii ni wɔkpaa gbɛ baa wɔnɔ trukaa moŋ, shi kɛ́ wɔkɛ nilee kpɛ yiŋ ni ja lɛ, wɔwala sɛɛ baanyɛ atsɛ. Biblia lɛ kɛɔ akɛ: “Nilelɔi anitsɔɔmɔ lɛ, wala nubu ni akɛjeɔ gbele tsɔnei amli ni.” (Abɛi 13:14) Nakai nɔŋŋ Mose kɛɛ Israelbii lɛ akɛ kɛ́ amɛye Nyɔŋmɔ kitãi lɛ anɔ lɛ ‘amɛwala gbii asɛɛ baatsɛ.’ (5 Mose 6:2) Nɔ ni tamɔɔɔ nakai lɛ, kɛ́ wɔfeɔ kwashia anii loo wɔfeɔ nibii gbohii lɛ, wɔbaanyɛ wɔgbo mra.Jajelɔ 7:17.

Kɛ̃lɛ, ekɔɔɔ he eko bɔ ni wɔbaaba wɔjeŋ jogbaŋŋ wɔhã lɛ, wɔnyɛŋ wɔjo gbele naa foi. (Romabii 5:12) Shi shihilɛ nɛɛ baatsake, ejaakɛ Biblia lɛ ewo shi akɛ, be baashɛ ni abaajie gbele kɛje shihilɛ lɛ mli.Kpojiemɔ 21:4.

Ekrokromɛi Hu Nɛ

Mɛɛ Hiɛnɔkamɔ Yɔɔ Kɛha Gbohii Lɛ?

Mɛni baa kɛ́ wɔgboi? Ani wɔbaanyɛ wɔna wɔsuɔlɔi ni egboi lɛ ekoŋŋ?

Mɛni Hewɔ Wɔyɔɔ Shihilɛ Mli?

Ani obi ohe pɛŋ akɛ, ‘Mɛni hewɔ miyɔɔ shihilɛ mli?’ Kanemɔ koni ona hetoo ni Biblia lɛ kɛhãa nakai sanebimɔ lɛ.