Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Yehowa Odasefoi

Ga

Namɔ ji Antikristo Lɛ?

Namɔ ji Antikristo Lɛ?

Hetoo ni Biblia lɛ kɛhãa

Antikristo lɛ jeee gbɔmɔ kome ko aloo mɔ pɔtɛɛ ko kɛkɛ, ejaakɛ Biblia lɛ kɛɔ akɛ “antikristoi pii” yɛ. (1 Yohane 2:18) No najiaŋ lɛ, wiemɔ “antikristo,” ni aná kɛjɛ Hela wiemɔ ko ni shishi ji “shi ni ateɔ awoɔ Kristo” lɛ mli lɛ kɔɔ mɔ fɛɛ mɔ ni feɔ nibii ni nyiɛ sɛɛ nɛɛ lɛ he:

  • Mɔ ni kpoɔ akɛ Yesu ji Kristo (Mesia) lɛ aloo ekpoɔ akɛ eji Nyɔŋmɔ Bi lɛ.1 Yohane 2:22.

  • Eteɔ shi ewoɔ Kristo lɛ, Mɔ ni Nyɔŋmɔ Efɔ lɛ Mu lɛ.Lala 2:1, 2; Luka 11:23.

  • Mɛi ni kwaa feɔ amɛhe Kristo.Mateo 24:24.

  • Mɛi ni waa Kristo sɛɛnyiɛlɔi lɛ ayi, ejaakɛ Yesu buɔ nɔ ni afeɔ amɛ lɛ akɛ lɛ afeɔ ashiɔ.Bɔfoi 9:5.

  • Mɛi ni kwaa feɔ amɛhe Kristofoi, ni nakai beaŋ nɔŋŋ lɛ amɛmiitsu mlatɔmɔ nitsumɔi aloo amɛshishiuɔ mɛi.Mateo 7:22, 23; 2 Korintobii 11:13.

Biblia lɛ tsɛɔ aŋkroaŋkroi ni tsuɔ nibii nɛɛ akɛ antikristoi, shi no sɛɛ hu lɛ, ekɛ gbɛ́i “antikristo” tsɛɔ amɛ fɛɛ akɛ kuu. (2 Yohane 7) Ayɔse antikristo lɛ klɛŋklɛŋ kwraa yɛ Kristo kaselɔi lɛ abeaŋ, ni amɛmiitsu nii lolo kɛbashi wɔ be nɛɛ mli. Biblia lɛ gba fɔ̃ shi akɛ nibii ni tamɔ nɛkɛ baaba.1 Yohane 4:3.

Bɔ ni ooofee oyɔse antikristoi lɛ

  • Amɛgbɛɔ Yesu he saji ni ejaaa amɛshwãa. (Mateo 24:9, 11) Ákɛ nɔkwɛmɔnɔ lɛ, Triniti tsɔɔlɔi aloo mɛi ni tsɔɔ akɛ Yesu ji Nyɔŋmɔ Ofe lɛ kpoɔ Yesu tsɔɔmɔ akɛ: “Tsɛ lɛ da fe mi” lɛ.Yohane 14:28.

  • Antikristoi lɛ kpoɔ nibii ni Yesu wie yɛ bɔ ni Nyɔŋmɔ Maŋtsɛyeli lɛ tsuɔ nii ehãa lɛ he lɛ. Ákɛ nɔkwɛmɔnɔ lɛ, jamɔŋ hiɛnyiɛlɔi komɛi kɛɔ akɛ Kristo fiɔ gbɔmɛi anɔyelii asɛɛ. Kɛ̃lɛ, enɛ kɛ Yesu tsɔɔmɔ akɛ: “Mi-Maŋtsɛyeli lɛ jɛɛɛ je nɛɛ mli” lɛ kpãaa gbee.Yohane 18:36.

  • Amɛkɛɔ akɛ Yesu ji amɛ-Nuŋtsɔ, shi amɛyeee efamɔi lɛ anɔ, titri lɛ efamɔ akɛ ayashiɛ Maŋtsɛyeli lɛ he sane kpakpa lɛ.Mateo 28:19, 20; Luka 6:46; Bɔfoi 10:42.

Ekrokromɛi Hu Nɛ

SANEBIMƆI NI BIBLIA LƐ EHA HETOO

Mɛni 666 lɛ Tsɔɔ?

Biblia lɛ tsɔɔ nɔ ni yibɔ 666 lɛ kɛ kooloo awuiyelɔ lɛ okadi lɛ damɔ shi kɛhã.

BUU-MƆƆ

Amale Akɛ Anyɛŋ Ale Nyɔŋmɔ

Triniti tsɔɔmɔ lɛ haaa anyɛ ale Nyɔŋmɔ jogbaŋŋ koni asumɔ lɛ. Ani obaanyɛ osumɔ mɔ ko ni onyɛŋ ole lɛ, loo onu lɛ shishi?