Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

JANUARY 7, 2016
AZERBAIJAN

Jeŋmaji Ekomefeemɔ lɛ Kuu ko Efã Azerbaijan Nɔyeli lɛ Koni Ejie Awula Zakharchenko kɛ Awula Jabrayilova yɛ Tsuŋwoohe Lɛ

Jeŋmaji Ekomefeemɔ lɛ Kuu ko Efã Azerbaijan Nɔyeli lɛ Koni Ejie Awula Zakharchenko kɛ Awula Jabrayilova yɛ Tsuŋwoohe Lɛ

Jeŋmaji Ekomefeemɔ Kuu lɛ gbene ni kwɛɔ mɛi ni awo amɛ tsuŋ yɛ gbɛ ni ejaaa nɔ lɛ asane mli lɛ efã Azerbaijan nɔyeli lɛ koni eŋmɛɛ Irina Zakharchenko kɛ Valida Jabrayilova he. Kuu lɛ yɔse akɛ Azerbaijan wo amɛ tsuŋ be ni amɛfeko efɔŋ ko, no mli lɛ amɛmiitsu amɛjamɔŋ nifeemɔi ni eteee shi ewooo mla lɛ he nii yɛ toiŋjɔlɛ mli; ni eji hegbɛ ni amɛyɔɔ akɛ maŋbii. Shi akɛni asumɔɔɔ amɛjamɔ lɛ hewɔ lɛ, amɔmɔ amɛ, ni akɛ gbɛ ni majimaji fɛɛ kpɛlɛɔ nɔ akɛ akɛtsu nii yɛ saneyeli mli kɛhã jalɛsaneyeli lɛ tsuuu nii yɛ amɛgbɛfaŋ. Jeee bɔ ni akɛ yei nɛɛ ye ahã dani akɛ amɛ tee saneyelihe lɛ he kɛkɛ kuu nɛɛ wieɔ. Kuu nɛɛ miitsɔɔ hu akɛ kɛ́ awo amɛ tsuŋ loo agbe amɛ shika gbele yɛ amɛjamɔ nifeemɔ nɛɛ hewɔ lɛ, ayeko jalɛsane kwraa, ni ebaafee hiɛaŋkwɛmɔ ni esaaa kwraa.

Azerbaijan nɔyeli lɛ ku ehiɛ eshwie famɔ ni Jeŋmaji Ekomefeemɔ lɛ gbene ni kwɛɔ adesai ahegbɛi anɔ lɛ kɛhã amɛ mra mli akɛ, esa akɛ amɛjie Irina yɛ tsuŋwoohe lɛ nɔ. Yɛ January 7, 2016 lɛ, akɛni Irina bɛ hewalɛ kwraa hewɔ lɛ, eyanyɛɛɛ eya saneyelihe lɛ. Kɛ́ atsɛ sane lɛ be kroko lɛ, ani Kojolɔ Akram Gahramanov kɛ fãmɔ ni Jeŋmaji Ekomefeemɔ lɛ kɛhã amɛ lɛ baatsu nii?