Freagraíonn an Bíobla

 Deir an Bíobla gurb é toil Dé é “go seachnódh sibh an drúis.” (1 Teasalónaigh 4:3) De réir an Bhíobla, tá adhaltranas, homaighnéasacht, agus caidreamh collaí idir fear agus bean nach bhfuil pósta i gceist le “drúis.”

•  Cén fáth a bhfuil sé tábhachtach i súile Dé go mbeadh lánúin pósta?

•  Céard faoi lánúin a bheith ag cónaí le chéile gan pósadh chun a fháil amach an bhfuil siad oiriúnach dá chéile?

•  Cén chaoi ar féidir le lánúin, pósadh láidir a chothú?

 Cén fáth a bhfuil sé tábhachtach i súile Dé go mbeadh lánúin pósta?

•   Tagann socrú an phósta ó Dhia. Bhunaigh sé an pósadh nuair a thug sé an chéad lánúin le chéile. (Geineasas 2:22-24) Ní raibh sé ar intinn aige fear agus bean a bheith ag cónaí le chéile gan a bheith pósta.

•   Tá a fhios ag Dia céard a théann chun tairbhe don duine. Bhunaigh sé an pósadh le bheith ina cheangal buan idir fear agus bean, rud a rachadh chun sochair dóibh agus a chosnódh gach ball den teaghlach. Míneoidh muid é ar bhealach simplí. Díreach mar a thagann treoracha ó dhéantóir troscáin chun troscán a chur le chéile i gceart, tugann Dia treoracha dúinn le caidreamh teaghlaigh rathúil a chothú. Téann caighdeáin Dé chun tairbhe i gcónaí dóibh siúd a leanann iad.—Íseáia 48:17, 18.

•   Is féidir le drochthoradh a bheith ar chaidreamh collaí taobh amuigh den phósadh. Mar shampla, d’fhéadfadh duine a bheith ag súil le páiste nach raibh pleanáilte, galar gnéas-tarchurtha a thógáil, agus mothúcháin ghoilliúnacha a bheith mar thoradh ar seo.

•   Chuir Dia ar chumas fear agus bean clann a shíolrú trí chaidreamh collaí a bheith acu. Tá an bheatha dhaonna luachmhar i súile Dé, agus is bronntanas luachmhar é a bheith in ann clann a shíolrú. Tá Dia ag iarraidh orainn ómós a léiriú don bhronntanas sin trí ómós a léiriú don phósadh.—Eabhraigh 13:4.

 Céard faoi lánúin a bheith ag cónaí le chéile gan pósadh chun a fháil amach an bhfuil siad oiriúnach dá chéile?

 Ní hé “an tréimhse thrialach” a thugann deis do cheachtar den lánúin fágáil, an chaoi is fearr le pósadh rathúil a chothú. Seachas sin, bíonn rath ar chaidreamh ina mbíonn an bheirt tiomanta go láidir dá chéile agus ag oibriú lena chéile chun fadhbanna a shárú. a Neartaíonn an pósadh dúthracht.—Matha 19:6.

 Cén chaoi ar féidir le lánúin, pósadh láidir a chothú?

 Níl aon phósadh foirfe. Ach, is féidir le lánúin pósadh maith a chothú trí phrionsabail an Bhíobla a chur i bhfeidhm. Seo a leanas roinnt samplaí:

•   Tabhair tús áite do riachtanais do chéile.—1 Corantaigh 7:3-5; Filipigh 2:3, 4.

•   Cothaigh grá agus ómós dá chéile.—Eifisigh 5:25, 33.

•   Foghlaim le srian a choinneáil ar do theanga.—Seanfhocail 12:18.

•   Bí foighneach agus réidh le maithiúnas a thabhairt.—Colosaigh 3:13, 14.