Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

DECEMBER 7, 2015
UNITED STATES

Yehowa Odasefoi Ebɔi Amɛtsũi Srɔtoi ni Yɔɔ Brooklyn lɛ Ahɔɔmɔ—Mɛi Ekpa Enɛ Gbɛ Waa

Yehowa Odasefoi Ebɔi Amɛtsũi Srɔtoi ni Yɔɔ Brooklyn lɛ Ahɔɔmɔ—Mɛi Ekpa Enɛ Gbɛ Waa

NEW YORK—Yehowa Odasefoi miihɔɔ amɛtsũi ni yɔɔ Dumbo kɛ Brooklyn Heights ni yɔɔ Brooklyn, yɛ New York lɛ; eji tsũi ni mɛi babaoo etao akɛ amɛbaahe. Mɛi srɔtoi ebɔi woji anɔ nii ŋmalamɔ kɛhã tsũi nɛɛ ateŋ nɔ ni yɔɔ 85 Jay Street, ni ji Brooklyn shikpɔji wuji ni atsuku nɔ nii tsɔ lɛ ateŋ ekome lɛ, kɛ ŋwɛitsu nsɔɔdoi nyɔŋma ni yɔɔ 124 Columbia Heights lɛ ahemɔ. Amɛmiihɔɔ amɛnitsumɔhe yitso ni yɔɔ 25/30 Columbia Heights lɛ hu. Ɔfis ko ni Odasefoi lɛ eto lɛ (Watchtower Real Estate Office) ji mɛi ni kwɛɔ koni ahɔɔ tsũi wuji etɛ nɛɛ, ni tsũi nɛɛ eko fɛɛ eko yɛ ehe gbɛjianɔ ni ato kɛhã ehɔɔmɔ.

Richard Devine, ni eji Yehowa Odasefoi anaawielɔi lɛ ateŋ mɔ kome lɛ, tsɔɔ mli akɛ, shikpɔŋ kɛ enɔ tsũi ni yɔɔ 85 Jay Street lɛ lɛɛmɔ kɛ ekɛlɛ feɔ mitai 12,542, ni eyɛ Dumbo akutso ni mɛi sumɔɔ jɛmɛ waa lɛ mli. Etsɔɔ mli hu akɛ kɛ́ mɔ ko hé lɛ, eyɛ hegbɛ akɛ etsara tsũi ni yɔɔ nɔ lɛ anɔ loo emamɔ ekrokomɛi efata nɔ ni yɔɔ nɔ lɛ he.

Tsũi ni yɔɔ 85 Jay Street lɛ yɛ Manhattan Bridge ni yɔɔ Dumbo akutso ni yɔɔ fɛo lɛ jɔɔ mli.

Odasefoi lɛ ashĩa wulu ni yɔɔ 124 Columbia Heights, yɛ Brooklyn Heights kpokpaa ni ehé gbɛ́i waa lɛ nɔ lɛ, lɛɛmɔ kɛ ekɛlɛ shɛɔ mitai 14,121. Owula Devine wie akɛ: “Shĩa wulu nɛɛ yɛ fɛo pam, ni kɛ́ oyɛ jɛmɛ lɛ, onaa hei tamɔ Brooklyn Bridge lɛ, Statue of Liberty lɛ, kɛ Lower Manhattan hei ni feɔ tamɔ ekɛ atatu lɛ jeɔ husu lɛ jogbaŋŋ.

Tsũi ni yɔɔ 124 Columbia Heights lɛ yɛ Brooklyn Heights akutso ni ehé gbɛ́i waa lɛ mli.

Yehowa Odasefoi ajeŋ fɛɛ nitsumɔhe yitso lɛ ehi 25/30 Columbia Heights (mfoniri ni yɔɔ ŋwɛigbɛ lɛ) afii nyɔŋmai komɛi nɛ, ni New York bii babaoo le nitsumɔhe yitso nɛɛ waa yɛ Buu-Mɔɔ loo Watchtower okadi lɛ kɛ watsi ni ma nɔ lɛ hewɔ. Kɛ́ abu shikpɔŋ ni tsũi lɛ mamɔ nɔ lɛ anaa lɛ, elɛɛmɔ kɛ ekɛlɛ shɛɔ mitai 68,098 kɛ sɛɛ, aaafee maŋtiase wulu ko mli akutsei enyɔ dalɛ, ni kɛ́ oyɛ jɛmɛ lɛ, onaa Brooklyn Bridge lɛ jogbaŋŋ diɛŋtsɛ.

Be ni Owula Devine wieɔ gbɛjianɔ srɔtoi ni Odasefoi lɛ eto lɛ he lɛ, ekɛɛ akɛ, “Tsũi ni wɔhɔɔ amrɔ nɛɛ fata gbɛjianɔ ni wɔto koni wɔjie wɔjeŋ fɛɛ nitsumɔhe yitso lɛ kɛya Warwick, yɛ New York lɛ he.”

Kɛ́ ootao ole tsũi ni ahɔɔ nɛɛ ahe saji fitsofitso lɛ, ofainɛ yaa wɛbsait ni ji www.watchtowerbrooklynrealestate.com lɛ nɔ. Agbɛnɛ hu, kɛ́ ootao obibii tsũi nɛɛ ahe saji loo okwɛ amɛhe mfonirii lɛ, obaanyɛ obi kɛjɛ ɔfis ni tsuɔ saji nɛɛ ahe nii, ni ji Office of Public Information lɛ.

Obaanyɛ Otswa Wɔnɔba Nɛɛ:

David A. Semonian, Office of Public Information, tel. +1 718 560 5000