Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

APRIL 12, 2016
AZERBAIJAN

Azerbaijan Polisifoi Yamɔmɔ Odasefoi yɛ Kristo Gbele lɛ Kaimɔ Gbijurɔyeli lɛ Shishi

Azerbaijan Polisifoi Yamɔmɔ Odasefoi yɛ Kristo Gbele lɛ Kaimɔ Gbijurɔyeli lɛ Shishi

Yɛ March 23, 2016 lɛ, polisifoi ni yɔɔ Gakh maŋ lɛ mli lɛ kɛ basabasafeemɔ yatsi Yehowa Odasefoi lɛ anaa be ni Odasefoi lɛ miiye Yesu Kristo Gbele lɛ Kaimɔ, ni ji gbi jurɔ ko ni he hiaa waa kɛhã Yehowa Odasefoi lɛ. No mli lɛ, Odasefoi lɛ miiye gbi jurɔ nɛɛ yɛ mɔ ko shĩa. Polisifoi lɛ kɛ woji komɛi ni amɛkɛɛ eji gbɛŋmɛɛ woji ni kɔɔtu ko kɛhã amɛ koni amɛbakwɛ mɛi ni eba nifeemɔ lɛ shishi lɛ anibii amli. No hewɔ lɛ, amɛhehei mɛi ni eba nifeemɔ lɛ shishi lɛ awoji ni amɛkɛkaseɔ Biblia lɛ kɛ Bibliai ni amɛhiɛ lɛ yɛ amɛdɛŋ. No sɛɛ lɛ, polisifoi lɛ kpala mɛi lɛ fɛɛ kɛtee polis steshɛŋ ní yɔɔ Gakh maŋ lɛ mli lɛ, ni amɛyabibii amɛ saji yɛ jɛmɛ, ni amɛfã amɛ koni amɛŋmala amɛnaa saji. Be ni polisifoi lɛ eŋmala hii lɛ ateŋ ekpaa ahe saji ni amɛbaanyɛ amɛdamɔ nɔ amɛkɛɛ akɛ hii nɛɛ eku maŋ mla (Administrative Violations Code) mli lɛ sɛɛ lɛ, amɛŋmɛɛ amɛ kɛ mɛi krokomɛi lɛ ahe.