Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Yehowa Odasefoi

Ga

Mɛni Hewɔ Anyɛko Aná Toiŋjɔlɛ yɛ Je Lɛŋ Lɛ?

Mɛni Hewɔ Anyɛko Aná Toiŋjɔlɛ yɛ Je Lɛŋ Lɛ?

Hetoo ni Biblia lɛ kɛhãa

Mɔdɛŋ fɛɛ ni adesai bɔɔ kɛná toiŋjɔlɛ yɛ je lɛŋ fɛɛ lɛ efee yaka, ni eyeŋ omanye kɔkɔɔkɔ yɛ yiŋtoi babaoo ahewɔ:

  • Adesa ní nyiɛ nɛɛ, bɔ ni eeetsɔ ejaje enajifaamɔi ehã lɛ, ebɛ edɛŋ.” (Yeremia 10:23) Abɔɔɔ adesai kɛ nyɛmɔ loo hegbɛ akɛ amɛ diɛŋtsɛ amɛye amɛnɔ, no hewɔ lɛ, amɛnyɛŋ amɛkɛ toiŋjɔlɛ ni sɛɛ tsɛɔ aba.

  • Nyɛkaŋɔa nyɛhiɛ nyɛfɔ̃a adesai ahiɛnyiɛlɔi anɔ; gbɔmɔ ko kwraa bɛ ni baanyɛ ahere oyiwala. Kɛ́ amɛgboi lɛ amɛtsɔmɔɔ sũ ekoŋŋ; nakai gbi lɛ nɔŋŋ lɛ amɛyiŋtoi fɛɛ baa naagbee.” (Lala 146:3, 4, Good News Translation) Maŋ nɔyelɔi, kɛ amɛteŋ mɛi ni hiɛ yiŋtoi kpakpai lɛ po nyɛŋ aná nibii ni kɛ tai baa lɛ anaa tsabaa ni mɔɔ shi.

  • Naagbee gbii lɛ anɔ lɛ jaramɔ bei baaba. Ejaakɛ gbɔmɛi aaatsɔmɔ . . . mɛi ni hiɛ yɔɔ la, mɛi ni sumɔɔɔ ekpakpa, sɛɛgbɛtsɔɔlɔi, yiwalɔi, henɔwolɔi.” (2 Timoteo 3:1-4) Jeŋ fɔŋ nɛɛ “naagbee gbii lɛ” amli wɔyɔɔ amrɔ nɛɛ; eji be ni mɛi asui kɛ amɛnifeemɔi baahã toiŋjɔlɛ námɔ awa diɛŋtsɛ.

  • Kpóo hã mɛi ni yɔɔ shikpɔŋ lɛ nɔ kɛ ŋshɔ hiɛ lɛ! Ejaakɛ abonsam lɛ ekpeleke shi kɛba nyɛŋɔɔ, egiri naakpa, ni ele akɛ be fioo kɛkɛ eyɔɔ.” (Kpojiemɔ 12:12) Atsĩ Abonsam, ni ji Nyɔŋmɔ henyɛlɔ lɛ naa awo shikpɔŋ nɛɛ nɔ, ni ewoɔ mɛi hewalɛ koni amɛkase eyiwalɛ nifeemɔi lɛ. Bei abɔ ni ekã he eji “je nɛŋ lumɔ lɛ,” wɔnyɛŋ wɔná toiŋjɔlɛ kɔkɔɔkɔ.Yohane 12:31.

  • Nyɔŋmɔ Maŋtsɛyeli lɛ baajwara maŋtsɛyelii fɛɛ ni teɔ shi woɔ Nyɔŋmɔ lɛ wɔtsɔwɔtsɔ, ni ebaakpãta amɛhiɛ, shi lɛ diɛŋtsɛ lɛ ebaadamɔ shi kɛaatee naanɔ.’ (Daniel 2:44) Nyɔŋmɔ Maŋtsɛyeli lɛ ji nɔyeli ni kɛ jeŋ fɛɛ toiŋjɔlɛ ni sɛɛ efooo ni wɔtaoɔ lɛ baaba, shi jeee adesa nɔyeli ko.Lala 145:16.